Santiago 3:1 - Biblia Guarani Tumpa Iñee

¹ Cherɨvɨ reta, agüɨye peipota yae peyeapo oporomboe vae retarä. Echa peikuaa ko yande yaporomboe vae reta ñañejäauka yaeta ïru vae reta güi.

Nuevo Testamento Guaraní Pe

¹ Cherɨvɨ reta, agüɨye peipota opaete peyeapo vaera oporomboe vae retara. Echa peicuaa quirai oporomboe vae reta oyavɨ yave, oñemboeco yae iru vae reta güi.

Santiago 3:1 ပူးပေါင်းရင်းမြစ်များ

LEVÍTICO 10:3

Jayave Moisés jei Aarón pe: —Körai voi ko yandeYa jei: “Chekotɨ yogüeru vae pe aechaukata che ko jae iyoambae, jare Israel iñemuña reta jóvai ayemboeteukata.” Jare Aarón kïrii opɨta.

MALAQUÍAS 2:12

¡YandeYa omokañɨta Jacob iñemuña reta ipɨte güi kia nunga jökorai oyapo vae, jare oipotagüe güeru tëi mbota yandeYa Imbaepuere yae ete pe vae!

San Mateo 10:24

Metei oyemboe vae mbaetɨi ko oyapɨraa imboea. Ani metei tembiokuai mbaetɨi ko ma yae iya güi.

San Mateo 23:13

¡Paravete pe jova mókoi vae reta! Mborookuai re oporomboe vae reta jare fariseo reta. Echa pe reta peyopia ïru vae reta güi araɨgua mborookuaía. Pe reta ave peikeä. Jare ïru vae reta ikɨ̈reɨ tëi oike vae pemaeñoä oike.

San Mateo 23:14

¡Paravete pe jova mókoi vae reta! Mborookuai re oporomboe vae reta jare fariseo reta. Echa pepɨ̈ro imemano vae reta güi imbaembae, jare peyereroviauka vaerä puku peyerure Tumpa pe añetegüe nunga. Jáeramo peiporara yaeta ko.

San Mateo 9:11

Jare fariseo reta kuae oecha yave, jei Jesús jemimboe reta pe: —¿Maera pa okaru pemboe vae okovara vae reta jare jeko ikavimbae vae reta ndive?

San Lucas 16:2

Jayave oenɨi jembiokuai jare jei chupe: ‘¿Mbae pa ko kuae nerërakua cheve vae? Eñono kavi opaete ndeparavɨkɨ remboeterenga vaerä cheve. Echa mbaetɨta ma reiko chembaembae iyangarekoarä.

San Lucas 6:37

Agüɨye pemboeko voi ïru vae, agüɨye vaerä peyemboekouka. Agüɨye peiporarauka voi ïru vae pe mbae re, agüɨye vaerä vi peiporara. Peɨ̈ro ïru vae pe, iñɨ̈ro vaerä vi peve vae.

San Juan 3:10

Jesús oparandu Nicodemo pe: —¿Mbaetɨ pa reikuaa kuae nde Israel pegua reta omboe vae?

Hechos 13:1

Jókuae ara rupi yogüɨreko oporogüɨrovia vae Antioquía pegua ipɨte pe amogüe Tumpa iñee omoërakua vae reta jare Tumpa iñee re oporomboe vae reta. Jae reta ko: Bernabé, Simón Niger, Lucio Cirene pegua, Manaén mburuvicha guasu Herodes ndive okuakuaa vae jare Saulo.

1 Corintios 12:28

Jare Tumpa oñono oporogüɨrovia vae reta ipɨte pe, tenonde ete temimondo reta, mokoía ñeemombeúa reta, mboapɨa oporomboe vae reta, javoi mɨakañɨ oyapo vae reta, oporombogüera vae reta, oporomborɨ vae reta, oyangareko mbae re vae reta, ambuae vae ñee reta pe imiari vae reta.

2 Corintios 5:10

Echa opaete vae ñaï ñotai Cristo jóvai, jae ñanejäa vaerä. Metei vae ñavo omboresive vaerä oikove oiko ramboeve oyapo rupi. Ikavi vae jare ikavimbae vae oyapo rupi.

Efesios 4:11

Jare Cristo etei oñono amogüe temimondorä, ñeemombeuarä, ñee ikavi vae omoërakua vaerä, oporogüɨrovia vae reta iyangarekoarä, oporomboe vaerä.

1 Timoteo 1:7

Jae reta oipota tëi oporomboe mborookuai re, oikuaambae reve jei vae, ani añete rami oporomboe jese vae.

1 Timoteo 2:7

Jare yandeYa cheparavo amombeu vaerä kuae regua. Jae cheapo jemimondorä, amboe vaerä judiombae vae reta mborogüɨrovia re jare añete vae re. Kuae che jae peve vae añete vae ko. Cristo jee re mbaetɨ ko cheapu.

2 Timoteo 1:11

Jokuaerä Tumpa cheparavo amoërakua vaerä, temimondorä jare amboe vaerä judiombae vae reta.

Hebreos 13:17

Peñeereendu oyangareko peré vae reta pe jare peiko jae reta jeia re, echa jae reta oyangareko oï perekove re, oikuaa reve Tumpa ojäata ko iparavɨkɨ re; jökorai peyapo yave, jae reta oparavɨkɨta Tumpa pe oyerovia reve, ipɨatɨtɨmbae reve, echa ipɨatɨtɨ reve oparavɨkɨ Tumpa pe yave, ngaraa jaekavi.

Santiago 1:16

Cherɨvɨ aaɨu vae reta, agüɨye pembaeyavɨ.

Santiago 1:19

Jáeramo, cherɨvɨ aaɨu vae reta, opaete toïndaivi oyeapɨsaka vaerä, agüɨye mbae tei rai voi, agüɨye tiyarasɨ rai voi,

Santiago 3:10

Metei vae yandeyuru güiño oë mbaemboete jare yepopeyu. Cherɨvɨ reta, mbaetɨ jaekavi yayapo vaerä jökorai.

1 Pedro 5:3

agüɨye peyemboiya etei peyangareko jese vae reta re, jaeño peechauka ikavi chupe reta.