Santiago 3:2 - Biblia Guarani Tumpa Iñee

² Echa opaete yande reta yayavɨñoi ko. Oime yave kia mbaetɨ oyavɨ iñee rupi vae, jae ko jupi vae, güɨnoi ko mbaepuere opaete jete re.

Nuevo Testamento Guaraní Pe

² Echa ñande opaete yayavɨ. Oime yave quia mbaeti oyavɨ mbae jei vae re vae, jae icavi yae co. Jocuae nunga güɨnoi mbaepuere opaete jete re.

Santiago 3:2 ပူးပေါင်းရင်းမြစ်များ

1 REYES 8:46

Iyoa reta ndekotɨ yave, echa mbaetɨta ko kia iyoambae, jare kuae re ndearasɨ chupe reta jare remee jovaicho reta ipo pe yave, güɨraja vaerä tembipɨɨrä köiño ani mombɨrɨ,

2 CRÓNICAS 6:36

Iyoa reta yave ndekotɨ, jare ndearasɨ ikotɨ reta yave, jare nde remee jovaicho reta ipo pe jare jókuae reta güɨraja iɨvɨ güi mombɨrɨ ani köiño yave,

JOB 15:13

¿Maera pa ndearasɨ Tumpa kotɨ, jare rere oipotagüe ñee?

SALMOS 34:13

Eroyeandu nekü ikavimbae güi, jare ndeyuru mborombotavɨ güi.

SALMOS 39:1

Che jae: “Tayangareko chereko re, agüɨye vaerä cheyoa cheñee rupi, tayeyuruopɨ, jeko kavimbae reta ñogüɨnoi ramboeve cheróvai.”

PROVERBIOS 10:19

Jeta yae imiari vae iñee rupi oyavɨ katu, ërei oyeandu reve iñee omoë vae yarakuaa ko.

PROVERBIOS 13:3

Iñee mbaetɨ omoë vae, ikavi vae ko oyapo iyeupe; ërei iñee omoë voi vae, iyeupeguarä aeño ko oyapo ikavimbae.

PROVERBIOS 20:9

¿Kia pa ipuere jei: “Che aitɨo ma chepɨa; mbaetɨ ma anoi mbaeyoa”?

PROVERBIOS 21:23

Oyeandu katu reve mbae jei vae, jekove ko oñovatu mbɨatɨtɨ güi.

ECLESIASTÉS 7:20

Añetete, mbaetɨ metei ave jupi vae kuae ɨvɨ pe, ikavi vae iyapoa jare mbaetɨi iyoa vae.

ISAÍAS 64:6

Opaete ore reta ko mbae ikɨa vae rami, orerembiapo kavi reta, tarapo ikɨa vae rami ko ndeve; opaete ore roa, ɨvɨra joo oa rami, jare orerembiapo kavimbae reta orereraja, ɨvɨtu güɨraja mbae rami.

LEVÍTICO 13:39

sacerdote tomae jese, jare oväe jete re morotï vae ani moroü äve vae yave, mbae yamandau vaeño ko oë jete re; mbaetɨ ko ikɨa jókuae nunga.

San Mateo 12:34

Pe reta ko jae mboi reta rami. ¿Këraiägua pa pepuereta pemiari ñee ikavigüe, pepɨapochɨ yae reve? Echa ipɨa pe yemongeta güɨnoi vae ko omoë iyuru rupi.

San Mateo 12:37

Echa peñee rupi aeño ko peñejäata; peñee jupi vae ani jupimbae vae pejäata.”

Romanos 3:10

Tumpa Iñee pe oyekuatía oï körai: “Mbaetɨ ko jupi vae, mbaetɨ metei ave.

Romanos 7:21

Jökorai, ikavi vae chekɨ̈reɨ tëi ayapo yave, aecha cheyé, ikavimbae vaeño oï cheré.

1 Corintios 9:27

Aiporarauka cherete pe, oyapo vaerä che aipota oyapo vae, agüɨye vaerä apɨta ikatu pe, amoërakua ïru vae reta pe güire.

Gálatas 3:22

Tumpa Iñee pe jei rami, opaete vae iyoa vae ko, ërei oñemeeta Jesucristo re güɨrovia vae reta pe, Tumpa güɨrökuavee vae.

Gálatas 5:17

Echa pesoo jemimbota oyovaicho Espíritu Santo re; jare Espíritu Santo jemimbota güɨröɨro soo jemimbota re. Kuae mókoi reta oñogüɨröɨro päve, jáeramo mbaetɨ pepuere peyapo pekɨ̈reɨ tëi peyapo vae.

Colosenses 1:28

Ore romoërakua Cristo, romboarakuaa jare romboe reve opaete vae, arakuaa re, opaete vae okuakuaa kavi vaerä Cristo Jesús re.

Colosenses 4:12

Epafras vi omondo tamaraeme peve, jae ko perëtaɨgua, Cristo jembiokuai. Jae jekuaeño oyerure avei peré, peñemomɨ̈rata vaerä, jare peikuaa kavi vaerä opaete Tumpa jemimbota re.

Hebreos 13:21

tapembojupi opaete mbae pe, peyapo vaerä jemimbota; Tumpa toyapo yanderé oipota vae Jesucristo rupi; ¡toyemboete Cristo jekuae avei rupi! ¡Amén!

Santiago 1:26

Kia nunga vae iporogüɨrovia ikavi yae omae iyé vae, ërei jei rai rai voi mbae yave, oyembotavɨ ko, iporogüɨrovia mbaeä etei ko.

Santiago 1:4

Ërei pemaeño jókuae pepɨaguasu tokuakuaa kavi, peiko vaerä jupi rupi, oatambae reve peve mbae ave.

Santiago 2:10

Echa oime yave kia oyapo opaete mborookuai jei vae, ërei metei oyavɨ yave, oyavɨ ma opaete mborookuai.

1 Pedro 3:10

Echa jei: “Kia oipota oaɨu yave tekove jare oecha ara ikavigüe vae, ikü togüɨroyeandu ikavimbae güi, jare agüɨye toporombotavɨ.

1 Pedro 5:10

Ërei Tumpa ipɨakavi tuicha yae vae, yandeparavo omee vaerä yandeve yerovia opambae vae Jesucristo rupi vae, peiporarata güire michi pegua jae etei pembojupita, pemomɨ̈ratata jare pemoäta ngatuta.