Santiago 5:11 - Biblia Guarani Tumpa Iñee

¹¹ Añete ko, yandeve oyerovia ko jókuae oiporara vae reta. Peikuaa kërai Job ipɨaguasu yae vae regua, jare yandeYa kërai iporerekua jese taɨkue rupi vae. Echa yandeYa iporoaɨu jare iporoparareko yae.

Nuevo Testamento Guaraní Pe

¹¹ Añete co, ñande yae oyerovia ma co jocorai omoaguata vae reta. Peicuaa co quirai Job ipɨaguasu yae, jare quirai ñandeYa omovendise yae taɨcue rupi. Echa ñandeYa ñanderaɨu jare ñandeparareco yae.

Santiago 5:11 ပူးပေါင်းရင်းမြစ်များ

1 CRÓNICAS 21:13

Jayave David jei Gad pe: —Chepɨatɨtɨ yae aï. Ërei romoñera, che taa yandeYa ipo pe, echa iporoparareko tuicha yae ko, agüɨye taa kuimbae reta ipo pe.

2 CRÓNICAS 30:9

Pe reta peyerova ye yandeYa kotɨ yave, tovaicho reta iporopararekota perëtara reta jare peraɨ reta ñogüɨnoi tembipɨɨrä jae reta ipo pe vae re, jare omaeñota yogüeru ye kuae ɨvɨ pe, echa yandeYa Tumpa ipɨakavi jare iporoparareko, ngaraa ko pereröɨro, pe reta peyerova ye ikotɨ yave.”

NEHEMÍAS 9:17

Mbaetɨ ikɨ̈reɨ reta oyeapɨsaka, ani imaendúa reta mɨakañɨ reta reechauka chupe reta vae re. Oyembopɨa täta reta, jare ipɨarai jeko pegua oyemongeta reta jare oiparavo reta iyeupe metei itenondeguarä, jae güɨraja ye vaerä yeokuaiasɨ katúa kotɨ, Egipto pe. Ërei nde ko Tumpa iñɨ̈ro katu vae, oyeaeä vae, ipɨaguasu vae, iporoparareko vae, mbaetɨ iyarasɨ raivi vae jare tuicha iporoaɨu vae, jare mbaetɨ reeya reta.

NEHEMÍAS 9:31

Ërei ndeporoparareko yae jeko pegua mbaetɨ opa remokañɨtei reta, jare mbaetɨ vi reeya reta; echa nde ko Tumpa oyeaeä vae jare iporoparareko vae.

JOB 1:1

Ɨvɨ Uz pe oiko metei kuimbae Job jee vae; kuae kuimbae ko jupi, isɨmbi, Tumpa güiño oipoɨu jare oyeandu ikavimbae güi.

JOB 1:2

Oa chupe chiu taɨ reta jare mboapɨ tayɨ reta.

JOB 2:10

Jayave jae jei chupe: —Oipotagüe kuña iyarakuaambae reta rami neñee. ¿Kërai pa? ¿Ikavi vaeño pa ñanoita Tumpa güi jare mbaesusere mbaetɨta pa? Opaete kuaekuae rupi, Job mbaetɨ iyoa iñee rupi ave.

JOB 23:10

Ërei jae chekuaa katu, chejäa yave aëta oro oyeambae rami.

SALMOS 103:13

Michia re tu oiparareko omae rami ko, yandeYa oiparareko omae oipoɨu chugüi vae reta re;

SALMOS 103:8

YandeYa, iporoparareko yae vae ko jare oyeaeä yae vae ko; jae mbaetɨ iyarasɨ raivi vae ko jare iporoparareko yae vae.

SALMOS 116:5

Iyeaeä jare jupi ko yandeYa, iporoparareko yae ko ñaneTumpa.

SALMOS 119:132

Emae cheré, jare cheparareko, reyapoñoi rami reaɨu vae reta pe.

SALMOS 145:8

YandeYa iyeaeä vae jare iporoparareko vae ko, jae mbaetɨ iyarasɨ raivi vae ko, iporoparareko yae vae ko.

SALMOS 37:37

Emae jupi oiko vae re, echa oime yerovia katu jókuae kuimbae mbɨakatu rupi oiko vae pe.

SALMOS 51:1

CheRu Tumpa, nde ndeporoparareko jeko pegua cheparareko, emboai chepɨapochɨ, ndepɨakavi jare ndeporoaɨu yae jeko pegua.

SALMOS 78:38

Ërei jae ko iporoparareko vae, iñɨ̈ro mbaeyoa re jare mbaetɨ oporomokañɨtei vae; ombosɨrɨ avei iyarasɨ, mbaetɨ omboyekuaa opaetei iyarasɨ.

SALMOS 86:15

Ërei nde cheYa, Tumpa iporoparareko yae vae, mbaetɨ iyarasɨ raivi vae, tuicha iporoparareko jare añete vae ko.

SALMOS 86:5

Echa nde cheYa, ndepɨakavi jare neɨ̈ro vae ko; ndeporoparareko tuicha yae ko nereenɨi vae reta kotɨ.

SALMOS 94:12

CheYa Tumpa, toyekou jókuae kuimbae, nde rembosɨmbi vae, jare ndeporookuai reta re remboe vae,

ÉXODO 34:6

YandeYa oasa jae jóvai rupi, oñeenɨi reve jee ae pe: —¡NdeYa! ¡NdeYa! ¡Tuicha yae vae, iporoparareko vae; iyarasɨ raivimbae, iporoparareko tuicha yae ete jare añetete vae!

ECLESIASTÉS 7:8

Mbae yayapo vae yamboapɨ ma vae ikavi yae ko, yamboɨpɨ ramo etei vae güi. Yandepɨa guasu vae ko ikavi yae, yandepɨarai vae güi.

ISAÍAS 63:7

Che aipota ayemomaendúa yandeYa iporoparareko re, jare tairari oñemee yandeYa pe vae re, opaete jae oyapo yandekotɨ vae re, ipɨakavi yae ete Israel iñemuña reta kotɨ vae re, iporoparareko rupi oyapo ikotɨ reta vae re, jare tuicha yae ete ipɨakavi jare iporoparareko vae re.

ISAÍAS 63:9

opaete mbɨatɨtɨ rupi yogüɨreko vae güi. Jae etei ko ou güɨroasayepe reta; jae ko oepɨ reta iporoaɨu rupi jare iporoparareko rupi, jare güeru reta jare omopüa reta jekuae avei pegua.

LAMENTACIONES 3:22

YandeYa iporoparareko jeko pegua mbaetɨ opa ñakañɨtei, echa mbaetɨi opa iporoparareko.

DANIEL 9:9

OreYa Tumpa, ndegüi ko outa mboroparareko jare ñɨ̈ro. Yepe tëi ore orepɨa pochɨ ndekotɨ,

JOEL 2:13

Peyembopɨatɨtɨ, agüɨye pemondoroiño peremimonde; peyerova ye yandeYa Tumpa kotɨ; echa iporoparareko yae vae ko jae jare iyeaeä vae ko, mbaetɨ iyarasɨ raivi vae ko, tuicha yae mboroparareko pe, ñenupa oeyaño vae ko.

JONÁS 4:2

Jare oyerure Tumpa pe körai: —Añave, cheYa Tumpa aikuaa voi ko kuae, cheɨvɨ pe vɨteri aï yave. Jáeramo ko atekuarai Tarsis kotɨ; echa aikuaa nde ko jae Tumpa ipɨaguasu yae vae, mbaetɨ iyarasɨ voi vae, jare iporoparareko yae ete vae, jare reipoepɨ ndeyemongeta ikavimbae reyapota tëi vae.

MIQUEAS 7:18

Mbaetɨ ïru Tumpa nde rami; echa nde neɨ̈ro ikavimbae iyapoa pe jare neakañɨ ndembae vae reta jembɨregüe iyoa güi, mbaetɨ ndearasɨ avei; echa ndeporoparareko nekɨ̈reɨ ngatu reve.

NÚMEROS 14:18

Tumpa mbaetɨ iyarasɨ raivi, jare tuicha yae iporoparareko, mbaeyoa jare pɨapochɨ re iñɨ̈ro, ërei jeko vae mbaetɨ oeya jökoraiño; jare oitɨ iyarasɨ tenondegua reta iyoa jeko pegua taɨ reta re, jare jɨmɨmino reta re, jɨmɨmino reta jɨmɨmino yoapɨ ye re.

San Mateo 10:22

Chereko pegua, peñemotareɨukata opaete vae pe, ërei ikueraimbae vae, oyemboasaukata ko.

San Lucas 1:50

Jare Tumpa güɨnoi avei mboroparareko oipoɨu chugüi vae reta re.

San Lucas 11:10

Echa opaete oiporu vae pe, oñemee. Jare oeka vae, oväe. Jare ombopu öke vae pe, oyepea.

San Lucas 6:36

Peporoparareko, peRu Tumpa iporoparareko rami.

Romanos 2:4

Reröɨro Tumpa ipɨakavi jare ipɨaguasu yae ndeve vae. ¿Mbaetɨ pa reikuaa ipɨakavi ko ndeve, reeya vaerä ikavimbae ndepɨa pe oï vae?

Efesios 1:6

ipɨakavi yae oyemboete vaerä, jókuae rupi yandeapo taɨrä, Taɨ oaɨu vae rupi;

Efesios 2:4

Ërei Tumpa yandeparareko yae, jare yanderaɨu yae ramo,

Hebreos 10:39

Ërei yande jaeä ko Tumpa güi oyerova ye okañɨtei vaerä vae reta, yande reta ko jae oyemboasauka iporogüɨrovia re vae reta.

Hebreos 3:14

Echa ñañemoïru ma Cristo ndive, ñanepɨ̈rata yave iyɨpɨ güive yarovia vae re,

Hebreos 3:6

Ërei Cristo ko jae Tumpa Taɨ, jare jae ko opaete Tumpa jo iYa. Jare jökoraita ñaneräta ngatu jare yayerovia yave ñaäro ñaï vae re.

Santiago 1:12

Oyerovia ko jókuae kuimbae omoamɨri mbaemboavai ou chupe yave vae. Echa ipɨ̈rata reve omoamɨri vae pe oñemeeta tekove opambae vae, yandeYa güɨrökuavee omee vaerä opaete güɨnoi mboroaɨu ikotɨ vae reta pe.

Santiago 1:2

Cherɨvɨ reta, jeieteño peyerovia oime yave opaño mbae nunga mbaemboavai ou peve.

1 Pedro 1:13

Jáeramo, peïndaivi jare peyemongeta kavi, jare peäro pepɨakatu reve Tumpa ipɨakavi rupi omeeta peve Jesucristo oyekuaa ye yave vae.

1 Pedro 3:14

Ërei peiporara yave jupigüe peyapo vae re, peyerovia. Jáeramo agüɨye pekɨɨye chugüi reta ani peyembojopa.

2 Pedro 2:9

Jaeramiño vi yandeYa oikuaa kërai oepɨ vaerä mbaemboavai güi jae jeia re yogüɨreko vae reta, jare oñovatu jupimbae reta oiporara vaerä Tumpa iporojäa iara pe.