SOFONÍAS 1:14 - Biblia Guarani Tumpa Iñee

¹⁴ ¡Köi yae ma ou vaerä yandeYa iporojäa iara yavaete yae vae! ¡Köi yae ma, outa ete ma! YandeYa iporojäa iara yavaete yaeta jɨapu: ¡Jëia yae vae jäseta jókuae ara!

SOFONÍAS 1:14 ပူးပေါင်းရင်းမြစ်များ

ISAÍAS 15:4

Tëta Hesbón jare Eleale pegua reta jäseta; tëta Jahaza pe oyeenduta jäse reta; jókuae re oyaeota kuimbae ñeraro regua Moab pegua reta, okɨɨye yae retata.

ISAÍAS 33:7

¡Mase, kërai jäseta tëta guasu ikatu pe, omondo imiari jekovia pe vae reta, yogüɨraja mbɨakatu oyapo vaerä vae reta täta oyaeota!

ISAÍAS 66:6

Tëta guasu pe jeta jäsembaiecha vae, tupao pe ñee oyeendu, jae ko yandeYa iñee oiporarauka vaerä jovaicho reta pe, jeko re.

ISAÍAS 8:22

jare oeka reta tëi yemborɨ kuae ɨvɨ pe yave, jaeño oväe retata mbaeporara jare mbɨatɨtɨ; jare jókuae susere pe opata ɨvɨ oñeñono oyeeya.

JEREMÍAS 25:36

Jäse vecha iyangarekoa reta, vecha reta jeroataa reta güɨroäse jɨmba jembiumbae, echa yandeYa opa omboai ikapii reta.

JEREMÍAS 30:7

¡Oyearo ma ara yavaetegüe, mbaetɨi jókuae nunga ara tenonde rupi! Ara mbɨatɨtɨ pegua ko Jacob iñemuña reta pe, ërei che aroasayepe retata.

JEREMÍAS 46:5

Ërei ¿mbae pa ko aecha? Oyerova ye reta okɨɨye yae reve. Jëia yae vae reta iñamɨri jare opa oñemoai moai; oë osɨi reta, oyerovambae etei omae jaɨkue kotɨ. ¡Oime kɨɨye opaete rupi! Che ndeYa ko jae kuae.

JEREMÍAS 48:41

Tëta guasu reta jare ñepɨ̈roa reta opata oa jovaicho reta ipo pe. Jókuae ara jëia vae reta Moab pegua, orɨrɨita kuña imembɨ oa oï vae rami.

EZEQUIEL 12:23

Jáeramo ere chupe reta: ‘Körai jei yandeYa: Che amboapɨta Israel pe jókuae ñee reta.’ Jare emombeu vi chupe reta köiño yae ma oyembopo vaerä Tumpa oechauka iñeemombeúa reta pe vae.

EZEQUIEL 30:3

köi yae ma ou; ¡köi yae ma ou yandeYa iara oporojäa vaerä! ¡Ara pɨtumimbi yaeta vae, tëtaguasu reta oiporarata vae!

EZEQUIEL 7:12

Oväe ma ara. Oyembaegua vae ani oñemaemee vae mbaetɨta ma jaekavi. Echa oväe ma ara, aiporarauka vaerä chearasɨ rupi Israel pegua reta pe.

EZEQUIEL 7:16

Amogüe oasayepe vae reta otekuaraita ɨvɨtɨ kotɨ, pɨkasu ɨvɨtɨ päu ipe kavi vae rupigua okɨɨye güi otekuarai rami, opaete vae omanota, güɨroäse retata iyoa.

JOEL 1:15

¡Atataɨ, oyearo ma yandeYa iporojäa iara! ¡Yavaete jókuae ara, echa Imbaepuere yae ete vae ko güeru yandeve kañɨtei!

JOEL 2:1

Pemoñee mimbɨguasu ɨvɨtɨ Sión pe; pemoñee yemombarandu cheɨvɨtɨ oñeñono tee vae re, perɨrɨi opaete, pe kuae ɨvɨ ipo reta, echa yandeYa iporojäa iara köi ma oï.

JOEL 2:11

YandeYa oenduka iñee isundaro reta jenonde; jeta yae ko isundaro reta, jëia yae ko oyeokuai chupe vae reta; ¡tuicha jare yavaete yae ko yandeYa iporojäa iara! ¿Kia pa ipuereta güɨropɨa?

JOEL 2:31

Kuaraɨ pɨtumimbita jare yasɨ pïtata tugüɨ rami, ndei ou cheporojäa iara mbove, tuicha jare yavaete yae vae.”

JOEL 3:14

Jeta yae vae ou ɨvɨtɨ päu ipe kavi vae Kïreɨ jee vae pe, echa köi yae ma oï yandeYa iporojäa iara.

JOEL 3:16

YandeYa iñeeäta ɨvɨtɨ Sión güi yave, jae ko Jerusalén pe, ara jare ɨvɨ okanata. Erei yandeYa ko Israel iñemuña reta iñepïroka, jae ko tëta imbae vae iyeroviaka.

AMÓS 8:2

Jare oparandu cheve: —¿Mbae pa reecha Amós? Che jae chupe: —Metei kanata temitɨ ia yagüɨyegüe. Jare yandeYa jei cheve: —Ou ma oväe ara iyapɨ, Israel tëta chembae vae re; mbaetɨta ma aropɨa chupe.

SOFONÍAS 1:10

YandeYa jei: “Jókuae ara oyeenduta täsémbai, öke Pira röke jee vae güive. Jare vi tëta jembeɨ ïru kotɨ jare oyeenduta kërai jɨapu osururu ɨvɨtɨ vae.

SOFONÍAS 1:7

¡Peñemokïrii yandeYa jóvai, echa iporojäa iara oväeta ma! ¡YandeYa oporoyukata oï, jare opa ma oiparavo jembiparea reta!

MALAQUÍAS 4:5

Mase, ambouta peve ñeemombeúa Elías, ndei ou mbove yandeYa iporojäa iara, tuicha yae jare yavaete yaeta vae.

Hechos 2:20

Kuaraɨ oyembopɨtumimbita, jare yasɨ oyeapota tugüɨ rami, ndei cheporojäa iara oväe mbove. Jókuae ara opaete vae ipɨakañɨta ko.

Filipenses 4:5

Pepɨakavi toikuaa opaete vae. YandeYa ou yeta ete ma ko.

1 Tesalonicenses 4:16

Echa yandeYa etei ogüeyɨta ara güi ñee mbaepuere pegua ndive, araɨgua tenondegua vae iñee jare Tumpa jemimbɨ guasu ndive. Jare Cristo re güɨrovia reve omano vae reta oikove yeta jae reta räri;

Hebreos 12:26

Jókuae ara Tumpa iñee omokana ɨvɨ. Ërei añave jei körai: “Mbaetɨta amokana ye ɨvɨño, ara vi amokanata.”

Santiago 5:9

Cherɨvɨ reta, agüɨye peñeengeta oyokotɨ, agüɨye vaerä peyemboekouka. Echa oporojäa vae öke pe ma oï.

2 Pedro 2:3

Jare jae reta ikorepoti potarai güi pembotavɨta iporomboe rupi pekorepoti re. Ërei ɨma ma Tumpa ojäa reta. Jáeramo okañɨteita ma.