Santiago 5:16 - Biblia Guarani Tumpa Iñee

¹⁶ Peyoa yave oyokotɨ, pemombeu oyoupe, javoi peyerure oyoe, Tumpa pembogüera vaerä. Jupi vae iyerure opaete ipɨa reve vae, güɨnoi mbaepuere.

Nuevo Testamento Guaraní Pe

¹⁶ Peyoa yave oyocotɨ, pemombeu oyoupe. Jayave peyerure oyoe Tumpa pe, Tumpa pembogüera vaera. Metei jupi vae oyerure yave ipɨa reve, Tumpa oyapota jeta yae chupe.

Santiago 5:16 ပူးပေါင်းရင်းမြစ်များ

GÉNESIS 19:29

Jökorai Tumpa opa omboai opaete tëta reta ñuu rupigua, Lot oikose pɨpe vae; ërei Tumpa imaendúa Abraham re jeko pegua güɨroasayepe Lot kañɨtei güi.

GÉNESIS 20:17

Jayave Abraham oyerure Tumpa pe; jare Tumpa oipoano Abimelec jare jembireko, jare jembiokuai kuña reta, oime vaerä iñemuña reta.

GÉNESIS 20:7

Jayave, emee ye kuña ime pe, echa jae ko ñeemombeúa, oyerureta nderé jare reikoveta. Ërei ngatu mbaetɨ yave remee ye, añetete remanota jare opaete neñemuña.”

GÉNESIS 32:28

Jare jókuae kuimbae jei chupe: —Ngaraa ye ma nderee Jacob. Ndembojee retata Israel; echa reñoïraro ko Tumpa ndive jare kuimbae reta ndive, jare reporomoamɨri.

2 SAMUEL 19:19

jare jei chupe: —Neɨ̈ro cheve cheya, agüɨye nemaendúa cheve ikavimbae ayapo ndeve Jerusalén güi reë yave vae re. Agüɨye ndearasɨ eiko cheve ndepɨa pe,

1 REYES 13:6

Jayave mburuvicha guasu Jeroboam jei Tumpa iñeemombeúa pe: —Romoñera reyerure vaerä cheré ndeYa Tumpa pe, chepo okuera vaerä. Tumpa iñeemombeúa oyerure yandeYa pe, jare mburuvicha guasu ipo okuera, opɨta tenonde rami.

2 CRÓNICAS 30:20

Jare yandeYa oendu Ezequías iyerure jare iñɨ̈ro opaete vae pe.

JOB 42:8

Añave peipɨɨ chiu toro raɨ jare chiu vecha kuimbae, jare pekua cherembiokuai Job pɨri, jare perökuavee mbota mɨmba oyeyukagüe opa etei oyeapɨ vae peyé, jare cherembiokuai Job oyerureta peré; echa añetete jae iyerure reño ayeapɨsakata, agüɨye vaerä ayapo ikavimbae peve, echa mbaetɨ pemiari kavi jupi rupi cheré, cherembiokuai Job rami.”

SALMOS 34:15

YandeYa oyangareko jupi vae reta re, jare oyeapɨsaka avei oï isapúkai reta re.

ÉXODO 17:11

Moisés iyɨva omopüa güɨnoi yave Israel iñemuña reta oporomoamɨri; ërei iyɨva ombogüeyɨ yave Amalec iñemuña reta oporomoamɨri.

ÉXODO 9:33

Moisés oë Faraón jóvai güi ñoete, tëta guasu güi ikatu pe yave omopüa ipo, jare oyerure yandeYa pe, jare osondo ararɨapu jare amandau, jare mbaetɨ ye okɨ ɨvɨ iárambo.

PROVERBIOS 15:29

YandeYa, mombɨrɨ oï iyoa vae reta güi, ërei oendu, jupi vae reta iyerure.

PROVERBIOS 15:8

Ikaviä yae ko yandeYa pe, iyoa vae reta omee mɨmba oyeyukagüe chupe yave, ërei omboyerovia, jupi vae reta iyerure.

PROVERBIOS 28:9

Tumpa iporookuai mbaetɨ oipota oendu vae, Tumpa güɨröɨrota vi chugüi iyerure.

JEREMÍAS 15:1

YandeYa jei cheve: “Yepe tëi mona Moisés jare Samuel oyerure cheve, ngaraa aiparareko kuae tëta. Ere kuae tëta pe toë, tojo reta cheróvai güi.

JEREMÍAS 33:3

Eyerure cheve jare aenduta ndeve, amombeuta ndeve mbae tuicha vae jare oñemi oï ndegüi vae, nde reikuaambae vae.

JEREMÍAS 42:2

yogüeru jei reta Jeremías pe: —Roiporu ndeve añave, agüɨye neäteɨ oreve: Eyerure ndeYa Tumpa pe oreré, ore mbovɨ ropɨtagüe re. Tenonde yave jeta yae ko roikose, ërei añave mbovɨ yae ropɨta, reecha rami.

NÚMEROS 11:2

Jayave opaete vae osapúkai Moisés pe, jare Moisés oyerure yandeYa pe, jare tata ogüe.

San Mateo 21:22

Jare opaete mbae re peyerure Tumpa pe perovia reve vae, penoita ko.

San Mateo 3:6

Jare Juan ombobautisa reta ɨ̈aka Jordán pe iyoa reta opa omombeu güire.

San Marcos 1:5

Jare opaete ɨvɨ Judea pegua reta jare Jerusalén pegua reta yogüɨraja Juan oïa pe. Jare iyoa reta opa omombeu rupive jae ombobautisa reta ɨ̈aka Jordán pe.

San Lucas 9:6

Jayave jae reta yogüɨraja imiari opaete tëta raɨ reta rupi, omoërakua reve ñee ikavi vae jare oporombogüera reta yogüɨrajaa rupi.

San Juan 9:31

Yaikuaa kavi ko, Tumpa mbaetɨ oyeapɨsaka iyoa vae reta re. Ërei kia oipoɨu jare oyapo yave Tumpa jemimbota, jae oyeapɨsaka jese.

Hechos 10:38

kërai Tumpa oiparavo Espíritu Santo rupi jare mbaepuere rupi Jesús Nazaret pegua, jare kërai jae ojo opaete kerupi oyapo ikavi vae, jare kërai ombogüera opaete aña guasu oiporarauka chupe vae reta. Echa Tumpa oiko jae ndive.

Hechos 19:18

Jare jeta oporogüɨrovia vae reta yogüeru omombeu jeko jare ikavimbae oyapo vae regua.

Hechos 8:24

Jayave Simón jei chupe reta: —Peyerure cheré yandeYa pe, agüɨye vaerä kuae pere cheve vae oyeapo cheve.

Romanos 3:10

Tumpa Iñee pe oyekuatía oï körai: “Mbaetɨ ko jupi vae, mbaetɨ metei ave.

Romanos 5:19

Metei kuimbae mbaetɨ oyapo Tumpa jei vae jeko pegua, opaete vae iyoa ma. Jökoraiño vi metei kuimbae oyapo Tumpa jei vae jeko pegua, Tumpa ombojupita jeta vae.

Colosenses 1:9

Jáeramo ore vi kuae roendu güive, royerure avei peré Tumpa pe, jae oikuaauka kavi vaerä peve jemimbota opaete Espíritu pegua rupi.

1 Tesalonicenses 5:17

Peyerure avei pekueraimbae reve.

1 Tesalonicenses 5:23

Tumpa etei, mbɨakatu omee vae, tapeñono tee jare toyangareko kavi peré, peespíritu re, perekove re jare perete re, agüɨye vaerä kia pemboeko mbae re yandeYa Jesucristo ou ye yave.

1 Tesalonicenses 5:25

Cherɨvɨ reta, peyerure oreré.

Hebreos 11:4

Iporogüɨrovia rupi Abel omee Tumpa pe mɨmba oyeyukagüe, ikavi yae jókuae Caín omee vae güi. Jókuae rupi Tumpa oikuaauka ombojupi ko Abel, jare omboresive mbota omee chupe vae; yepe tëi Abel omano ma, ërei iporogüɨrovia rupi jekuaeño imiari.

Hebreos 11:7

Iporogüɨrovia rupi Noé oyapo barco guasu jëtara reta oasayepe vaerä ɨporu guasu güi. Echa ndei ɨporu guasu ou mbove, Tumpa oikuaauka Noé pe. Jáeramo Noé oyapo barco guasu oipoɨu güi, jo pegua reta oyemboasauka vaerä; jare jókuae iporogüɨrovia rupi Noé oikuaauka ɨvɨ pegua reta pe ikavimbae vae oyapo vae reta ko, jare güɨnoi yembojupi iporogüɨrovia rupi.

Hebreos 12:13

Peyapo kavi pepɨ japerä, agüɨye vaerä pepia tape güi, jaeño pekuera.

Hebreos 13:18

Peyerure Tumpa pe oreré. Echa roikuaa jekuaeño royapo ikavi vae pekotɨ. Jekuaeño roipota royapo jupi vae.

JOSUÉ 10:12

Jókuae ara, yandeYa omee amorreo reta Israel iñemuña reta ipo pe yave, Josué jei yandeYa pe opaete Israel iñemuña reta jovake: “Kuaraɨ, epɨta Gabaón pe; yasɨ, epɨta ɨvɨtɨ päu Ajalón pe.”

1 Pedro 2:24

Cristo etei güɨraja yandeyoa reta jete re kurusu re, yande ñamano ñaï mbaeyoa pe vae yaikove vaerä jupi vae re. Jare jae oyekutu vae rupi yakuera.

1 Juan 3:22

oipotagüe mbae yaiporu chupe vae jae omeeta yandeve, yayapo iporookuai reta jare mbaembae omboyerovia vae ramo.

1 SAMUEL 1:12

Jare jae ɨma yae oyerure yandeYa jóvai jeko pegua, Elí omae ngatu oï Ana iyuru re;

1 SAMUEL 12:17

Añave, trigo yagüɨye iara ko. Ërei ayerureta yandeYa pe, jare jae ombouta ama jare ararɨapu, peikuaa vaerä tuicha yae ko ikavimbae peyapo peiporu ramboeve peruvicha guasurä.”

1 SAMUEL 12:18

Jare Samuel oyerure yandeYa pe, jare yandeYa ombou omongɨ jare ararɨapu, jare opaete vae okɨɨye yae yandeYa güi jare Samuel güi.