SOFONÍAS 1:4 - Biblia Guarani Tumpa Iñee

⁴ “Amopüata chepo Judá kotɨ, opaete Jerusalén pegua reta kotɨ. Amboaita kuae güi opaete mbaembae tumpa-raanga Baal regua opɨta vɨteriño vae, jare opaete isacerdote itumpa-raanga pota vae reta jee.

SOFONÍAS 1:4 ပူးပေါင်းရင်းမြစ်များ

2 REYES 21:13

Ajäata Jerusalén, Samaria ajäa rami etei, jare Acab iñemuña reta ajäa rami; aeyata ikɨambae, metei ñae oyeyoe yave oyembovapɨ oñeñono rami.

2 REYES 23:12

Omboai vi mɨmba oyeyuka oyeapɨ jese vae reta, mburuvicha guasu reta Judá pegua oyapo Acaz jo iárambo vae, jare mɨmba oyeyuka oyeapɨ jese vae reta Manasés omopüa yandeYa jo joka pe vae; opa oyoka jare ikuigüe opa omoai ɨ̈aka raɨ Cedrón pe.

2 CRÓNICAS 34:4

jare opa oyemboai jae jóvai opaete mɨmba oyeyuka oyeapɨ jese Baal pe vae reta. Opa vi oyokauka kuaraɨ iä reta mɨmba oyeyuka oyeapɨ jese vae güi ɨvate oï jare Asera iä reta jare mbae iä reta oyemondɨkui oyeapo vae; opa omongúi, jare opa omoai jókuae mɨmba oyuka omee chupe vae reta jɨvɨa re.

ÉXODO 15:12

¡Remopüa ndepo ndeakatu kotɨgua; jare ɨvɨ opa omókoi reta!

JEREMÍAS 15:6

Nde chereeya, reyerova chegüi. Jáeramo che, mbaetɨ ma aropɨa, aitɨta chepo aiporarauka vaerä ndeve jare romboai vaerä.

JEREMÍAS 6:12

Jo reta, iɨvɨ reta, jare jae reta jembireko oñemeeukata ambuae vae reta pe. Echa chepo ko amopüa aiporarauka vaerä kuae ɨvɨ pegua reta pe. Che ndeYa jae kuae.

EZEQUIEL 25:7

Jáeramo, aiporaraukata peve jare pomeeta ïru tëtaguasu reta pe, opɨ̈ro vaerä pegüi opaete pembaembae. Pomokañɨteita ïru tëta reta ipɨte güi, pomboaita ïru tëtaguasu reta güi, opaeteita pomokañɨtei. Jayave pe reta peikuaata che ko jae peYa vae.’ ”

EZEQUIEL 6:14

Amopüata chepo ikotɨ reta, aiporarauka vaerä chupe reta; opaete kerupi yogüɨrekoa rupi, aeyata ipombae ñuu arayevɨ kotɨ güive Diblat pe ɨvɨtuguasu kotɨ. Jayave oikuaa retata che ko jae iYa vae.”

OSEAS 10:5

Guaka taɨrusu vae iä Bet-avén pegua oyemboai jeko pegua okɨɨyeta Samaria pegua reta. Jae reta jare isacerdote reta jäse retata toro taɨrusu vae iä oyemboai vae re, echa iyemboetea oyekou jese vae opata okañɨtei.

MIQUEAS 5:13

opata amboai pegüi pepoki rupi mbae peyapo vae reta, mbae iä reta opata amboai pepɨte güi, ngaraa ye ma pemboete pepo pe peyapogüe reta.

SOFONÍAS 2:11

YandeYa ngaraa ipïri jese reta. Opata omboai tumpa-raanga reta jókuae ɨvɨ pegua, jare opaete vae tëtaguasu omboeteta, ɨguasu ipäu pegua reta ave.

SOFONÍAS 2:13

Jae omopüata ipo ɨvɨtuguasu kotɨ omboai vaerä Asiria, tëta Nínive oeyata kïrii ngatu, ñuu rami otinita opɨta.