SOFONÍAS 1:5 - Biblia Guarani Tumpa Iñee

⁵ Amboaita jo iárambo oyeupi oyetavatɨka omboete vaerä yasɨtata, kuaraɨ, yasɨ vae, jare oyetavatɨka reta jei cheree re jare itumpa-raanga Milcom jee re vae reta.

SOFONÍAS 1:5 ပူးပေါင်းရင်းမြစ်များ

1 REYES 11:33

chereeya reta vae jeko pegua, jare omboete reta Astoret, Sidón pegua reta itumpa kuña, jare Quemos Moab pegua reta itumpa, jare Moloc Amón iñemuña reta itumpa; mbaetɨ oguata reta cheremimbota rupi, oyapo reta vaerä sɨmbi vae cheresa róvai, jare cheporookuai reta, tu David oyapo rami.

1 REYES 11:5

Omboete Astoret, jae ko Sidón pegua reta itumpa kuña, jare Milcom, Amón iñemuña reta itumpa-raanga ikavimbae yae vae.

1 REYES 18:21

Jayave Elías oya katu opaete yatɨ vae reta re, jare jei: —¿Kërai regua pa jekuaeñota peiko mókoi yemongeta ndive? YandeYa ko Tumpa yave, peguata jupieño; ani Baal ko yave, peguata jupieño. Jare opaete vae reta mbaetɨ iñee omoë.

2 REYES 17:32

Omboete reta vi yandeYa Tumpa, ërei oiparavo reta sacerdoterä oyougüi aeño, jókuae reta oyapo vaerä mbaravɨkɨ mbaemboete renda reta ɨvɨtɨ rupigua pe.

2 REYES 17:33

Oipoɨu reta tëi yandeYa güi, ërei omboete reta vi itumpa ae ae reta, tëtaguasu reta oyereroyakavoa güi vae jeko reta rami aeño.

2 REYES 17:41

Echa oipoɨu reta tëi yandeYa güi jare omboete reta vi tumpa-raanga reta. Jökoraiño vi taɨ reta jare jɨmɨmino reta oyapo iñemuñagüe reta rami, añave regua.

2 REYES 23:12

Omboai vi mɨmba oyeyuka oyeapɨ jese vae reta, mburuvicha guasu reta Judá pegua oyapo Acaz jo iárambo vae, jare mɨmba oyeyuka oyeapɨ jese vae reta Manasés omopüa yandeYa jo joka pe vae; opa oyoka jare ikuigüe opa omoai ɨ̈aka raɨ Cedrón pe.

ISAÍAS 22:1

Tëta guasu ɨvɨtɨ päu ipe kavi vae reta ipäu pegua maratuta vae regua: ¿Maera pa opaete vae oyeupi o iárambo?

ISAÍAS 44:5

Jayave amogüe jeita: ‘Che ko YandeYa imbae’, amogüe oñeenɨita Jacob iñemuña jee pe, amogüe oikuatiata ipo re: ‘YandeYa imbae ko che’, jare omoïruta Israel iñemuña reta jee pe jee ae.”

ISAÍAS 45:23

Cheyé aeño ko añererökuavee, cheyuru güi ko oë ñee jupi vae, jare ngaraa ko opɨta oyembopombae: Opaete vae oyetavatɨkata cheróvai, jare cheree reño jei retata mbaembae oyapo vaerä vae,

ISAÍAS 48:1

“Peyeapɨsaka, Jacob iñemuña reta, tee Israel pe peñeenɨi vae reta, Judá iñemuña reta; Tumpa jee re peñererökuavee mbae peyapo vaerä vae; Israel iTumpa pe peyerure vae reta, yepe tëi mbaetɨ añetete reve ani jupi rupi;

JEREMÍAS 12:16

Jae reta omboe chembae vae reta jei vaerä mbae Baal jee re, ërei oyapo reta yave añetete rupi chembae vae reta oyapo rami, jare jei reta mbae che cheree re yave, ipuere yogüɨreko chembae vae reta ipɨte pe.

JEREMÍAS 19:13

O reta Jerusalén pegua jare mburuvicha guasu reta Judá pegua jo reta, jare o reta iárambo ikäti kavi vae incienso oapɨ reta yasɨtata reta pea pe, jare omee reta mbota vino oyepɨyere vae tumpa ambuae pe vae, ikɨata opɨta cheróvai Tofet rami.’ ”

JEREMÍAS 32:29

Caldeaɨgua reta añave opüa ñogüɨnoi tëta guasu re vae oiketa pɨpe jare oyatapɨ retata jese; oapɨta vi o reta, iárambo güɨnoi reta ikäti kavi vae incienso oapɨ Baal peguarä jese vae, jare mbota vino oyepɨyere tumpa ambuae reta pe vae, jókuae rupi chemboarasɨuka reta vae.

JEREMÍAS 4:2

ndepuere rere cheree re, añetete vae, jupi vae jare sɨmbi vae. Jayave tëtaguasu reta peguarä cheree oïta, mborerekua jare mbaemboetea peguarä.”

JEREMÍAS 49:1

YandeYa jei Amón iñemuña reta regua körai: “¿Mbaetɨ pa Israel iñemuña reta? ¿Mbaetɨ pa mbaembae iyarä vae reta? ¿Maera pa tumpa-raanga Milcom añave oyemombae Gad iɨvɨ re? ¿Maera pa Amón iñemuña reta yogüɨreko jëta guasu reta pe?”

JEREMÍAS 5:2

Yepe tëi amogüe reta jei mbae cheree re, ërei mbaetɨ ko añetete jei reta.”

JEREMÍAS 5:7

YandeYa jei: “Cheɨ̈ro rapeä ko ndeve opaete kuae re. Peraɨ reta chereeya, jare jei reta mbae tumpa-raanga jee re. Amee jeta jembíu retarä, ërei mbaetɨ jeko kavi reta cheve, opaete vae yogüɨreko menda re oyuvanga vae rami.

JEREMÍAS 7:10

Javoi peyu kuae o cheree oñeenɨia pe peñeñono cheróvai. ¿Perovia pa jaekavi peiko jökorai, perovia pa jaekavi peyapoño vaerä jókuae ikavimbae reta mbaetɨ aropɨa vae?

JEREMÍAS 7:9

Pemaeñomi, peporoyuka, peyuvanga menda re, peñererökuavee jaanga, peapɨ ikäti kavi vae incienso Baal pe, jare pemboete tumpa ambuae mbaetɨ peikuaa vae reta.

JEREMÍAS 8:2

jare omoai retata ikatu rupi kuaraɨ pe, yasɨ pe jare opaete yasɨtata jae reta omboetese jare oyeokuaise chupe vae pe. Mbaetɨ eteita kia omonoo oñotɨ vaerä. Oñemoaita ñogüɨnoi ɨvɨ re tepoti rami.

OSEAS 10:2

Israel ipɨayoyavi, añave oiporarata iyoa re. YandeYa opata oyoka chugüi mɨmba oapɨ reta omee jese vae, jare omboaita itumpa-raanga reta.

OSEAS 4:15

Pe Israel pegua reta, peyoa ko yave, pe Judá pegua reta, agüɨye peyoa. ¡Agüɨye pekua Gilgal pe ani Bet-avén pe, agüɨye peñererökuavee mbae peyapo vaerä yandeYa jee re!

AMÓS 5:26

Jaeño perajase petumpa-raanga reta Moloc jare Quiún jo, jókuae petumpa-raanga reta iä peyapo peyeupe vae.

San Mateo 6:24

Ngaraa kia ipuere oyeokuai kavi mókoi iya güɨnoi yave; echa omotareɨta metei iya jare oaɨuta ïru, ani oyeokuai kavita metei pe jare güɨröɨrota ïru. Ngaraa pepuere peyeokuai päve Tumpa pe ani mbaeyekou pe.

Hechos 10:9

Pɨareve pe, jae reta yogüɨraja tape rupi köiño ma Jope güi ramboeve, kuaraɨ ara mbɨteta ma yave Pedro oyeupi o iárambo ipe kavía pe oyerure vaerä Tumpa pe.

Romanos 14:11

Echa oyekuatía oï körai: “Che peYa, tae cheyé aeño, opaete vae oyetavatɨkata cheróvai, jare opaete vae chemboeteta ko.”

DEUTERONOMIO 10:20

YandeYa Tumpa güiño peipoɨu, chupeño peyeokuai, jeia reño peiko, jare jae jee reño opaete mbae peyapo.

DEUTERONOMIO 4:19

Ani pemae yave ara kotɨ jare peecha kuaraɨ, yasɨ jare yasɨtata, jare opaete ara ipo reta jare petindɨ pemboete ani peyeokuai chupe; echa yandeYa Tumpa ko oyapo kuae mbaembae, opaete vae reta peguarä.

JOSUÉ 23:7

agüɨye vaerä peyea kuae tëtaguasu reta opɨta pepɨte pe vae ndive, agüɨye peenɨi itumpa reta jare agüɨye mbae peiporu jare peyapo itumpa reta jee re, agüɨye peyeokuai chupe, agüɨye ave peyetavatɨka jae reta jóvai.