Santiago 5:8 - Biblia Guarani Tumpa Iñee

⁸ Jökoraiño vi pe reta pepɨaguasu. Jekuaeño peñemoäta ngatu. Echa oyearo ma yandeYa ou ye vaerä.

Nuevo Testamento Guaraní Pe

⁸ Jae ramiño vi pe reta pepɨaguasu. Jecuaeño peñemoatangatu. Echa oyearo ma ñandeYa ou ye vaera.

Santiago 5:8 ပူးပေါင်းရင်းမြစ်များ

GÉNESIS 49:18

¡CheYa, ndeporogüɨroasayepe aäro!

SALMOS 130:5

Opaete chepɨa ndive ko roäro cheYa, arovia neñee re.

SALMOS 27:14

¡Eäro yandeYa re! ¡Eñemomɨ̈rata, eñemoäta ngatu! ¡Eyeko yandeYa re!

SALMOS 37:7

Nekïrii eiko yandeYa jóvai, jare eäro. Agüɨye neñeenguru oiko kavi vae kotɨ, jókuae kuimbae oyapo ikavimbae vae kotɨ.

EZEQUIEL 7:12

Oväe ma ara. Oyembaegua vae ani oñemaemee vae mbaetɨta ma jaekavi. Echa oväe ma ara, aiporarauka vaerä chearasɨ rupi Israel pegua reta pe.

MIQUEAS 7:7

Ërei ngatu, che, yandeYa reño amaeta, Tumpa chereroasayepe vae reño ayekota; jókuae cheTumpa ko chereenduta.

HABACUC 2:3

Ndei vɨteri oväe oyembopo vaerä kuae oyekuaa vae; ërei ngaraa oasa oyembopombae. Nde eäro, yepe tëi ara oväe raiviä, echa ouño täi ko iara pe.

San Lucas 21:19

Jare pepɨaguasu rupi peyemboasaukata ko.

San Juan 21:22

Jesús jei chupe: —Che aipota jae oiko vaerä che ayu ye regua yave, ¿maera pa reipota reikuaa? Nde eyu cherupíe.

Romanos 8:25

Ërei ñaäro ñaï mbaetɨ yaecha vae yave, ñaäro yandepɨaguasu reve.

Gálatas 5:22

Ërei Espíritu Santo omee yandeve vae jae mboroaɨu, yerovia, mbɨakatu, mbɨaguasu, mbɨakavi, mborogüɨrovia,

Filipenses 4:5

Pepɨakavi toikuaa opaete vae. YandeYa ou yeta ete ma ko.

1 Tesalonicenses 1:10

jare kërai peäro peï Tumpa Taɨ ou ye vaerä ara güi, jae ko Jesús, jókuae Tumpa omoingove ye omanogüe reta ipɨte güi vae. Jae ko yandereepɨ Tumpa iyarasɨ outa vae güi vae.

1 Tesalonicenses 2:19

¿Echa mbae pa oreporoäro, oreyerovia ani oreyemboetea? Pe reta ko, yandeYa Jesucristo ou ye yave.

1 Tesalonicenses 3:13

YandeYa tapemomɨ̈rata, peyapo vaerä jupi vae, jare agüɨye vaerä yandeRu Tumpa pemboeko mbae re, yandeYa Jesús ou ye yave opaete oporogüɨrovia vae reta ndive.

2 Tesalonicenses 3:5

YandeYa tapemborɨ peporoaɨu vaerä Tumpa rami, jare pepɨaguasu vaerä Cristo ipɨaguasu rami.

Santiago 5:3

Peoro jare pekorepoti reta opa iyukɨrɨ. Jare jókuae iyukɨrɨgüe imiarita pekotɨ, jare pemokañɨteita tata rami. Pemboatɨ ko mbaembae, ara reta iyapɨ peguarä.

Santiago 5:9

Cherɨvɨ reta, agüɨye peñeengeta oyokotɨ, agüɨye vaerä peyemboekouka. Echa oporojäa vae öke pe ma oï.

1 Pedro 4:7

Ërei oyearo ma opaete mbaembae reta iyapɨ vaerä. Jáeramo peyeandu katu jare peyerure avei pekueraimbae reve.

Apocalipsis 22:20

Kuaekuae oikuaauka vae jei: “Añete ko, ayu yeta ma ɨmambae.” ¡Amén! ¡Eyu, cheYa Jesús!