SOFONÍAS 1:7 - Biblia Guarani Tumpa Iñee

⁷ ¡Peñemokïrii yandeYa jóvai, echa iporojäa iara oväeta ma! ¡YandeYa oporoyukata oï, jare opa ma oiparavo jembiparea reta!

SOFONÍAS 1:7 ပူးပေါင်းရင်းမြစ်များ

JOB 24:1

¿Maera ra Imbaepuere yae ete vae mbaetɨ oñono ara oporojäa vaerä, ipuere vaerä oikuaa vae reta oecha jae iporojäa?

SALMOS 46:10

“¡Peñemokïrii! ¡Peikuaa che ko jae Tumpa! ¡Che ko aï opaete tëtaguasu reta iárambo! ¡Chetuicha yaeta opaete ɨvɨ iárambo!”

ISAÍAS 13:3

Tumpa jei: Aenɨi ma chesundaro reta, jëia vae reta, oyeparavogüe reta, cheporomoamɨri re oyerovia vae reta, amondo oyapo reta vaerä cheporonupa.”

ISAÍAS 13:6

Peräse peyaeo, echa oväeta ma yandeYa iporojäa iara, Imbaepuere yae ete vae iporomokañɨtei ko.

ISAÍAS 2:12

echa yandeYa Imbaepuere yae ete vae ojäa yave jókuae ara, opaete kuimbae ipɨapochɨ vae reta, ipɨayemboete vae reta, ipɨa ombotuicha vae reta, omoñemomichita;

ISAÍAS 29:2

Ërei aruta chupe mbaesusere, jäseta jare oyaeota, jare jókuae tëta guasu oïta cheve Arielrä.

ISAÍAS 34:5

YandeYa ikɨsepuku oyekuaata ara re, oata Edom re, jókuae tëta oï yandeYa iyepopeyu pe vae.

ISAÍAS 34:6

YandeYa ikɨsepuku tugüɨ katuai jare mbaekɨra katuai oï, vecha kuimbae taɨrusu vae jare kavara kuimbae jugüɨgüe pe rami, vecha kuimbae ipɨ̈rɨkɨti ikɨragüe pe rami, echa yandeYa oporoyukata tëta guasu Bosra pe, jare jeta oyukata ɨvɨ Edom pe.

ISAÍAS 6:5

Jayave jae: “¡Atataɨ, maera pa ko amanota! Echa che kuimbae iyuru ikɨa Tumpa jóvai reve, jare tëta iyuru ikɨa Tumpa jóvai vae reta ipɨte pe aiko reve aecha Mburuvicha guasu, yandeYa Imbaepuere yae ete vae.”

JEREMÍAS 46:10

Jae ko kuae yandeYa Imbaepuere yae ete vae iporojäa iara, jae ko ara oiporarauka vaerä oyovaicho ikotɨ vae reta pe, kɨsepuku oporoyukata yangapɨɨ regua, tugüɨ pe oyembosavaɨpo regua. Echa yandeYa Imbaepuere yae ete vae etei ko oporoyukaukata Ɨvɨtuguasu kotɨgua tëtaguasu pe, ɨ̈aka Éufrates jembeɨ pe.

EZEQUIEL 7:10

¡Mase, ko ma oï ara! ¡Ou ma oväe kañɨtei!, ikavimbae oï oipota rupi, oasa ete ma pepɨarai.

EZEQUIEL 7:7

Ou oväe kañɨtei, kuae ɨvɨ pe peiko vae reta pe, ou oväe ara, köiño ma oï jókuae yembokepegua iara, mbaetɨta yerovia katu reta ɨvɨtɨ reta rupi.

JOEL 1:15

¡Atataɨ, oyearo ma yandeYa iporojäa iara! ¡Yavaete jókuae ara, echa Imbaepuere yae ete vae ko güeru yandeve kañɨtei!

JOEL 2:11

YandeYa oenduka iñee isundaro reta jenonde; jeta yae ko isundaro reta, jëia yae ko oyeokuai chupe vae reta; ¡tuicha jare yavaete yae ko yandeYa iporojäa iara! ¿Kia pa ipuereta güɨropɨa?

JOEL 2:31

Kuaraɨ pɨtumimbita jare yasɨ pïtata tugüɨ rami, ndei ou cheporojäa iara mbove, tuicha jare yavaete yae vae.”

AMÓS 6:10

Jare metei tëtara oipɨɨ yave tëogüe güɨnoe vaerä, oapɨta o güi güɨnoe vaerä; jare jeita o jugua kotɨ oï vae pe: “¿Oime ye pa kia oï nde ndive?” Jae jeita: “Mbaetɨ.” Jare jeita chupe: “¡Nekïrii, mbaetɨ yandepuere ñaenɨi yandeYa jee!”

AMÓS 8:3

Jókuae ara tupao pe otairari vae reta jäsembaita oyaeo. Jei yandeYa. Jeta yaeta omanogüe, oipota rupi kïrii ngatuño omombo retata.

HABACUC 2:20

Ërei yandeYa oï jo ikɨambaea pe: ¡Pekïrii jóvai opaete ɨvɨ pegua reta!

SOFONÍAS 1:14

¡Köi yae ma ou vaerä yandeYa iporojäa iara yavaete yae vae! ¡Köi yae ma, outa ete ma! YandeYa iporojäa iara yavaete yaeta jɨapu: ¡Jëia yae vae jäseta jókuae ara!

ZACARÍAS 14:1

Mase, ko yandeYa iporojäa iara ou ma, ndembaembae opata oyemboyao yao ndegüi Jerusalén.

ZACARÍAS 2:13

¡Tikïrii opaete vae yandeYa jóvai; echa jae ou jëta ikɨambaea güi!

MALAQUÍAS 4:1

YandeYa Imbaepuere yae ete vae jei: “Ko ma ou ara jaku rai yae horno rami vae. Opaete oyembopɨa pochɨ vae reta jare opaete ikavimbae iyapoa reta okaita kapii jendɨ rami. Jókuae ara outa oï vae oapɨ retata, jare ngaraa jembɨre jäka jare japo ave chugüi reta.

San Mateo 22:4

Jayave mburuvicha guasu oyókuai ye ïru jembiokuai reta; jei vaerä oparea ma chupe vae reta pe: ‘Mase, jaema oï tembíu. Ayuka guaka jare ïru cherɨmba reta amongɨragüe. Jaema oï. Peyu mendaa pe.’

Romanos 3:19

Ërei yaikuaa ko opaete mborookuai jei vae, jei ko mborookuai güɨnoi vae reta pe, agüɨye vaerä mbae jei jare opaete vae oike vaerä Tumpa iporojäa pe;

Romanos 9:20

Ërei nde, kuimbae ¿kia pa nde reñeengata vaerä Tumpa pe? Echa ɨvɨyapepo ¿ipuere pa iñeengeta iyapoa pe, jei: “Maera pa nde cheapo körai”?

Filipenses 4:5

Pepɨakavi toikuaa opaete vae. YandeYa ou yeta ete ma ko.

Colosenses 1:12

Peyerovia reve pemee yasoropai yandeRu pe, echa jae omee ma peve penoi vaerä pembaerä opaete ïru oporogüɨrovia vae reta tembipe pegua pe oñemeeta vae.

1 SAMUEL 16:5

Jae jei: —Jökorai ko. Ayu ko amee mɨmba oyeyukagüe yandeYa pe; peñeñono tee jare peyu che ndive mɨmba oyeyuka oñemee yandeYa pea pe. Javoi Samuel oñono tee Isaí jare taɨ reta, jare oparea chupe reta yogüɨraja vaerä mɨmba oyeyukagüe oñemee yandeYa pea pe.

1 SAMUEL 20:26

Jókuae ara Saúl mbaetɨ etei mbae jei, echa oyemongeta David re, ikɨa ko Tumpa jesa róvai, jáeramo mbaetɨ ou.