Santiago 2:19 - Biblia Guarani Tumpa Iñee

¹⁹ Nde rerovia oime ko meteiño Tumpa. Jaekavi ko jókuae rerovia vae. Ërei aña reta vi güɨrovia jare orɨrɨi reta okɨɨye güi.

Nuevo Testamento Guaraní Pe

¹⁹ Nde rerovia oime co meteiño Tumpa. Icavi co jocuae rerovia vaera. Erei aña reta vi güɨrovia jocuae. Erei jae reta orɨrɨi oquɨye güi.

Santiago 2:19 ပူးပေါင်းရင်းမြစ်များ

ISAÍAS 43:10

YandeYa jei: “Pe reta ko jae pemombeu cheregua vae, cherembiokuai che aiparavo vae, chekuaa vaerä, perovia vaerä cheré, jare chekuaa vaerä kia ko che vae. Mbaetɨ yé ïru tumpa tenonde voi ma oiko chegüi vae, jare cheraɨkue rupi ngaraai vi oime ïru.

ISAÍAS 44:6

YandeYa, Israel iñemuña reta juvicha guasu jare jeepɨa, yandeYa Imbaepuere yae ete vae, jei: “Che ko, oikoño mai vae; mbaetɨ yé ïru Tumpa chegüi.

ISAÍAS 44:8

Ërei, ¡agüɨye pekɨɨye, peñemoäta ngatu! Amombeu ko peve jókuae iyɨpɨ güive voi, pe reta ko, cheregua omombeu vae. ¿Oime pa ïru Tumpa chegüi? Mbaetɨ yé ko ïru Imbaepuere yae vae; mbaetɨ aikuaa metei ave.”

ISAÍAS 45:6

Opaete ketɨ rupi: Kuaraɨ oëa kotɨ, kuaraɨ oikea kotɨ oikuaa reta vaerä mbaetɨ yé ko ïru chegüi vae. Cheño ko jae opaete vae iYa, mbaetɨ yé ko ïru chegüi.

ISAÍAS 46:9

pemaendúa oasa arakae güive voi ma vae re. Che ko jae Tumpa, mbaetɨ yé ko ïru Tumpa; mbaetɨ yé oime che rami vae.

JONÁS 4:4

Ërei yandeYa jei chupe: —¿Jupi pa ko ndearasɨ yae vaerä?

JONÁS 4:9

Jayave Tumpa jei Jonás pe: —¿Ndearasɨ yae pa andai rokɨ re? Jare Jonás jei: —¡Chearasɨ yae, aipotaecha amano chearasɨ güi!

ZACARÍAS 14:9

YandeYa oïta mburuvicha guasurä opaete ɨvɨ re, jókuae ara yandeYa jaeño oïta, jare jee meteiñota vi.

San Mateo 8:29

Jare jae reta iñeeäta reve jei: —¿Maera pa reyu oreve Jesús, Tumpa Taɨ? ¿Reyu pa reiporarauka oreve, ndei ara oväe mbove?

San Marcos 1:24

—¿Maera pa reyu oremoambeko Jesús Nazaret-ɨgua? ¿Reyu pa oremokañɨtei vaerä? Che rokuaa. Nde ko jae Iyoambae Tumpa güi ou vae.

San Marcos 12:29

Jesús jei chupe: —Mborookuai tenondegua ete jae ko kuae: “Israel, eyeapɨsaka. YandeYa Tumpa, jaeño ko Tumpa.

San Marcos 5:7

Jare iñeeäta reve jei: —¿Maera pa reyu cheve Jesús, Tumpa Tuichagüe yae vae Taɨ? Romoñera Tumpa jee re, agüɨye eiporarauka cheve.

San Marcos 7:9

Jare Jesús jei vi chupe reta: —Peeya ko Tumpa iporookuai, peyapo vaerä peñemuñagüe reta jeko.

San Lucas 4:34

—¿Maera pa reyu oremoambeko, Jesús Nazaret-ɨgua? ¿Reyu pa oremokañɨtei vaerä? Che rokuaa. Nde ko jae Iyoambae Tumpa güi ou vae.

San Juan 17:3

Jare tekove opambae vae jae ko: Ndekuaa reta vaerä nde ko jae meteiño Tumpa añetete vae, jare che Jesucristo nde rembou vae.

Hechos 16:17

Kuae kuñatai ou oreraɨkue, jare osapúkai reve jei: —¡Kuae kuimbae reta Tumpa Tuichagüe yae vae jembiokuai reta ko. Jae reta omoërakua peve yemboasa regua!

Hechos 19:15

Ërei aña jei chupe reta: “Che aikuaa ko Jesús, jare aikuaa katu kia ko jae Pablo. Ërei ¿pe reta pa ko kia?”

Hechos 24:25

Ërei Pablo jei chupe kërai ikavi yayapo vaerä jupi vae, jare yayopia vaerä yanderete oipota vae güi, jare kërai Tumpa ojäata ɨvɨ pegua reta. Félix kuae oendu yave okɨɨye jare jei Pablo pe: —Ekuaño räri. Chepuere yave, toroenɨi ye kuri.

Romanos 3:30

Echa Tumpa meteiño ko; jae ombojupita oyembocircuncidauka vae reta iporogüɨrovia rupi. Jökoraiño vi ombojupita oyembocircuncidaukambae vae reta iporogüɨrovia rupi.

1 Corintios 8:4

Jayave soo oñemee tumpa-raanga reta pe vae, yaikuaa ko tumpa-raanga mbaeä etei kuae ɨvɨ pe. Jare yaikuaa Tumpa meteiño ko.

1 Corintios 8:6

Ërei ngatu yandevegua meteiño ko Tumpa. Jae ko yandeRu. Jae oyapo opaete mbaembae, jare yande yaiko chupeguarä. Jare meteiño yandeYa Jesucristo. Jae oyapo opaete mbaembae, jare omee yandeve tekove.

Gálatas 3:20

Jare ñee imboasaa mbaetɨ ko oyeokuai metei peño, ërei Tumpa ko meteiño.

DEUTERONOMIO 6:4

Peendu Israel iñemuña reta: YandeYa Tumpa, meteiño ko.

1 Timoteo 2:5

Echa oime meteiño Tumpa. Jaeramiño vi oime meteiño ipuere oporomoñoövaiti Tumpa ndive vae. Jae ko kuimbae Cristo Jesús jee vae.

Santiago 2:8

Peyapo yave jupi rupi mborookuai añetete vae, Tumpa Iñee pe jei rami, körai: “Eaɨu nderapicha nde reyeaɨu rami.” Peyapo ko ikavi vae.

Judas 1:4

Echa amogüe kuimbae reta oike vɨari pepɨte pe, ɨma ma Tumpa oikuaauka voi jae reta oiporarata vae, ikavimbae vae reta ko, Tumpa ipɨakavi oipoepɨ reta jae reta jei vaeño oyapo vaerä. Oikuaku reta Tumpa Imbaepuere yae vae jare yandeYa Jesucristo.

Judas 1:6

Jare araɨgua reta mbaetɨ opɨta Tumpa oñonoa pe vae, jaeño oeya reta oikoa, jáeramo Tumpa oyokenda oñono reta pɨtumimbi pe, tembipɨɨrɨru opambae pe, Tumpa iporojäa iara peguarä.

Apocalipsis 20:10

Jare aña guasu ombotavɨ reta vae oyemombouka tata guasu azufre ndive jendɨ vae pe, mbaemɨmba guasu jare ñeemombeúa raanga ñogüɨnoia pe. Jare joko pe oiporara retata ara rupi jare pɨ̈tu rupi jekuaekuae avei rupi.