SOFONÍAS 1:12 - Biblia Guarani Tumpa Iñee

¹² Jókuae ara, amoendɨta metei mechero jare amboesapeta amae Jerusalén re. Jare aiporaraukata jókuae ipɨagüive ñogüɨnoi vae reta pe, vino kïrii ngatu oï kopa pe rami vae, echa jókuae reta jei iyeupe: ‘¡YandeYa ngaraa oyapo mbae, ngaraa oyapo ikavi vae ani ikavimbae!’

SOFONÍAS 1:12 ပူးပေါင်းရင်းမြစ်များ

JOB 21:15

¿Kia pa jókuae Imbaepuere yae ete vae romboete vaerä? ¿Mbae pa omeeta oreve royerure chupe yave?”

SALMOS 10:4

Jeko kavimbae, ipɨayemboete yae jeko pegua mbaetɨ ndereeka cheRu Tumpa; mbaetɨ oipoɨu ndegüi.

SALMOS 14:1

Iyarakuaambae jei ipɨa pe: “Mbaetɨ Tumpa.” Oñererokomegua reta, oyapo reta ikavimbae yae vae; mbaetɨ kia oyapo ikavi vae.

SALMOS 94:7

Jei reta: “Tumpa mbaetɨ ko oecha, Jacob iTumpa oikuaaä ko kuae regua.”

ISAÍAS 5:19

Pe reta pere: “Tumpa toyapo, jae oipota oyapo vae, yaecha vaerä; Israel pegua Tumpa Iyoambae toyapo jarembae pegua iyemongeta, yaikuaa vaerä.”

JEREMÍAS 10:5

Sɨmbi, omɨimbae oyemboɨ reta karandaɨ rami, mbaetɨ imiari reta, ovoɨ reta güɨraja, echa mbaetɨ ipuere oguata reta. Agüɨye pekɨɨye chugüi reta, echa mbaetɨ ipuere reta oyapo ikavimbae ani ikavi vae ave.”

JEREMÍAS 48:11

Tëta Moab oyeapo ramo güive oiko pɨagüive, mbaetɨi oyereraja tembipɨɨrä ïkotɨa. Jae ko, vino oguapɨ kavi jɨru pe vae mbaetɨi oyekuavo jɨru güi ïru jɨru pe vae rami, jáeramo mbaetɨ okañɨ chugüi jëe ngatu vae.

EZEQUIEL 8:12

Jare jei cheve: “¿Nde kuimbae, reecha pa Israel iñemuña itenondegua reta oyapo vɨari, metei ñavo itumpa-raanga jɨru pe vae? Echa jae reta jei: ‘Ngaraa yandereecha yandeYa, oeya ma ko kuae ɨvɨ.’ ”

EZEQUIEL 9:4

Jare yandeYa jei chupe: “Emboapɨ eguata tëta guasu Jerusalén rupi, jare opaete ipɨatɨtɨ jare oyembopɨaä mbaeyoa oyeapogüe re jókuae tëta guasu pe vae, emokañɨmaa jesɨva pe.”

EZEQUIEL 9:9

YandeYa jei cheve: “Mbaeyoa oyapo Israel pegua jare Judá pegua reta vae ikaviä yae ko. Kuae ɨvɨ pe jeta yae oyoyuka vae; jare kuae tëta guasu pe jeta jupimbae. Echa jei reta: ‘YandeYa oeya ma ko kuae ɨvɨ, ngaraa oecha yayapogüe.’

AMÓS 6:1

¡Paravete, Sión pe yogüɨreko pɨagüive vae reta! ¡Jare tëta Samaria ɨvɨtɨ re oï vae pe yogüɨreko pɨagüive vae reta, tenondegua reta, iyemboetea yae tëtaguasu pe vae reta, kuae reta re ko oyemboya Israel iñemuña reta!

ABDÍAS 1:6

¡Esaú, kërai opaetei mbae oñepɨ̈ro ndegüi! ¡Opa oñomi ndegüi opaete ndembaembae jepɨ yae vae!

MALAQUÍAS 2:17

Pembogüérai ma yandeYa peñee pe. Ërei pere: “¿Mbae nunga ñee pe pa rombogüérai?” Echa pere: “Kia nunga vae oyapo ikavimbae yave ombopɨakatuño yandeYa.” Ani pere yave: “¿Ketɨ pa opɨta yandeYa jupi yae vae?”

2 Pedro 3:4

jei retata: “¿Kërai pa Cristo ou yeta vae regua? Echa ñaneñemuñagüe reta omano güive opaete mbaembae oyovakeño oï ɨvɨ Tumpa oyapo güive.”

Apocalipsis 2:23

Jare ayukata jókuae kuña imembɨ reta, jare opaete oporogüɨrovia vae reta oikuaata kërai che aikuaa opaete vae iyemongeta jare ipɨa. Jare ameeta metei ñavo vae pe jembiapo oï rupi.