Santiago 5:9 - Biblia Guarani Tumpa Iñee

⁹ Cherɨvɨ reta, agüɨye peñeengeta oyokotɨ, agüɨye vaerä peyemboekouka. Echa oporojäa vae öke pe ma oï.

Nuevo Testamento Guaraní Pe

⁹ Agüɨye peñeenguru oyoupe, cherɨvɨ reta. Echa peñeenguru yave oyoupe, peñemboecota. Echa oporojaa vae ɨmambae outa ovae.

Santiago 5:9 ပူးပေါင်းရင်းမြစ်များ

GÉNESIS 4:7

Reyapo yave viña ikavi vaeño, ngaraa tëi ko jökorai reï. Ërei mbaetɨ yave reyapo ikavi vaeño, eyeandu, mbaeyoa okätɨro oï nderé öke pe ndepɨɨ vaerä. Ërei nde ndepuere ko remoamɨri.”

SALMOS 59:15

Oguata reteiño oeka reta mbae jou vaerä, mbaetɨ jɨ̈vɨata yave, iköeiño oyaeo reta.

EZEQUIEL 7:12

Oväe ma ara. Oyembaegua vae ani oñemaemee vae mbaetɨta ma jaekavi. Echa oväe ma ara, aiporarauka vaerä chearasɨ rupi Israel pegua reta pe.

LEVÍTICO 19:18

Agüɨye peyepɨse, agüɨye peñovatu pepɨa pe ikavimbae perëtaɨgua kotɨ. Peaɨu perapicha pe peyeaɨu rami. Che ko peYa.

San Mateo 24:33

Jökoraiño vi pe reta peecha yave opaete kuae mbaembae oasa, peikuaata che köi yae ma ko öke pe aï.

San Marcos 13:29

Jökoraiño vi pe reta peecha yave opaete kuae mbaembae oasa, peikuaata che köi yae ma ko öke pe aï.

San Marcos 6:19

Jáeramo Herodías oipïaro Juan, jare oipota tëi oyukauka, ërei ipuereä.

1 Corintios 10:11

Tumpa oechauka yandeve kuae mbaembae oasa jae reta ndive vae. Jare oyekuatía oï yandemboarakuaa vaerä. Yande yaiko ara taɨkuegua pe vae reta pe.

1 Corintios 4:5

Jáeramo agüɨye peporojäa ndei iara mbove. Peäro yandeYa ou ye regua. Echa jae omboyekuaa kavita opaete mbaembae oñemi pɨtumimbi pe oï vae. Jare omboyekuaata opaete pɨa jemimbota. Jayave metei ñavo omboresiveta mbaemboete Tumpa güi.

2 Corintios 9:7

Metei ñavo tomee, ipɨa pe oñono omee vaerä vae. Agüɨye tomee ipɨatɨtɨ reve ani che jae chupe güiño, echa Tumpa oaɨu oyerovia reve omee vae.

Gálatas 5:14

Echa opaete mborookuai, oyembopo kuae re: “Eaɨu nderapicha nde reyeaɨu rami.”

Gálatas 5:26

Agüɨye yayembotuicha. Agüɨye yayovaicho oyoupii. Agüɨye yandepɨakatúä oyokotɨ.

Santiago 4:11

Cherɨvɨ reta, agüɨye peñeenguru oyokotɨ. Kia iñeenguru jare ojäa jëtara vae, iñeenguru jare ojäa ko mborookuai. Ërei nde rejäa mborookuai yave, jaeä ko nde mborookuai jei vae iyapoa, jaeño ojäa vae.

Santiago 4:12

Meteiño ko mborookuai omee vae, jae ipuere oporomboasa jare oporomokañɨtei. ¿Ërei kia pa nde rejäa vaerä ïru vae?

Santiago 5:10

Cherɨvɨ reta, pemomoe ñeemombeúa reta jókuae imiari yandeYa jee re vae reta, kërai jae reta oiporara jare ipɨaguasu vae.

Santiago 5:7

Jáeramo, cherɨvɨ reta, pepɨaguasu yandeYa ou ye regua. Mase, omaetɨ vae oäro ko mbaagüɨye ikavi vae; oäro ipɨaguasu reve tenondegua ama.

1 Pedro 4:5

Ërei jae reta vi oyemboɨta Tumpa jóvai, jae ojäa yave oikove vae reta jare omanogüe reta,

1 Pedro 4:9

Peyomboresive päve pero pe, peñeengurumbae reve.

Apocalipsis 3:20

Mase, ko aï öke pe jare ambopu aï öke. Oime yave kia cheñee oendu vae, oipea yave öke, aiketa akaru vaerä jae ndive, jare jae okaruta che ndive.