Santiago 4:5 - Biblia Guarani Tumpa Iñee

⁵ Tumpa Iñee oyekuatía oï vae añete vae ko, echa jei: “Espíritu jae oñono yandepɨa pe vae, jägüɨro yae yanderé.”

Nuevo Testamento Guaraní Pe

⁵ Añete vae co cuae Tumpa iñee pe oyecuatía oi vae: Espíritu Santo ñandepɨa pe oico vae ñanderaɨu yae. Jocorai oyecuatía oi.

Santiago 4:5 ပူးပေါင်းရင်းမြစ်များ

GÉNESIS 26:14

Güɨnoi jeta vecha jare guaka, jare jeta kó pe oparavɨkɨ vae; jókuae jeko pegua filisteo reta omotareɨ.

GÉNESIS 30:1

Raquel oecha yave jae mbaetɨ imembɨ Jacob pe omotareɨ tɨke Lea, jare jei ime pe: —Chemomembɨ, echa mbaetɨ yave amanota.

GÉNESIS 37:11

Jare tɨkeɨ reta omotareɨ yae, ërei tu oyemongeta oiko kuae re.

GÉNESIS 38:9

Ërei Onán oikuaa jókuae ñemuña mbaetɨta imbae. Jáeramo tɨkeɨ jembirekogüe güɨroke ñavo ñäteɨ omomburúa ramo omoë taɨgüe ɨvɨ pei, echa mbaetɨ oipota oyapo tɨkeɨ iñemuñarä.

GÉNESIS 6:5

Jare yandeYa oecha kuimbae reta imbaeyoa jeiete yae ma ɨvɨ pe. Oecha kërai kuimbae reta ipɨa iyemongeta jekuaekuae mbaeyoa kotɨ reteiño.

GÉNESIS 8:21

YandeYa oëtu yave ipiche katu mbota, jei ipɨa pe: “Ngaraa ye ma ayepopeyu ɨvɨ re kuimbae jeko pegua, yepe tëi kuimbae taɨrusu güive ipɨa pɨ̈chɨi yae vae reño; ngaraa ye ma amboai opaete oikove vae añave ayapo rami.

SALMOS 106:16

Teyupa pe iyakatúä reta Moisés re, jare Aarón, Tumpa oñono tee vae re.

SALMOS 37:1

Jeko kavimbae reta jeko pegua agüɨye ndearasɨ; agüɨye vi ndeakatúä jupimbae oyapo vae reta re.

PROVERBIOS 21:10

Iyoa vae oyemongeta oyapo vaerä ikavimbaeño; mbaetɨ etei iporoparareko omae japicha re.

ECLESIASTÉS 4:4

Jökoraiño vi aecha opaete mbaravɨkɨ ikavi yae oyeapo vae rupi ou ñemoägüɨro. Jökorai vi kuaekuae mbaeä etei ko, yayemoambekoiño ma ko jese.

ISAÍAS 11:13

Jare Efraín iporomotareɨ opata, jare Judá jovaicho reta opata oyemboai; Efraín ngaraa ma omotareɨ Judá, Judá ngaraa ma oiporarauka Efraín pe.

NÚMEROS 11:29

Jare Moisés jei chupe: —¿Nerägüɨro pa cheré? ¡Mbae mona opaete vae, kuae tëta yandeYa imbae omombeu Tumpa iñee, jare yandeYa oñono iespíritu metei ñavo vae re!

NÚMEROS 23:19

Tumpa, kuimbaeä ko iyapu vaerä; jare kuimbae taɨä ko oipoepɨ vaerä iyemongeta. Jae mbae jei yave, oyapo. Mbae güɨrökuavee yave ombopo iñee.

San Juan 10:35

Echa Tumpa iñee ou chupe reta vae pe, jae etei ombojee tumpa reta vae. Jare Tumpa Iñee pe oyekuatía oï vae añete ko.

San Juan 19:37

Oyekuatía vi oï: “Omae retata jókuae oikutu vae re.”

San Juan 7:42

Echa Tumpa Iñee pe jei David iñemuña güi jare tëta Belén David jëta güi ko oëta Cristo.

Hechos 7:9

Jókuae yandeɨpɨ reta omotareɨ José ramo omee reta korepoti re, oyererajauka vaerä Egipto pe. Ërei Tumpa oï José ndive,

Romanos 1:29

Tɨnɨe ñogüɨnoi opaete jupimbae vae pe, aguasa pe, teko pɨ̈chɨi pe, mbaepotarai pe, ikavimbae pe. Iyakatúä reta ïru re vae pe, mboroyuka pe, ñerarose pe, mborombotavɨ pe, ñee kavimbae pe,

Romanos 9:17

Echa Tumpa Iñee jei Faraón pe: “Kuaerä etei che roparavo mburuvicha guasurä, aechauka vaerä nderé chembaepuere, oñemoërakua vaerä cheree opaete ɨvɨ rupi.”

1 Corintios 6:19

¿Mbaetɨ pa peikuaa perete ko jae Espíritu Santo jo? Echa Tumpa ombou peve Espíritu Santo, jare jae oiko pepɨa pe. Jáeramo perete pembaeä ma ko.

2 Corintios 6:16

¿Tumpa jo oñemoïruta pa tumpa-raanga reta ndive? Echa pe reta ko jae Tumpa oikove vae jo. Tumpa jei rami: “Aikota jare aguatata ipɨte reta rupi. Aikota jae reta iTumparä jare jae reta yogüɨrekota chembaerä.”

Gálatas 3:8

Tumpa Iñee pe jei voi kërai Tumpa ombojupiukata iporogüɨrovia rupi judiombae vae reta ramo, omombeu voi ñee ikavi vae Abraham pe, jei reve: “Ndereko pegua opaete ɨvɨ pegua reta oyekouta.”

Tito 3:3

Echa tenonde yave yandearakuaambaese yepi, yandepɨapochɨ, yanderopa, yaikose yanderete jemimbota reta reño, yaiko ikavimbae rupi, yandepɨakatúä,