Santiago 2:23 - Biblia Guarani Tumpa Iñee

²³ Jare oyembopo Tumpa Iñee pe jei vae: “Abraham güɨrovia Tumpa, jókuae iporogüɨrovia rupi omae jese jupi. Jare Tumpa ombojee Abraham, jae ko ivɨa-ïru.”

Nuevo Testamento Guaraní Pe

²³ Jare oyeapo Tumpa iñee pe oyecuatía oi vae. Echa oyecuatía oi corai: Abraham güɨrovia Tumpa, jare Tumpa ombojupi iporogüɨrovia jeco pegua. Jare Abraham oñembojee Tumpa iamingo pe. Jocorai oyecuatía oi.

Santiago 2:23 ပူးပေါင်းရင်းမြစ်များ

GÉNESIS 15:6

Jayave Abram güɨrovia yandeYa, jókuae iporogüɨrovia rupi omae jese jupi.

1 REYES 4:5

Azarías, Natán taɨ jae ko ɨvɨ ruvicha reta itenondegua; Zabud, sacerdote Natán taɨ, jae ko mburuvicha guasu omboarakuaa vae;

2 CRÓNICAS 20:7

OreTumpa, nde renoe remombo kuae ɨvɨ pe yogüɨreko vae reta tëta Israel ndembae vae jenonde güi, jare remee ndevɨa-ïru Abraham iñemuña reta pe, jekuae avei pegua.

JOB 16:21

¡Mbae mona oime kia oyoaka cheve Tumpa ndive; kuimbae oyoaka japicha ndive rami!

ÉXODO 33:11

Oyoova pe etei yandeYa oñomomiari Moisés ndive, oipotagüe imiari ivɨa-ïru ndive rami, jare Moisés ojo ye teyupa pe. Ërei kunumi Josué, Nun taɨ, mbaetɨ oë tupao guakapi pegua japɨpe güi.

ISAÍAS 41:8

“Ërei nde Israel, Jacob iñemuña, agüɨye ekɨɨye cherembiokuai ko nde, che ko roparavo, chevɨa-ïru Abraham iñemuña reta:

San Marcos 12:10

¿Mbaetɨ pa pemongeta Tumpa Iñee pe oyekuatía oï vae?: ‘O iyapoa reta güɨröɨro ita vae, ou opɨta o ekina iguapɨkarä.

San Marcos 15:27

Jare sundaro reta oikutu vi kurusu re mókoi imonda vae reta Jesús ndive, metei iyakatu kotɨ jare ïru iyasu kotɨ.

San Lucas 4:21

Jayave Jesús jei chupe reta: —Kuae ara etei oyembopo peróvai kuae Tumpa Iñee.

Hechos 1:16

“Cherɨvɨ reta, jupi ko oyembopo vaerä Espíritu Santo jei David rupi Tumpa Iñee pe Judas re vae. Kërai Judas güɨraja kuimbae reta Jesús oïa pe oipɨɨuka vaerä.

Romanos 11:2

Tumpa mbaetɨ ko omombo tëta imbae vae, iyɨpɨ güive oikuaa vae. Peikuaa ko ñeemombeúa Elías regua oyekuatía oï vae. Kërai Elías oyerure Tumpa pe omboeko vaerä Israel pegua reta jei reve:

Romanos 9:17

Echa Tumpa Iñee jei Faraón pe: “Kuaerä etei che roparavo mburuvicha guasurä, aechauka vaerä nderé chembaepuere, oñemoërakua vaerä cheree opaete ɨvɨ rupi.”

Gálatas 3:22

Tumpa Iñee pe jei rami, opaete vae iyoa vae ko, ërei oñemeeta Jesucristo re güɨrovia vae reta pe, Tumpa güɨrökuavee vae.

Gálatas 3:6

Jökorai vi Abraham güɨrovia Tumpa re, jókuae iporogüɨrovia rupi omae jese jupi.

2 Timoteo 3:16

Opaete Tumpa Iñee oyekuatía oï vae Tumpa ko omombeu, jare ikavi ko yandeve yaporomboe vaerä, yamboeta vaerä, yaporombosɨmbi vaerä, yaporomboe vaerä jupi vae re,

Santiago 2:24

Jáeramo pepuere peecha kërai Tumpa ombojupi kuimbae jembiapo reta rupi, mbaetɨ ombojupi mborogüɨrovia reño.

1 Pedro 2:6

Echa Tumpa Iñee jei vi: “Mase, ko añonota Sión pe metei ita, o ekina iguapɨka okúembae, ita oyeparavogüe, ikavi yae vae, jese güɨrovia vae ngaraa oñemomaraiuka.”