Santiago 3:14 - Biblia Guarani Tumpa Iñee

¹⁴ Ërei peñemoägüɨro yave ïru vae reta re jare pepochɨ pepɨa rupi yave, agüɨye peyemboete ani peapu añete vae kotɨ.

Nuevo Testamento Guaraní Pe

¹⁴ Erei peñemoagüɨro yave iru vae reta re jare pepochɨ yave chupe reta, agüɨye peñemboete. Echa peñemboete yave, peapu pei co. Mbaeti peyapo pei añete vae rupi.

Santiago 3:14 ပူးပေါင်းရင်းမြစ်များ

GÉNESIS 37:11

Jare tɨkeɨ reta omotareɨ yae, ërei tu oyemongeta oiko kuae re.

GÉNESIS 38:9

Ërei Onán oikuaa jókuae ñemuña mbaetɨta imbae. Jáeramo tɨkeɨ jembirekogüe güɨroke ñavo ñäteɨ omomburúa ramo omoë taɨgüe ɨvɨ pei, echa mbaetɨ oipota oyapo tɨkeɨ iñemuñarä.

2 REYES 10:16

jei reve chupe: —Chemoïru jare reechata cherägüɨro yandeYa re vae. Jökorai omboyeupi ikäretou pe.

2 REYES 10:31

Ërei ngatu Jehú mbaetɨ oñemokɨ̈reɨ oguata vaerä Israel iYa Tumpa iporookuai rupi opaete ipɨa ndive, mbaetɨ oyembosɨrɨ Jeroboam iyoa reta güi, Israel iñemuña reta pe oyapouka mbaeyoa vae güi.

JOB 5:2

Añete, yarakuaambae oyeyukauka arasɨ pe, jare imbaepotarai vae ñemoägüɨro pe.

PROVERBIOS 14:30

Ipɨakatu avei vae, tekove katu ko jete peguarä, ërei oporomotareɨ vae, yaratita rami ko ikägüe reta pe.

PROVERBIOS 27:4

Arasɨ ikaviä yae ko, arasɨ rai yavaete yae ko, ërei ñemotareɨ mbaetɨ kia ipuere güɨropɨa.

ISAÍAS 11:13

Jare Efraín iporomotareɨ opata, jare Judá jovaicho reta opata oyemboai; Efraín ngaraa ma omotareɨ Judá, Judá ngaraa ma oiporarauka Efraín pe.

HABACUC 1:3

¿Maera pa remaeño aecha ikavimbae jare yemoambeko reta? Ipɨa-pïrimbae jare kañɨtei ipɨte pe aï; opaete rupi oime ñeapo reta jare ñeraro reta.

San Mateo 27:18

Echa jae oikuaa judío reta omee Jesús chupe iyakatúä jese ramo.

San Juan 16:2

Judío reta pemombota itupao reta güi. Jare oväeta ara, jókuae peyuka vae reta güɨroviata Tumpa pe ko oyeokuai.

Hechos 13:45

Ërei judío reta oecha yave jeta vae yatɨ, oñemoägüɨro, jare jei añeteä ko Pablo jei vae, jare jei ikavimbae vae Pablo kotɨ.

Hechos 26:9

Che añetete arovia jupi ko ayapo vaerä jeta mbae ikavimbae Jesús Nazaret pegua jee kotɨ.

Hechos 5:17

Jayave sacerdote tenondegua ete jare opaete saduceo jae ndive ñogüɨnoi vae reta iyakatúä temimondo reta re.

Hechos 7:9

Jókuae yandeɨpɨ reta omotareɨ José ramo omee reta korepoti re, oyererajauka vaerä Egipto pe. Ërei Tumpa oï José ndive,

Romanos 1:29

Tɨnɨe ñogüɨnoi opaete jupimbae vae pe, aguasa pe, teko pɨ̈chɨi pe, mbaepotarai pe, ikavimbae pe. Iyakatúä reta ïru re vae pe, mboroyuka pe, ñerarose pe, mborombotavɨ pe, ñee kavimbae pe,

Romanos 13:13

Yaiko kavi, tembipe pe yogüɨreko vae reta rami. Agüɨye yandearete avei jare yasavaɨpo. Agüɨye ñamomora soo jemimbota ani ñanekuña pota ani kuña imbɨa pota yae. Agüɨye yanderovaicho pota jare yandeakatúä ïru vae re.

Romanos 2:17

Mase, nde reyeko judío pe, reyeko mborookuai re, jare reyembotuicha Tumpa re.

Romanos 2:8

ërei oiporaraukata iyarasɨ yae reve ipɨapochɨ vae reta pe, mbaetɨ oipota reta oyapo añete vae. Ikavimbae vaeño oyapo reta vae pe;

1 Corintios 13:4

Mboroaɨu jae ko yaiporara vae, yandepɨakavi vae, mbaetɨ ko ñemoägüɨro, mbaetɨ ko yembotuicha, mbaetɨ ko pɨayemboete,

1 Corintios 3:3

Echa jekuaeño peiko pe peregüe reño. Echa jekuaeño peñemoägüɨro oyoe, peñoraro jare peyoambotaä ¿jaeä pa jókuae jeigüe reño oiko vae?, jare ¿oipotagüe kuimbae ramiño?

1 Corintios 5:2

¡Jökorai reve peyembotuicha! Pepɨatɨtɨta tëi ko jókuae teko re, peekɨ vaerä pepɨte güi jókuae iyapoa.

1 Corintios 5:6

Mbaetɨ ko ikavi peyembotuicha peiko vaerä. ¿Mbaetɨ pa peikuaa jókuae mbɨyape imbovúa yepe tëi mbovɨ ërei ombovu opaete mbɨyaperä vae?

2 Corintios 12:20

Aipoɨu aja ye yave pépɨri, güɨramoi aechata mbaetɨ peiko che aipota rami, jare güɨramoi pe reta chereechata mbaetɨ peipota rami. Aipoɨu peyoaka oyoupii, peakatúä oyoe, peyomboarasɨ, peyemboyao oyougüi, peñeeasɨ katu oyoupe, peñeenguru oyoupe, pɨapochɨ, tekorai.

Gálatas 5:15

Ërei peñeraro reteiño oyoupii yave, opata ko peñomokañɨtei.

Gálatas 5:20

tumpa-raanga pota, mbaekuaa reta, ñemotareɨ reta, ñeapo reta, ñemoägüɨro reta, ñoraro reta, yoambotaä reta, mboromboe añetembae reta,

Gálatas 5:21

yeakatúä reta, yoyuka reta, savaɨpo reta, oasa ete okaru osavaɨpo reve vae, jare jeta ïru ikavimbae. Kuae reta re amombeu ma peve, kërai kuae nunga ikavimbae vae iyapoa reta ngaraa oike Tumpa iporookuaía pe.

Gálatas 5:26

Agüɨye yayembotuicha. Agüɨye yayovaicho oyoupii. Agüɨye yandepɨakatúä oyokotɨ.

Gálatas 6:13

Ërei jae reta etei oyapoä mborookuai jei vae, yepe tëi oyembocircuncidauka reta. Ërei oipota pe reta peyembocircuncidauka, jae reta oyemboete vaerä peré.

Filipenses 1:15

Añete ko, amogüe vae omombeu Cristo regua iyakatúä cheré güi, jare oyemboyovaicho chekotɨ güi. Ërei ïru vae reta omombeu ikɨ̈reɨ ngatu güi.

Filipenses 2:3

Agüɨye mbae peyapo peyovaicho vaerä oyoe. Agüɨye mbae peyapo peyembotuicha reve; ërei opaete mbaembae peyapo peñemomichi reve, metei ñavo tomae ïru vae re tuichagüe re rami;

1 Timoteo 2:4

jae oipota opaete vae oyemboasauka jare oikuaa kavi añete vae.

1 Timoteo 6:4

jókuae nunga oyembotuicha ko, jare mbaetɨ etei ko oikuaa mbae ave, oyoaka apoño. Joko güi oë pɨakatúä, ñeapose, ñee ikavimbae Tumpa kotɨ, jare mborogüɨrovia katúä.

Tito 3:3

Echa tenonde yave yandearakuaambaese yepi, yandepɨapochɨ, yanderopa, yaikose yanderete jemimbota reta reño, yaiko ikavimbae rupi, yandepɨakatúä,

Santiago 1:18

Jae oipota ramo, yandeapo taɨ retarä iñee añete vae rupi, yaiko vaerä mbaagüɨyerɨpɨ rami chupeguarä opaete jembiapo güi.

Santiago 3:16

Echa oime ñemoägüɨro jare ñeraroa pe, oime jeta teko ikavimbae jare oipotagüe mbae ikavimbae vae.

Santiago 5:19

Cherɨvɨ reta, oime yave pegüi reta kia opia añete vae güi, jare ïru vae omborɨ yave oyerova ye,