SOFONÍAS 1:13 - Biblia Guarani Tumpa Iñee

¹³ Jáeramo, opata oñepɨ̈ro imbaembae, jare jo reta opata oyemboai. Oyapo retata o, ërei ngaraa yogüɨreko pɨpe; oñotɨ retata uva, ërei ngaraa jou reta vino oyeapo chugüigüe.”

SOFONÍAS 1:13 ပူးပေါင်းရင်းမြစ်များ

ISAÍAS 6:11

Jare che jae chupe: “¿Kërai yave regua pa cheYa?” Jare jae jei cheve: “Tëta guasu reta opa oyemboai regua, ipombae opɨta regua; o reta ipombae opɨta regua, jare ɨvɨ ipombae opɨta regua,

JEREMÍAS 15:13

Israel, romeeta ndeyoa reta jeko pegua nderovaicho reta ipo pe, ndembaeyekou reta jare opaete ndembaembae reta jepɨ vae, opaete renoi ndeɨvɨ pe vae, güɨrajaiño vaerä iyeupe reta.

JEREMÍAS 17:3

jare ɨvɨtɨ reta ñuu pegua re. Ndeyoa jeko pegua, apɨ̈roukata ndegüi opaete ndembaeyekou reta; oñepɨ̈rota ndegüi, mbaemboete renda reta ɨvɨtɨ rupigua, opaete ndeɨvɨ rupi renoi vae jeko pegua.

JEREMÍAS 4:20

Oyoaɨkue yoaɨkue jërakua susere; echa tëtaguasu opaetei oyemboai oï. Aramoete opa oyemboai chero reta, jendagüe opɨta chero guakapi pegua.

JEREMÍAS 4:7

Yaguapope oë ma ikua güi, tëtaguasu reta imboaia oë ma oguata; iɨvɨ güi oë ndeɨvɨ omboai vaerä, nerëta guasu reta omboaita jare ipombae opɨtata.

JEREMÍAS 5:17

Neremitɨ jare nderembíu jou retata, nemichia reta ave jou retata ndegüi. Ndevecha jare ndeguaka reta, ndeuva jare ndeɨva reta. Jembiporu ñeraro pegua pe omboaita tëta guasu oñekëse kavi vae, reyerovia jese vae.”

JEREMÍAS 9:11

Jerusalén tëtagüerä ayapota, opɨtata aguarayaɨmba reta jëtarä; jare tëta guasu reta Judá pegua opɨtata ipombae, mbaetɨta kia ave oiko pɨpe.”

JEREMÍAS 9:19

Echa Sión güi oyeendu ñee yaeo reve vae körai: ¡Maera pa ko opa yayemboai! ¡Ñemomarai tuichagüe yaiporara! Yaeyata ko yandeɨvɨ, echa yandero reta opa oyemboai.

LAMENTACIONES 5:2

Opaete oreɨvɨ opɨta, ketɨgua reta ipo pe; orero reta opɨta, ïru tëtaguasu pegua reta joorä.

EZEQUIEL 22:31

Jáeramo aitɨ chearasɨ jese reta, chearasɨ yae reve amboai reta, aiporarauka vaerä chupe reta jeko. Che peYa Tumpa jae kuae.”

EZEQUIEL 7:19

Omombo retata ikorepoti kaye rupi, jare ioro omombota ɨtɨ rami. Ërei ioro ani ikorepoti ave ngaraa güɨroasayepe chearasɨ güi. Ngaraa osirive chupe reta omoangapɨɨ vaerä ani omoɨ̈vɨata vaerä, echa jókuae korepoti jare oro jeko pegua ko oa reta mbaeyoa pe.

EZEQUIEL 7:21

Ambouta ketɨgua reta opa vaerä opɨ̈ro chugüi reta, jare jeko kavimbae reta kuae ɨvɨ rupigua opata güɨraja chugüi reta, mbaetɨ eteita omboete reta.

EZEQUIEL 7:24

Ambouta ipɨapochɨ yae vae reta ïru tëtaguasu reta güi, jae reta yogüɨrekota o reta tëta guasu pegua pe. Ipɨayemboete vae reta imbaepuere amboapɨta chugüi; jare jae reta imbaemboetea ikɨata cheróvai opɨta.

AMÓS 5:11

Peyuvanga paravete vae re jare pekovara chupe trigo güɨnoi vae re, peyapo perorä ita oñeopagüe katuai vae jeko pegua, mbaetɨta peiko pɨpe; peuvarupa kavi peñotɨ vae güi mbaetɨta peu vino.

MIQUEAS 3:12

Jáeramo, Jerusalén tëta guasu ɨvɨtɨ Sión pegua, pereko pegua opata oyeara ko rami, opaeteita oikomegua megua, jare tupao iɨvɨtɨ re okuakuaata ɨvɨra.

MIQUEAS 6:15

Pemaetɨta, ërei ngaraa pembaarɨvo; peyapasota temitɨ olivo jee vae iagüe, ërei ngaraa peyembopiche pɨpe; peitɨamita uva pɨau, ërei ngaraa peu vino.

SOFONÍAS 1:9

Jaeramiño vi aiporaraukata jókuae ara, itumpa-raanga jöke oyapɨraa vae reta pe, iya jo omotɨnɨe oñomigüe pe ani oporombotavɨgüe pe vae reta.”

DEUTERONOMIO 28:30

Pemomiari tëita kuña pemenda ïrurä, ërei ambuae vae kuimbaei güɨrekota; peyapota o, ërei ngaraa peiko pɨpe; peñotɨta uva, ërei ngaraa peyekou iagüe re.

DEUTERONOMIO 28:39

Peñotɨ tëita uva, peyangarekota jese, ërei ngaraa peu tɨgüegüe ani iagüe yepe, echa taso opata jou.

DEUTERONOMIO 28:51

Jou retata perɨmba imembɨ reta, peremitɨ ia, opa pekañɨtei regua; mbaetɨta oeya peve trigo yepe, ani uva tɨgüegüe, ani olivo iasaite, peguaka imembɨ yepe, ani vecha imembɨ yepe, opa regua pemokañɨtei.