SOFONÍAS 2:10 - Biblia Guarani Tumpa Iñee

¹⁰ Köraita ko jekovia Moab pe jare Amón pe, ipɨapochɨ jeko pegua, yandeYa imbae vae reta kotɨ iñeeasɨ katu reta jeko pegua, oyembotuicha reta yandeYa Imbaepuere yae ete vae imbae vae reta iɨvɨ pe jeko pegua.

SOFONÍAS 2:10 ပူးပေါင်းရင်းမြစ်များ

1 CRÓNICAS 16:21

Tumpa mbaetɨ omaeño kia oyuvanga jese reta; oaɨu jeko pegua oiporarauka mburuvicha guasu reta pe.

ÉXODO 10:3

Jayave Moisés jare Aarón yogüɨraja Faraón pɨri, jare jei reta chupe: —OreYa, hebreo reta iTumpa jei körai: “¿Kërai yave regua pa mbaetɨta reñemomichi cheróvai? Emaeño toyogüɨraja tëta chembae, chemboete vaerä;

ÉXODO 9:17

Körai reve jekuaeñoi nde reyembopɨapochɨ tëta chembae kotɨ, mbaetɨ remaeño yogüɨraja reta.

ISAÍAS 16:6

Roendu Moab ipɨapochɨ, tuicha yae ko jókuae ipɨapochɨ, ipɨarai jare ipɨayemboete, ërei ngaraa ko oiko avei jókuae jeko reta.

JEREMÍAS 12:14

YandeYa jei körai Israel iyɨvɨrigua tëta reta jeko kavimbae reta kotɨ, jókuae omboai reta ɨvɨ jae omee imbae vae reta Israel pe vae kotɨ körai: “Che anoe retata iɨvɨ güi jare ipɨte reta güi anoeta Judá.

JEREMÍAS 48:14

Moab agüɨye tei: ‘Orerëia yae ko, ore ko ñeraro regua imbaepuere yae vae.’

JEREMÍAS 48:29

Yaikuaa katu Moab iyembotuicha; ipɨarai, ipɨayemboete jare ipɨapochɨ.

LAMENTACIONES 1:9

Jemimonde omongɨa iyoa pe; mbaetɨ oyemongeta këraita ko iyapɨ vae. Ñanemopɨakañɨ yé oa vae, jare mbaetɨ kia ombopɨakatu vaerä. ¡CheYa Tumpa, emae chepɨatɨtɨ re, echa tovaicho oyembotuicha yae!

EZEQUIEL 25:6

Echa, che ndeYa Tumpa jae körai: ‘Pe Amón iñemuña reta peyepopete jare pechäguariko peyerovia güi, jare pemotareɨ Israel iɨvɨ.

DANIEL 4:37

Añave che Nabucodonosor, amboete jare ambotuicha Mburuvicha guasu ara pegua, echa opaete jembiapo reta añete vae ko, jare jemimbota reta jupi vae ko; jare jae ipuere omomichi ipɨayemboete oiko vae.”

ABDÍAS 1:11

Tovaicho opɨ̈ro yave tëta guasu pegua mbaembae jepɨ vae, ketɨgua sundaro reta oike yave öke reta Jerusalén pegua rupi, ¡pe reta peñeñono ïkotɨa! Oyembosuerte yave Jerusalén pe mbae oñepɨ̈rogüe reta re, ¡pe reta peyapo vi jókuae reta jeko rami!

ABDÍAS 1:3

Pepɨapochɨ pe peyembotavɨuka. Peiko ɨ̈vavira ipäu rupi, jare peiko ɨvate yae vae pe, jáeramo peyererovia katu yae mbaetɨ kia ipuere pemoamɨri.

SOFONÍAS 2:8

YandeYa Imbaepuere yae ete vae jei körai: “Che aendu Moab iñemuña reta iporoangao jare Amón iñemuña reta iñeeasɨ tëta chembae vae kotɨ. Echa jei reta mbae jasɨ katu vae tëta chembae vae kotɨ, jare jae reta iɨvɨ pe oyembotuicha reta. Jáeramo, tae cheree re aeño: Moab iñemuña reta oasata Sodoma oasa rami, Amón iñemuña reta oasata Gomorra oasa rami, ñurati oñemuñata joko pe, yukɨ rendarä opɨtata. Kïrii ngatu aveita opɨta. Tëta chembae vae güi jembɨregüe opata güɨnoe omombo joko güi, jare oike retata yogüɨreko jókuae ɨvɨ pe.”

1 Pedro 5:5

Pe taɨrusu reta, peiko petenondegua reta jeia re. Jare opaete vae peiko kavi oyoupi peñemomichi reve; echa: “Tumpa oyovaicho ipɨarai vae reta kotɨ, ërei ipɨakavi oñemomichi vae reta kotɨ.”