Santiago 4:1 - Biblia Guarani Tumpa Iñee

¹ ¿Ketɨ güi pa oë peñoraro vaerä oyoupii? Oë ko peremimbota ikavimbae vae pemoambeko yae peɨvɨte pe penoi vae güi.

Nuevo Testamento Guaraní Pe

¹ ¿Maera pa peñoraro oyoupi? Tamombeu peve. Peñoraro oyoupi, peremimbota reta oñoraro ñogüɨnoi pepɨa pe rambue.

Santiago 4:1 ပူးပေါင်းရင်းမြစ်များ

JEREMÍAS 17:9

Oporombotavɨ katu yae vae ko yandepɨa opaete ïru mbaembae reta güi, jare jeko kavimbae yae ko, ¿kia ra ipuere oikuaa?

San Mateo 15:19

Echa pepɨa güi ko oë opaete yemongeta ikavimbae vae reta: mboroyuka reta, yuvanga menda re vae, aguasa reta, monda reta, iyapu reve imiari japicha re vae, ikavimbae jei Tumpa kotɨ vae.

San Juan 8:44

Aña guasu ko jae peru; jare pe reta peipota peyapo peru oipota vae rupi. Jae oporoyuka iyɨpɨ güive vae ko, mbaetɨi oiko añete vae rupi, echa añetete vae peguaä ko. Iyapu yave, jeko aeño ko omboyekuaa, echa jae ko iyapu yae vae, apu iyɨpɨ ko.

Romanos 7:23

ërei aecha ïru mborookuai cheyé, jókuae oyovaicho ayemongeta tëi ayapo vaerä vae ndive. Jae ko mbaeyoa oï cheré vae, güɨnoi mbaepuere cheré.

Romanos 7:5

Echa yaikove yaiko ramboeve, yayapose yandepɨa jemimbota reta ikavimbae vaeño, mborookuai jei agüɨye vaerä yayapo ramo, jare yandereraja mano kotɨ.

Romanos 8:7

Echa soo jemimbota reta reño oyemoambeko vae reta oyovaicho ko Tumpa kotɨ. Echa ñäteɨ jare ipuereä oyapo reta Tumpa iporookuai;

Gálatas 5:17

Echa pesoo jemimbota oyovaicho Espíritu Santo re; jare Espíritu Santo jemimbota güɨröɨro soo jemimbota re. Kuae mókoi reta oñogüɨröɨro päve, jáeramo mbaetɨ pepuere peyapo pekɨ̈reɨ tëi peyapo vae.

Colosenses 3:5

Jáeramo, peyuka opaete teko ikavimbae oï peré vae, jae ko: Aguasa, ikɨa vae, soo jemimbota reta, mbae ikavimbae, mbaepota rai (jae ko tumpa-raanga rami).

2 Timoteo 2:23

Ërei eröɨro yoaka osirivembae, echa jókuae nunga reta güeru ñoraro.

Tito 3:3

Echa tenonde yave yandearakuaambaese yepi, yandepɨapochɨ, yanderopa, yaikose yanderete jemimbota reta reño, yaiko ikavimbae rupi, yandepɨakatúä,

Tito 3:9

Ërei agüɨye eyoaka osirivembae re, iñemuñagüe reta regua re omoërakua vae reta re, ñeraro reta re jare yoaka mborookuai re, echa mbaeä ko jare osiriveä ko.

Santiago 1:14

Ërei metei vae ñavo ko ipɨa jemimbota pe oyererajauka jare oyembotavɨuka.

Santiago 4:3

Peyerure tëi, ërei mbaetɨ pemboresive, echa peyerure kaviä. Echa peyerure mbaembae re peiporu vaerä pepɨa jei vae reño.

1 Pedro 1:14

Tumpa taɨ reta iñeereendu katu vae ramo, agüɨye mo peiko peremimbota rupi tenonde yave peikuaambae reve peikose pɨpe vae rupi;

1 Pedro 2:11

Cherɨvɨ aaɨu vae reta, pomoñera ketɨgua rami peiko kuae ɨvɨ pe vae, peyeandu pesoo jemimbota reta oïraro perekove vae güi.

2 Pedro 2:18

Imiari reta oyemboete reve ñee añetembae, ombotavɨ ye soo jemimbota rupi oyembosɨrɨ tëi ma ikavimbae vae iyapoa reta güi vae.

2 Pedro 3:3

Aipota peikuaa kuae räri: Ara taɨkuegua reta pe oimeta oporoyóyai yóyai vae reta, isoo jemimbota ikavimbae reño yogüɨreko vae reta,