Santiago 2:5 - Biblia Guarani Tumpa Iñee

⁵ Cherɨvɨ aaɨu vae reta, peyeapɨsaka cheré. Tumpa oiparavo iparavete vae reta oikokatu vaerä iporogüɨrovia re jare güɨnoi vaerä imbaerä mborookuaía, jókuae Tumpa güɨrökuavee omee vaerä opaete güɨnoi mboroaɨu ikotɨ vae reta pe.

Nuevo Testamento Guaraní Pe

⁵ Peyeapɨsaca cheré, cherɨvɨ reta aaɨu vae. Tumpa oiparavo paravete vae reta oicocatu vaera iporogüɨrovia re jare güɨnoi vaera imbaera iporoocuaia pe. Echa jocuae Tumpa güɨrocuavee opaete oaɨu vae reta pe.

Santiago 2:5 ပူးပေါင်းရင်းမြစ်များ

1 REYES 22:28

Micaías jekuae jei ye: “Nde reyerova ko mbɨakatu ndive yave, yandeYa mbaetɨ ko jayave imiari cherupi.” Jare jei opaete vae reta pe: “¡Opaete vae reta, peendu!”

JOB 34:10

Jáeramo, pe yarakuaa katu vae reta, peyeapɨsaka cheré, ¡agüɨye peyemongeta Tumpa Imbaepuere yae ete vae kotɨ, oyapota ikavimbae vae ani jupimbae vae!

JOB 34:19

Jae mbaetɨ oñeñono mburuvicha reta ndive, mbaetɨ vi omborɨ oikokatu vae reta paravete vae reta güi, echa jae jembiapo ko opareve.

JOB 38:14

Jayave oyekuaa kavi opaete ɨvɨ, ipïra temimonde rami.

ÉXODO 20:6

jare opaete cheraɨu vae jare oyapo cheporookuai reta vae re cheporoparareko.

PROVERBIOS 13:7

Amogüe paravete vae oikokatugüe nunga oiko; amogüe oikokatu vae paravete vaeecha oiko.

PROVERBIOS 7:24

Jayave, eyeapɨsaka cheré cheraɨ; eyeapɨsaka kavi cheñee reta re.

PROVERBIOS 8:32

Añave, cheraɨ reta, peyeapɨsaka cheré; oyerovia ko chereko omomoe vae.

ISAÍAS 14:32

¿Mbae pa yaeta jokotɨ güi ñee jerúa reta pe? Echa kërai, yandeYa omomɨ̈rata ma Sión, jare jae imbae vae reta matɨ rupi oiporara yogüɨreko vae reta yogüeru yeta joko pe.

ISAÍAS 29:19

Jayave oñemomichi vae reta, oyerovia yeta yandeYa re, jare paravete yae vae reta, oyerovia yeta Iyoambae Israel pegua re.

SOFONÍAS 3:12

Aeyata ndeve ipɨa omomichi vae jare mbaetɨ ipɨayemboete vae reta, jae reta oyekota chereño.

ZACARÍAS 11:11

Jare jókuae ara oyemboai, jökorai paravete vae reta omae cheré vae ou oikuaa yandeYa iñee ko.

ZACARÍAS 11:7

Jare ayangareko vecha reta oyereraja mbaeyukaa pe vae re, kuae ko jae, paravete vae reta re. Aipɨɨ mókoi popoka: Metei ambojee “Ikavi vae” jare ïru “Maapɨtía”, jare ayangareko vecha reta re.

San Mateo 11:5

Jesambae vae reta omae. Iköcho vae reta okuera. Ipire mbaerasɨ ókui vae reta okuera. Iyapɨsambae vae reta oendu. Omanogüe vae reta oikove ye. Jare iparavete vae reta pe oñemoërakua ñee ikavi vae.

San Mateo 25:34

Jayave che Mburuvicha guasu. Jaeta cheakatu kotɨ ñogüɨnoi vae reta pe: ‘Peyu, cheRu iporerekua peré vae reta, peiko mborookuaía ɨvɨ oyeapo güive oñemokätɨro peve vae pe.

San Mateo 5:3

“Oyerovia ko jókuae iporiau iyeupe Tumpa kotɨ vae reta. Echa jae reta imbae ko araɨgua mborookuaía.

San Marcos 7:14

Jesús oenɨi ikotɨ jeta vae reta, jare jei chupe: —Peyeapɨsaka cheré opaete vae reta, peikuaa kavi vaerä.

San Lucas 12:21

Jayave Jesús jei chupe reta: —Jökorai ko jeta mbaembae oñovatu iyeupeguaräño vae, Tumpa peguarä oikokatúä ko.

San Lucas 12:32

Agüɨye pekɨɨye, pe mbovɨ yae vae reta. Echa Tumpa ipɨa kavi rupi omee peve iporookuaía.

San Lucas 16:22

Jare metei ara jókuae kuimbae paravete vae omano, jare araɨgua reta güɨraja Abraham oïa pe. Jare kuimbae oikokatu vae omano vi jare oñotɨ reta.

San Lucas 16:25

Ërei Abraham jei chupe: Cheraɨ, nemaendúa kërai nde reiko ɨvɨ pe yave, reyekou yepi jeta mbaembae re. Jökoraiño vi Lázaro oiko ɨvɨ pe yave, oiporara jeta ikavimbae vae. Ërei añave jae ipɨakatu oï kuae pe jare nde reiporara reï.

San Lucas 22:29

Jáeramo che poñono ma peiko vaerä Tumpa iporookuaía pe, cheRu cheñono rami.

San Lucas 6:20

Jayave Jesús omopüa iñäka jare omae jemimboe reta re jei reve: “Peyerovia pe peparavete vae reta. Echa pembae ko Tumpa iporookuaía.

San Juan 7:48

¿Güɨrovia ma ra jese kia nunga vae mburuvicha reta ani amogüe fariseo reta?

Hechos 7:2

Jayave Esteban jei joko pe ñogüɨnoi vae reta pe: —Tëtara reta, tëta guasu itenondegua reta, peyeapɨsaka cheré: Tumpa imboetea yae vae oyekuaa ñaneñemuñagüe Abraham pe, Mesopotamia pe oiko yave, ndei oiko Harán pe mbove.

Romanos 8:17

Jare yande Tumpa taɨ reta ramo, ñanoita vi yandembaerä jae omeeta yandeve vae. Ñanoita ko yandembaerä Cristo ndive, yaiporara yave jae oiporara rami; jare Tumpa yandemboeteukata Cristo ndive.

1 Corintios 2:9

Ërei oyekuatía oï: “Mbaetɨ kia oecha jare mbaetɨ kia oendu vae, mbaetɨ vi kia oyemongeta jese vae, jókuae mbaembae omokätɨro ma Tumpa oaɨu vae reta pe vae.”

2 Corintios 4:15

Opaete kuaekuae roiporara, ore poaɨu vae jeko pegua, Tumpa ipɨakavi oï vaerä jeta vae ndive. Jökorai jeta vae omeeta yasoropai Tumpa pe, jare oyemboeteukata.

2 Corintios 6:10

Orepɨatɨtɨ, ërei jekuaeño royerovia; oreparavete, ërei jeta ïru vae reta romboyekou; mbaetɨ etei mbae rogüɨnoi, ërei rogüɨnoi opaete mbae.

2 Corintios 8:9

Peikuaa kavi ko kërai yandeYa Jesucristo ipɨa kavi, kërai jae yepe tëi oikokatu, ërei oyemombaravete peraɨu ramo, peikokatu vaerä.

Efesios 1:18

Tumpa toesape pearakuaa, peikuaa kavi vaerä mbaerä ra pereenɨi vae jare kërai penoi vi ko mborerekua tuichagüe oporogüɨrovia vae reta ndive vae,

Efesios 3:8

Yepe tëi che ko michi yae opaete oporogüɨrovia vae michi yae vae güi, ërei oñemee cheve Tumpa ipɨakavi, amoërakua vaerä judiombae reta pe ñee ikavi vae, Cristo imbaeyekou yaipapa rapembae vae re,

1 Tesalonicenses 2:12

Ore poyókuai peiko vaerä Tumpa imbae reta yogüɨreko rami. Echa jae peparavo peiko vaerä iporookuaía jare iyemboetea pe.

2 Tesalonicenses 1:5

Kuae oechauka kërai Tumpa iporojäa jupi vae ko, jökorai jupi ko pe reta peike vaerä jae iporookuaía pe. Jókuae re ko añave peiporara peï.

1 Timoteo 6:18

Jare eyókuai vi toyapo ikavi vae, toikokatu mbaembae ikavi oyapo vae pe, tikɨ̈reɨ ngatu omee vaerä güɨnoigüe jare tipɨakavi reta,

2 Timoteo 4:18

Jare yandeYa chereepɨta opaete ikavimbae vae güi, jare cheövatuta ara pegua iporookuaía peguarä. Jae toyemboeteuka jekuaekuae avei rupi. ¡Amén!

2 Timoteo 4:8

Jare añave oñeovatu ma oï cheve metei äka-regua jupi vae pegua. YandeYa oporojäa vae jupi vae, omeeta cheve metei äka-regua jókuae ara; ërei mbaetɨ cheveño, omeeta vi opaete oaɨu iväea iara vae reta pe.

Hebreos 11:26

chupeguarä ikavi yae ko oiporara vaerä Cristo oiporara rami, Egiptoɨgua reta imbaeyekou güi; echa omae avei Tumpa omeeta chupe mbota vae re.

Santiago 1:12

Oyerovia ko jókuae kuimbae omoamɨri mbaemboavai ou chupe yave vae. Echa ipɨ̈rata reve omoamɨri vae pe oñemeeta tekove opambae vae, yandeYa güɨrökuavee omee vaerä opaete güɨnoi mboroaɨu ikotɨ vae reta pe.

Santiago 1:16

Cherɨvɨ aaɨu vae reta, agüɨye pembaeyavɨ.

Santiago 1:19

Jáeramo, cherɨvɨ aaɨu vae reta, opaete toïndaivi oyeapɨsaka vaerä, agüɨye mbae tei rai voi, agüɨye tiyarasɨ rai voi,

Santiago 1:9

Oporogüɨrovia vae iparavete vae, toyerovia Tumpa ombotuicha yave,

1 Pedro 1:4

Tumpa oñovatu peve ara pe pembaerä oyemboaimbae vae, ikɨambae jare oikomeguambae. Oñeñovatu oï ara pe peveguarä.

2 Pedro 1:11

Jare jökorai yave, oyepeata opaete peve yandeYa Yandemboasa vae Jesucristo iporookuaía opambae.

Apocalipsis 2:9

‘Che aikuaa opaete reyapogüe reta, jare kërai reiporara jare ndeparavete vae (ërei reikokatu ko); aikuaa vi kërai jókuae judío jei iyeupe vae reta jei ñee ikavimbae vae ndekotɨ vae, ërei jae reta ko oyeapo Satanás imbae reta.

Apocalipsis 21:7

Oporomoamɨri vae pe ameeta imbaerä opaete mbaembae. Che etei aikota jae iTumparä jare jae oikota cheraɨrä.

Apocalipsis 3:18

Jáeramo, romboarakuaa regua vaerä chegüi oro ikɨambae tata pe oyetɨo vae, reikokatu vaerä, jare temimonde tïi vae remonde vaerä, agüɨye vaerä nenandi oyekuaa. Romboarakuaa vi reñono vaerä moa peresa pe, reecha vaerä.

JUECES 9:7

Jotam oikuaa yave oyeupi ɨvɨtɨ Gerizim re, jare joko güi täta osapúkai opaete vae oendu vaerä: “¡Peyeapɨsaka cheré opaete kuimbae Siquem pegua reta! ¡Jare jökorai Tumpa toyeapɨsaka peré!

1 SAMUEL 2:30

Jáeramo, Israel iTumpa jei tëi tenonde yave neñemuñagüe reta pe, ndeve jare neñemuña reta oyeokuai vaerä chupe jekuae avei, ërei añave jei: ‘Ngaraa ma ayapo jökorai, amboeteukata chemboete vae reta, ërei chereröɨro vae reta aröɨrota vi.

1 SAMUEL 2:8

Jae güɨnoe paravete vae mbaravete güi, jare jae güɨnoe paravete vae, ɨtɨ oyemomboa pe oyevɨka vae güi, jare omboguapɨ mburuvicha reta ndive omboguapɨ mburuvicha jenda re omboeteuka vaerä; echa yandeYa imbae ko opaete ɨvɨ iguapɨka, jare jese ko omboguapɨ kuae ɨvɨ.