Santiago 3:17 - Biblia Guarani Tumpa Iñee

¹⁷ Ërei arakuaa Tumpa güi ou vae, ikɨambae ko, ipɨakatuta ko, iporoaɨu ko, ipɨakavi ko, iporoparareko ko jare oyapo ikavigüe. Oporombotavɨmbae jare mbaetɨ jova mókoi.

Nuevo Testamento Guaraní Pe

¹⁷ Erei peyerure yave Tumpa pe omee vaera peve aracuaa, ngaraa peyapo pochɨi vae. Pepɨacatuta co. Pepɨaguasuta co. Peyapota co Tumpa oipota peyapo vaera vae. Peipararecota co opaete vae. Pepɨacavita co. Pepɨrata co peporogüɨrovia re. Ngaraa peporombotavɨ.

Santiago 3:17 ပူးပေါင်းရင်းမြစ်များ

1 REYES 3:12

mase, ko ayapo ndeve reiporu rami: Ko amee ndeve arakuaa katu, mbaetɨi nde rami vae nde ndei reiko mbove, jare ngaraa ye kia opüa nderaɨkue rupi nde rami vae.

1 REYES 3:28

Jare opaete Israel oendu jókuae mburuvicha guasu oyapo morojäa vae regua; jare okɨɨye reta mburuvicha guasu güi, echa oecha reta oime ko jese Tumpa iyarakuaa oporojäa vaerä.

1 REYES 3:9

Emee che nderembiokuai pe chepɨarakuaa katu yae vaerä, aikatu vaerä ajäa ndembae vae reta, jare aikuaa vaerä ikavi vae ikavimbae güi; echa, ¿kia pa ipuereta oporookuai kuae tëta tuicha yae vae re?”

1 CRÓNICAS 22:12

YandeYa tomee ndeve ndepɨarakuaa yae vaerä, reporookuai ma yave Israel re reyapo vaerä yandeYa Tumpa iporookuai reta.

1 CRÓNICAS 22:9

Ërei renoita kuri nderaɨ mbɨakatu jee vae, echa che ameeta chupe opaete jovaicho ketɨ rupigua ipɨakatu vaerä. Jáeramo jeeta Salomón. Jae iara pe omeeta mbɨakatu jare yogüɨreko pɨagüive vaerä Israel.

JOB 28:12

Ërei, ¿ketɨ güi pa ou arakuaa? ¿Kia pe pa oï arakuaa katu?

JOB 28:23

Ërei Tumpa oikuaa arakuaa jape, jare jae oikuaa kia pe oï vae.

JOB 28:28

Mase, arakuaa jae ko yandeYa güi oipoɨu vae, jare arakuaa katu oyembosɨrɨ ikavimbae vae güi vae.

ÉXODO 36:2

Jare Moisés oenɨi Bezaleel jare Aholiab, jare opaete kuimbae ipɨa arakuaa vae reta, yandeYa omee arakuaa katu chupe vae reta, oyandu ipɨa pe kɨ̈reɨ ngatu yogüeru oporomborɨ vaerä mbaravɨkɨ pe vae reta.

PROVERBIOS 2:6

Echa yandeYa ko omee arakuaa katu; mbae yaikuaa vae jare arakuaa katu chugüiño ko ou.

ISAÍAS 2:4

Jare oporojäata opaete tëtaguasu reta re, jare ombosɨmbita jeta vae reta jeko. Jare opata oyapo reta ikɨsepuku reta arao itïrä, jare imii reta oyapota tembiporu hozrä. Tëtaguasu reta mbaetɨta ma oñoraro, jare ngaraa ye ma oime yemboe ñeraro peguarä.

ISAÍAS 32:6

Echa kuimbae jeko kavimbae, imiarita ko ikavimbae re, oyemongeta ipɨa pe, oyapo vaerä ikavimbae, ani jei ikavimbae vae yandeYa kotɨ; yɨmbɨaɨ vae güi opɨ̈ro jembíu, ani iɨuve vae güi opɨ̈ro ɨ.

ISAÍAS 40:11

Ou vecha iyangarekoa oyangareko ivecha re rami, ovoɨ vecha kuimbae taɨrusu vae reta, oiküava güɨraja ipɨtía re, jare oyangareko kavi imembɨmii vae reta re.

DANIEL 1:17

Jökorai kuae irundɨ kunumi reta pe Tumpa omee jeta mbae oikuaa reta vaerä jare iyarakuaa katu yae reta vaerä opaete yemboe reta rupi; jare Daniel oikuaa katu opaete mbaɨu reta regua jare Tumpa mbae oechauka vae rupi.

MALAQUÍAS 2:9

Jáeramo che pogüɨröɨroukata opaete tëta pegua pe, echa pe reta mbaetɨ peyapo cheremimbota, jare mborookuai re peporomboe yave peyoparavoño.”

MALAQUÍAS 3:3

Jare oguapɨta ombokavi jare oitɨo korepoti, jökoraita oitɨo Leví iñemuña reta; ombokavita oro jare korepoti rami; jare güeru retata mbota yandeYa pe jupi rupi.

San Mateo 23:28

Jökorai ko pe reta peyekuaa, ikavi ani jupiecha ïru vae reta pe, ërei pepɨa tɨnɨe tavɨ jare ikavimbae vae pe.

San Mateo 5:8

Oyerovia ko jókuae ipɨa ikɨambae vae reta. Echa oecha retata Tumpa.

San Mateo 5:9

Oyerovia ko oyapo mbɨakatu vae reta. Echa Tumpa jeita chupe reta: Pe ko jae cheraɨ reta.

San Lucas 21:15

Echa che ameeta peve ñee jare arakuaa, metei ave perovaicho reta mbaetɨta ipuere peré ani peaka.

San Lucas 6:36

Peporoparareko, peRu Tumpa iporoparareko rami.

San Juan 1:14

Jókuae Ñee oyeapo Kuimbaerä, jare ou oiko orepɨte rupi mbɨakatu ndive jare añetegüe rupi. Jare ore roecha iyemboetea, Tumpa Taɨ jae vaeño vae iyemboetea.

San Juan 1:47

Jesús oecha Natanael ou ikotɨ yave, jei: —Mase, ko ou metei Israel pegua añete vae. Mbaetɨ oñeväe yembotavɨ jese vae.

Hechos 11:24

Echa Bernabé ko jae kuimbae jupi vae, oporogüɨrovia kavi jare tɨnɨe Espíritu Santo pe vae. Jare jeta vae oñemoïru oporogüɨrovia vae yandeYa re.

Hechos 9:36

Oiko tëta guasu Jope pe metei kuña oporogüɨrovia vae Tabita jee vae (kuae tee oipota jei: “Dorcas”). Kuae kuña oyapo jeta ikavi vae, jare omee vi jeta mbae iparavete vae reta pe.

Romanos 12:18

Pepuere rupi peiko kavi mbɨakatu rupi opaete vae ndive.

Romanos 12:9

Peyoaɨu añetetegüe rupi. Pemotareɨ ikavimbae vae, pemomoe ikavi vae.

Romanos 15:14

Cherɨvɨ reta, che etei pokuaa kavi yae, kërai pe reta pepɨakavi yae ko jare peikuaa jeta mbaembae. Jáeramo pepuere peyomboarakuaa.

1 Corintios 12:8

Echa Espíritu Santo omee metei vae pe imiari vaerä iyarakuaa katu reve. Jare jae vi omee ïru vae pe imiari vaerä oikuaa kavi yae reve.

2 Corintios 10:1

Che Pablo, pomoñera Cristo iñemomichi jare iporoaɨu rupi. Che aï pépɨri yave añemomichi, ërei mbaetɨ aï pépɨri yave chemiari peve aipoɨumbae reve.

2 Corintios 6:6

jare vi teko ikɨambae rupi, arakuaa reta, rogüɨropɨa vae rupi, mbɨakavi rupi, Espíritu Santo rupi, añetete vae mboroaɨu rupi,

2 Corintios 7:11

Echa jókuae pepɨatɨtɨ Tumpa jemimbota rupi vae, ¡güeru kɨ̈reɨ ngatu peve, peikuaauka cheve mbaetɨ ko penoi teko vae, pearasɨ mbaeyoa kotɨ, jare peipoɨu vi, cheraɨu yae, perägüɨro jare peiporarauka ikavimbae vae oyapo vae pe! Opaete jókuae rupi peikuaauka mbaetɨ etei teko penoi kuae oyeapo vae re.

2 Corintios 9:10

Tumpa ko omee temitɨ, omaetɨ vae pe; jare omee tembíu okaru vae pe. Jae ko omeeta peve jare omoñemuñata peve peremitɨ reta, jeta peporomborɨ vaerä.

Efesios 5:9

Echa Espíritu omee yandeve vae ko mbɨakavi, mbaejupi jare añete vae.

Filipenses 1:11

ayerure jekuaeño peyapo vaerä mbaembae ikavi vae jupi vae pegua Jesucristo rupi, Tumpa oyemboeteuka vaerä.

Filipenses 4:8

Jare añave cherɨvɨ reta, peyemongeta opaete mbae añetete vae re, opaete mbae jaekavi vae re, opaete mbae jupi vae re, opaete mbae ikɨambae vae re, opaete mbae ikavi vae re, jare opaete mbae yandepuere ñanemiari kavi jese vae re. Peyemongeta opaete ikavi vae jare mbaemboete pegua re.

Colosenses 1:10

Peguata kavi vaerä, Tumpa oenɨigüe reta oguata rami kavi, pemboyerovia opaete mbaembae pe. Peyapo avei opaete mbaembae ikavi vae. Peikuaa kavi ete avei Tumpa.

1 Tesalonicenses 2:7

Ërei ore royangareko ko peré poaɨu reve, metei kuña michia iyangarekoa oyangareko imembɨ re rami.

1 Timoteo 5:21

Royókuai Tumpa jare yandeYa Jesucristo jare iaraɨgua jembiparavo reta jovake, reyapo vaerä kuae mbaembae jupi rupi, reporomboyoavɨmbae re reve.

2 Timoteo 2:24

Echa yandeYa jembiokuai mbaetɨ ko ikavi iyoakase, ërei ikavi ko ipɨakavi opaete vae pe, toikatu toporomboe, tipɨaguasu;

Tito 1:15

Iyemongeta ikɨambae vae reta pe opaete mbaembae ikɨambae ko. Ërei oporogüɨroviambae vae iyemongeta ikɨa vae pe opaete mbaembae ikɨa ko. Echa ipɨa jare iyemongeta opaetei oikomegua.

Tito 3:2

Agüɨye tei ikavimbae vae oipotagüe vae kotɨ, agüɨye tijovaicho pota, ërei toporoaɨu, toñemomichi opaete vae ndive.

Hebreos 12:11

Añete ko, yembosɨmbi pe ñaï yave, yandepɨatɨtɨ ko, mbaetɨ ko yayerovia. Ërei taɨkue rupi yaikuaa yandemborɨ yayapo vaerä jupi vae yandepɨakatu reve.

Hebreos 12:14

Pepɨakatu opaete vae ndive, jare peñeñono tee Tumpa pe. Echa jokuaembae reve ngaraa etei kia oecha yandeYa.

Santiago 1:17

Opaete mbaembae ikavi yae oñemee yandeve vae ara güi ko ou, yandeRu tembipe reta iyapoa güi, jae ko mbaetɨi oyepoepɨ vae.

Santiago 1:5

Oime yave pegüi reta pe oata arakuaa vae, toiporu Tumpa pe. Jae omeeta opaete pe jeta rupi jare iñeengetambae reve.

Santiago 2:13

Echa kia mbaetɨ oiparareko japicha vae, Tumpa ojäata oipararekombae reve; ërei oporoparareko vae mbaetɨta oñejäa.

Santiago 2:4

jökorai yave peporoparavo ma ko peï oyoupii. Peyeapo oporojäa vae rami peyemongeta kavimbae rupi.

Santiago 3:15

Echa jókuae arakuaa mbaetɨ ko ou Tumpa güi. Ɨvɨ peguaño ko, kuimbae reta iyarakuaaño ko, aña pegua ko.

Santiago 4:8

Peyemboya Tumpa re jare jae oyata peré. Iyoa vae reta, peyepoe. Pe iyemongeta oipoepɨ katu vae reta, peitɨo pepɨa.

1 Pedro 1:22

Perovia añete vae ramo pepɨa oyetɨo Espíritu Santo rupi, añetete peyoaɨu yae vaerä. Peyoaɨu opaete vae pepɨa jupi reve.

1 Pedro 2:1

Jáeramo, peeya opaete ikavimbae vae, opaete mborombotavɨ, opaete tova mókoi, akatúä reta jare opaete ñeeasɨ katu.

1 Pedro 2:18

Tembiokuai reta, peiko peya jeia re pemboete reve; agüɨye peya reta ipɨakavi jare ipɨaguasu vae reta peño, ipɨa pochɨ vae reta pe vi.

1 Juan 3:18

Cheraɨ aaɨu vae reta, agüɨye yayoaɨu ñaneñee peño ani yandeyuru peño, toyekuaa yayapo vae rupi jare añetete rupi.

1 Juan 3:3

Jare opaete oäro oï vae reta, oyetɨo avei, echa Cristo ikɨambae ko.