SOFONÍAS 1:18 - Biblia Guarani Tumpa Iñee

¹⁸ YandeYa iporojäa iara pe, kuimbae reta ngaraa oyereroasayepe, ikorepoti rupi ani ioro rupi ave, echa yandeYa jägüɨro jeko pegua iyarasɨ yae, opaeteita omboai mbaembae kuae ɨvɨ pe. ¡Opaete ɨvɨ pegua reta okañɨteita jarembae pegua!

SOFONÍAS 1:18 ပူးပေါင်းရင်းမြစ်များ

GÉNESIS 6:7

YandeYa jei: “Amokañɨteita kuae ɨvɨ güi kuimbae reta ayapogüe. Amokañɨteita kuimbae jare opaete mɨmba jare mɨmba ipɨtía re oguata vae, jare güɨra reta. ¡Echa chembopɨatɨtɨ arakae ayapo vae reta!”

1 REYES 14:22

Jare Judá oyapo ikavimbae vae yandeYa jesa róvai, jare omboarasɨuka yae opaete iñemuñagüe reta mbaeyoa oyapogüe güi,

JOB 21:30

“Tumpa iyarasɨ yave ombou mbaesusere, jare jeko pɨ̈chɨi vae mbaetɨ maratu oiko”?

JOB 3:15

Ani mburuvicha reta güɨnoi oro vae ndive, jo reta omotɨnɨe korepoti pe vae.

SALMOS 78:58

Mbaemboete renda ɨvɨtɨ rupigua oyapo reta vae rupi omboarasɨuka reta, jare omboete reta tumpa-raanga reta vae rupi omoägüɨrouka.

SALMOS 79:5

CheRu Tumpa, ¿kërai yave regua pa ndearasɨta? ¿Ndearasɨ yae aveita pa nerägüɨro jeko pegua?

PROVERBIOS 11:4

Tumpa iporojäa iara pe, mbaeyekou reta ngaraa etei oporoepɨ; ërei mbae jupi vae oporoepɨta ko mano güi.

PROVERBIOS 18:11

Oikokatu vae imbaeyekou, tëta guasu jëguambae rami ko chupe; metei tëta guasu ikësea ɨvate yae vae rami ko chupe.

ISAÍAS 1:24

Jáeramo, yandeYa Imbaepuere yae ete vae, Imbaepuere yae vae Israel pegua jei: “¡Joko peño mo! Tañono kavi teko oyemboyovaicho chekotɨ vae reta ndive. Tayepɨ jese reta.

ISAÍAS 10:17

Jare Tumpa Iyoambae, tembipe Israel pegua, oïta tata jendɨ vae rami, metei ara pe opata omboai opaete ñana jare yuu reta.

ISAÍAS 10:3

¿Mbae pa peyapota ou yave oväe ara peiporara vaerä opaete kuaekuae re? ¿Kia re pa peyekota pemborɨ vaerä, ou yave matɨ güi oiporarauka vaerä peve vae? ¿Kia pe pa peeyata pembaeyekou reta?

JEREMÍAS 7:20

Jáeramo che peYa, aitɨta chearasɨ kuae tupao re, jare opaete tëta ipo reta re, jökoraiño vi mɨmba reta re, opaete ɨvɨra reta re, jare opaete temitɨ reta re. Mbae ókai vae mbaetɨ kia ipuere ombogüe vae ramita.”

JEREMÍAS 7:34

Amokañɨta Judá pegua tëta guasu reta güi jare kaye reta Jerusalén pegua güi, tairari yerovia katu arete pegua reta, jare tairari menda pegua reta; opaete kuae ɨvɨ oyemboaita opɨta.”

JEREMÍAS 9:11

Jerusalén tëtagüerä ayapota, opɨtata aguarayaɨmba reta jëtarä; jare tëta guasu reta Judá pegua opɨtata ipombae, mbaetɨta kia ave oiko pɨpe.”

EZEQUIEL 16:38

Rojäata reyuvanga menda re jare reporoyuka vae jeko pegua, jare cherägüɨro ramo chearasɨ reve romeeta mano pe.

EZEQUIEL 23:25

Che aitɨta nderé chearasɨ cherägüɨro ramo, jae reta oiporaraasɨ katuta ndeve, oyasɨa retata netï, nenambi, jare oikoveño opɨta ndegüi vae reta, oyukata kɨsepuku pe. Opaeteita güɨraja ndegüi nemembɨ reta, jare jembɨregüe reta opata omokañɨtei tata pe.

EZEQUIEL 7:11

Tekorai oyekuaa, joko güi oë ikavimbae. Ërei jae reta ngaraa oasayepe, chugüi reta jare imbaeyekou reta ave ngaraa oasayepe; mbaetɨta kia ave oäpiro vaerä.

EZEQUIEL 7:19

Omombo retata ikorepoti kaye rupi, jare ioro omombota ɨtɨ rami. Ërei ioro ani ikorepoti ave ngaraa güɨroasayepe chearasɨ güi. Ngaraa osirive chupe reta omoangapɨɨ vaerä ani omoɨ̈vɨata vaerä, echa jókuae korepoti jare oro jeko pegua ko oa reta mbaeyoa pe.

EZEQUIEL 7:5

Che peYa Tumpa jae körai: Köiño ma ou iyapɨ vaerä ndeve, jare oyoaɨkue yoaɨkue outa susere ndeve; köiño ma ou iyapɨ vaerä ndeve.

SOFONÍAS 1:11

¡Peyaeo, pe tëta Mactes jee vae pegua reta, echa opata okañɨtei omaemee vae reta, opaete korepoti omee vae reta!

SOFONÍAS 1:15

Tumpa iyarasɨ iara ko jókuae ara, mbɨatɨtɨ jare pɨajopa iara, yembokepegua jare kañɨtei iara, pɨtumimbi yae vae iara, jare amapɨtu jüu yae vae iara;

SOFONÍAS 2:2

ndei mborookuai oime pekotɨ vae ou mbove, ndei ara oasa ɨtɨ rami mbove ndei yandeYa iyarasɨ oa peré mbove, ndei ou peré yandeYa iporojäa iara mbove.

SOFONÍAS 3:8

Jáeramo, cheräro pe reta, ayuta metei ara pojäa. Che, peYa ko jae jökorai: Ayemongeta amboatɨ vaerä tëtaguasu reta jare mborookuaía reta aitɨ vaerä jese reta chearasɨ, chearasɨ yavaetegüe. ¡Cherägüɨro jeko pegua chearasɨ yaeta, opaeteita amboai kuae tëtaguasu reta!

San Mateo 16:26

¿Mbaerä pa osiriveta kuimbae pe omongana yave opaete ɨvɨ, ërei jekove okañɨtei?, ani ¿Mbovɨ ra omboepɨta ogua vaerä jekove?

1 Corintios 10:22

¿Ñamoägüɨroukata pa yandeYa?, ani ¿yandepuere yae pa yandeYa güi?

DEUTERONOMIO 31:17

jókuae ara chearasɨta chupe reta, aeya retata, ayerovata chugüi reta jare oiporara yae jeta mbaembae ikavimbae vae jeko pegua jei retata jókuae ara: ‘¿Mbaetɨ ma ndipo ñaneTumpa oï yande ndive, jáeramo yaiporara kuae mbaembae reta?’