Santiago 1:26 - Biblia Guarani Tumpa Iñee

²⁶ Kia nunga vae iporogüɨrovia ikavi yae omae iyé vae, ërei jei rai rai voi mbae yave, oyembotavɨ ko, iporogüɨrovia mbaeä etei ko.

Nuevo Testamento Guaraní Pe

²⁶ Oime yave quia mbaembae oyapo vae rupi Tumpa pe oyeócuai echa vae, toñeandu cavi mbae jei vae re. Echa mbaeti yave oñeandu cavi mbae jei vae re, oñembotavɨ co oi, jare mbaembae oyapo vae mbaeti etei omboyerovia Tumpa.

Santiago 1:26 ပူးပေါင်းရင်းမြစ်များ

JOB 15:13

¿Maera pa ndearasɨ Tumpa kotɨ, jare rere oipotagüe ñee?

JOB 30:11

Echa Tumpa oyora ichikote jare oiporarauka cheve, jáeramo mbaetɨ chemboete reta.

SALMOS 141:3

CheYa Tumpa, eñono cheyuru iyangarekoarä; eyangareko cheyuru re.

SALMOS 32:9

Agüɨye eiko ndearakuaambae kavayu rami ani mburikaguasu rami, echa kuae reta, kayurupegua jare itïguaa jeia reño yogüɨreko; echa kuaembae reve, ngaraa oya nderé.”

SALMOS 34:13

Eroyeandu nekü ikavimbae güi, jare ndeyuru mborombotavɨ güi.

PROVERBIOS 10:19

Jeta yae imiari vae iñee rupi oyavɨ katu, ërei oyeandu reve iñee omoë vae yarakuaa ko.

PROVERBIOS 10:31

Jupi vae iyuru güi oë arakuaa katu, ërei iñee pɨ̈chɨi vae güi oyeasɨata ikü.

PROVERBIOS 14:12

Kuimbae pe, oime tape ikaviecha vae; ërei tape kañɨtei kotɨ ojo vae ko.

PROVERBIOS 15:2

Yarakuaa vae reta iñee, omopöra arakuaa; ërei yarakuaambae reta iñee, ikavimbae yae ko.

PROVERBIOS 16:10

Mburuvicha guasu, jei añete vae Tumpa jee re, mbaetɨ oporojäa jupimbae rupi.

PROVERBIOS 16:25

Oime tape ikaviecha kuimbae pe vae; ërei tape kañɨtei kotɨ ojo vae ko.

PROVERBIOS 19:1

Ikaviño ko paravete reve jupi rupi oiko vae, ipɨapochɨ jare indaye pota yae vae güi.

PROVERBIOS 21:26

opaete ara imbaepotarai oiko; ërei jupi rupi oiko vae, omee jäkateɨmbae reve.

ISAÍAS 1:13

Agüɨye mo peru raangaiño mbota cheve; ikäti kavi vae incienso pɨ̈chɨi yae ko cheve; arete reta yasɨ pɨau jare ara mbutuu iara, peyomombarandu peyomboatɨ vae mbaetɨ chepuere aropɨa; pearete reta ikavi yae peyapo vae, ikaviä yae ko cheve.

ISAÍAS 44:20

Tanimbuño jou vae rami ko jókuae reta. Ipɨa pe oyembotavɨuka reta. Jókuae nunga ngaraa ipuere oasayepe, echa mbaetɨ oparandu reta iyeupe: “¿Kuae anoi chepo pe vae añetete ra ko?”

MALAQUÍAS 3:14

Körai pere: ‘Yayeokuaiiño ma Tumpa pe, ¿mbae pa ñanoita yayapo yave iporookuai, jare yayembopɨatɨtɨ yave yandeYa Imbaepuere yae ete vae jóvai?’

San Mateo 15:9

Chemboete raangaiño ko. Cheporomboe re rami oporomboe reta kuimbae reta iporookuai re.”

San Marcos 7:7

Chemboete raangaiño. Oporomboe reta kuimbae iporookuai re, Tumpa iporomboe re rami.”

San Lucas 8:18

Peyemongeta kavi peendugüe re. Echa güɨnoi vae pe oñemoïruta, ërei mbaetɨ güɨnoi vae güi, jókuae mbovɨ yae güɨnoi vae ave oñepɨ̈rota chugüi.”

1 Corintios 15:15

Jare jökorai ko yave, romombeu jaangaiño ma ko Tumpa regua. Echa ore romombeu kërai Tumpa omoingove ye ko Cristo, ërei mbaetɨ kia ipuere oikove ye yave, Tumpa mbaetɨta tëi ko omoingove ye Cristo.

1 Corintios 15:2

jese vi peyemboasauka pepɨ̈rata yave jókuae ñee amoërakua peve vae re, añetete peporogüɨrovia yave.

1 Corintios 3:18

Agüɨye kia ave toyembotavɨ. Oime yave kia oyemongeta iyarakuaa katu ko arakuaa ɨvɨ pegua pe vae, toyeapo yarakuaambae rami, jökorai iyarakuaa katu yae vaerä.

Gálatas 2:6

Ërei jókuae tenondegua reta mbaetɨ etei omombeu mbae ipɨau vae cheve (mbaetɨ mbae cheve tenonde güive ma yogüɨreko reta vae, echa Tumpa mbaetɨ ko oporomboyoavɨ).

Gálatas 2:9

Jáeramo oporogüɨrovia vae reta itenondegua Jacobo, Cefas jare Juan oikuaa reta kërai Tumpa ko omee cheve kuae mbaravɨkɨ. Jare oechauka vaerä ore ko jae jae reta iñeïru vae, orepopɨɨ che jare Bernabé; rojo vaerä judiombae vae reta pɨri jare jae reta yogüɨraja vaerä judío reta pɨri.

Gálatas 3:4

¿Peiporaraiño ma pa jeta mbaembae jayave? ¡Mbae mona agüɨye peiporaraiño!

Gálatas 6:3

Ërei oime yave kia oyembotuicha vae mbaeä reve, oyembotavɨ ko.

Efesios 4:29

Agüɨye etei pemoë ñee pɨ̈chɨi vae. Pemoë ñee ikavi vae, pemomɨ̈rata vaerä ïru vae reta, oyeapɨsaka peré vae reta omboyerovia vae.

Efesios 5:4

agüɨye pemiari ñee mbokere, ñee arakuaambae pegua, ñee pɨ̈chɨi, mbaetɨ jaekavi peyapo vaerä vae; ërei kuae pere vaerägüe pemee yasoropai Tumpa pe.

DEUTERONOMIO 11:16

Ërei peyeandu, agüɨye vaerä pepɨa jopa, jare pepia tumpa ambuae reta pe peyeokuai, jare pemboete peyetavatɨka reve.

Colosenses 4:6

Pemiari kavi ñee oporomboyerovia vae. Peikuaa kavi mbae pere vaerä oparandu vae pe.

Santiago 1:19

Jáeramo, cherɨvɨ aaɨu vae reta, opaete toïndaivi oyeapɨsaka vaerä, agüɨye mbae tei rai voi, agüɨye tiyarasɨ rai voi,

Santiago 1:22

Ërei peyapo ñee peendu vae. Agüɨye peenduiño. Echa peenduiño yave peyembotavɨta ko pe aeño.

Santiago 2:20

Yarakuaambae vae, ¿reipota pa aikuaauka vaerä ndeve? Mborogüɨrovia jembiapo reta oyekuaambae vae, mbaeä etei ko.

1 Pedro 3:10

Echa jei: “Kia oipota oaɨu yave tekove jare oecha ara ikavigüe vae, ikü togüɨroyeandu ikavimbae güi, jare agüɨye toporombotavɨ.