Santiago 2:14 - Biblia Guarani Tumpa Iñee

¹⁴ Cherɨvɨ reta, güɨramoi kia jei güɨnoi ko mborogüɨrovia, ërei jembiapo reta mbaetɨ oyekuaa yave. Ngaraa omboasa iporogüɨrovia.

Nuevo Testamento Guaraní Pe

¹⁴ Güɨramoi quia jei güɨnoi co mborogüɨrovia, erei mbaeti oyapo mboroócuai jeigüe. Jocorai yave, iporogüɨrovia mbaeti co mbae. Ngaraa oñemboasauca iporogüɨrovia rupi.

Santiago 2:14 ပူးပေါင်းရင်းမြစ်များ

JEREMÍAS 7:8

Ërei, pe reta perovia katu yae ñee reta apu pegua re, jókuae mbaetɨ pemboyekou vae re.

San Mateo 5:20

Echa che jae peve, mbaetɨ peyapɨraa peyapo jupi yae vae, mborookuai re oporomboe vae reta jare fariseo reta oyapo vae güi yave, ngaraa etei peike araɨgua mborookuaía pe.

San Lucas 3:11

Jare Juan jei chupe reta: —Oime yave kia mókoi temimonde güɨnoi, tomee metei mbaetɨ güɨnoi vae pe. Jare oime yave kia jeta tembíu güɨnoi, tomee mbaetɨ güɨnoi vae pe.

San Lucas 6:49

Ërei oyeapɨsaka cheré vae mbaetɨ oyapo che jae chupe oyapo vaerä vae yave, jae ko kuimbae omopüa jorä iguapɨkambae ɨvɨ re vae rami. Jare ɨporu ou yave oyererokua tätagüe jókuae o re yave jupiveiño oitɨ; jare opaetei oyemboai jókuae o.”

Hechos 15:9

Jare Tumpa mbaetɨ etei yandemboyoavɨ jae reta güi. Echa iporogüɨrovia reta rupi oitɨo ma ipɨa.

Hechos 8:13

Jare Simón vi güɨrovia, jare oyembobautisauka güire opɨta Felipe ndive. Jare oecha yave mɨakañɨ tuicha vae oyeapo vae reta, ipɨakañɨ yae.

Hechos 8:21

Nde mbaetɨ ndepuere renoi kuae nunga mbaepuere. Echa ndepɨa jupiä Tumpa kotɨ.

Romanos 2:25

Reyembocircuncidauka vae jaekavi ko, Moisés iporookuai jei vae reyapo yave. Ërei mbaetɨ reyapo mborookuai jei vae yave, reyembocircuncidaukambae rami ko.

1 Corintios 15:2

jese vi peyemboasauka pepɨ̈rata yave jókuae ñee amoërakua peve vae re, añetete peporogüɨrovia yave.

1 Corintios 16:22

Kia mbaetɨ oaɨu yandeYa Jesucristo vae, Tumpa toiporarauka chupe. ¡Eyu oreYa!

Gálatas 5:13

Añete ko, cherɨvɨ reta, Tumpa peparavo peyeyora vaerä. Jaeño agüɨye peiporu jókuae yeyora soo jemimbota peyapo vaerä, ërei peyeokuai oyoupe peyoaɨu reve.

Gálatas 5:6

Echa Cristo Jesús re, mbaeä ko oyembocircuncida vae, ani oyembocircuncidaukambae vae. Ikavi vae jae ñanoi yave mborogüɨrovia mboroaɨu reve vae.

1 Tesalonicenses 1:3

Oremaendúa avei yandeRu Tumpa jóvai peporogüɨrovia reve peparavɨkɨ vae re, peaɨu jare pekueraimbae reve peäro yandeYa Jesucristo vae re.

1 Timoteo 1:5

Kuae mborookuai jae ko, mboroaɨu oime vaerä yandepɨa ikɨambae güi etei vae, jare yandeyemongeta ikavigüe, jare mborogüɨrovia añetete vae.

1 Timoteo 4:8

echa yanderete yamongúe vae michi peguaño ikavi yandeve, ërei Tumpa oipota vae, opaete pegua ikavi, echa ikavita yandeve añave yaikove yaiko ramboeve, jare ñamano ma yave.

Tito 1:16

Jae reta jei tëi oikuaa Tumpa, ërei jembiapo reta rupi mbaetɨ etei omboyekuaa oikuaa ko Tumpa vae, jae reta ko jeko pɨ̈chɨi yae, ipɨapochɨ, oyapo rapeä etei mbae ikavi vae.

Tito 3:8

Kuae ko jae ñee añete vae, jare aipota jekuaeño täta reporookuai vaerä kuae mbaembae re, Tumpa re güɨrovia vae reta oyapo vaerä ikavi vae, kuae mbaembae ikavi ko opaete vae pe.

Hebreos 11:17

Iporogüɨrovia rupi Abraham, Tumpa ojäa iporogüɨrovia yave, oyukata tëi Isaac omee vaerä Tumpa pe. Oïndaivi omee vaerä taɨ jaevaeño vae yepe tëi omboresive morogüɨrökuavee,

Hebreos 13:9

Agüɨye peñemaeño peyererajauka oipotagüe mboromboe ambuaeyee vae pe; ikavi ko ñañemomɨ̈rata yandepɨa peTumpa ipɨakavi rupi, mbaetɨ mborookuai reta tembíu regua rupi. Echa mbaetɨi oporomomɨ̈rata jókuae mbaembae reta.

Santiago 1:16

Cherɨvɨ aaɨu vae reta, agüɨye pembaeyavɨ.

Santiago 2:16

Jare metei pegüi jei yave chupe: “Tumpa ndiveño ekua, emboyoarambo nderemimonde jare ekaru”, ërei mbaetɨ omee chupe jókuae oata vae yave, jókuae jei vae mbaeä ko.

Santiago 2:18

Güɨramoi kia jeita: “Nde renoi mborogüɨrovia jare che oyekuaa cherembiapo reta.” Eechauka cheve ndeporogüɨrovia oyekuaambae reve nderembiapo reta. Jare che aechaukata ndeve cheporogüɨrovia cherembiapo reta rupi.

Santiago 2:26

Echa yanderete jekovembae, omano ma ko. Jökorai vi mborogüɨrovia jembiapo oyekuaambae, mbaeä etei ko.

2 Pedro 1:5

Jáeramo, peñemoäta ngatu, pemomɨ̈rata peporogüɨrovia pereko kavi pe; pereko kavi pemomɨ̈rata arakuaa katu pe;