Santiago 1:25 - Biblia Guarani Tumpa Iñee

²⁵ Ërei kia nunga vae omae kavi mborookuai ikavi yae vae jare oporoyora vae re vae jare oiko jókuae rupi, mbaetɨ iñakañɨ ngatu oyapo vaerä mborookuai jei vae yave, oyerovia ko jókuae oyapogüe re.

Nuevo Testamento Guaraní Pe

²⁵ Erei oime yave quia jecuaeño mboroócuai icavi yae vae oporoyora vae re oyeapɨsaca cavi vae, mbaeti yave iñacañɨ oyapo vaera mboroócuai jeigüe oyeapɨsaca jese güire, Tumpa omovendiseta oyapo rambue.

Santiago 1:25 ပူးပေါင်းရင်းမြစ်များ

SALMOS 106:3

Oyerovia ko, jupi vae oyapo vae reta, jupi vae oyapo avei vae reta.

SALMOS 119:32

Ndeporookuai reta jeigüe ayapo jarembae voi, yerovia katu pe remotɨnɨe chepɨa yave.

SALMOS 119:45

Jare taguata yemboavaimbae reve, echa aeka ndeporookuai reta.

PROVERBIOS 14:15

Yarakuaambae, güɨrovia opaete mbaembae; ërei oyeandu reve kavi oiko vae, omae kavi kërai oiko vaerä.

ISAÍAS 8:20

¡Peyeko mborookuai reta re! Mbaetɨ pere jökorai yave, mbaetɨño ko peikuaa kavi.

San Lucas 11:28

Ërei Jesús jei: —Oyerovia ko opaete oyeapɨsaka Tumpa iñee re vae reta, jare oyapo jae jei vae reta.

San Juan 13:17

Kuae peikuaa jare peyapo yave, peyeroviata yaeta ko.

San Juan 8:36

Jayave, che Tumpa Taɨ poyora yave, añetete peyeyorata ko.

Hechos 13:43

Jare tupao pe yatɨ vae reta opa yogüɨraja yave, jeta judío reta jare judiorä oyeapo vae omboete Tumpa vae reta yogüɨraja Pablo jare Bernabé ndive. Kuae mókoi reve imiari chupe reta, jare omoäta ngatu jekuaeño oyeko reta vaerä Tumpa ipɨakavi re.

Hechos 2:42

Jare jekuae oporogüɨrovia vae reta oyemboe avei temimondo reta iporomboe re, jare opaete metei ramiño ñogüɨnoi. Oyemboatɨ avei reta, omboyao tembíu oyoupe, jare oyerure Tumpa pe.

Hechos 26:22

Ërei Tumpa chemborɨ ramo, oimeño aikove kuae ara. Chemiari michi vae reta pe jare tuichagüe reta pe, mbaetɨ ambuaeyee jae Moisés jare ñeemombeúa reta jei oikota vae re:

Romanos 11:22

¡Mase! Tumpa ipɨakavi ko jare iyarasɨ vi. Oiporarauka jókuae Israel pegua oyavɨ vae reta pe. Ërei ipɨakavita ko ndeve reroviaä jese yave, ërei mbaetɨ yave, ndeasɨata vi ndemombo.

Romanos 2:13

echa Tumpa jóvai mbaetɨ ko jupi mborookuai oenduiño vae reta, mborookuai jei vae oyapo vae reta ko Tumpa ombojupita.

Romanos 7:12

Ërei mborookuai ikɨambae ko, jare mborookuai jei vae ikɨambae ko, jupi ko jare ikavi vae ko.

Romanos 8:15

Echa Tumpa omee ko peve iEspíritu, peyeapo vaerä taɨ retarä. Mbaetɨ ko omee peve jekuaeño pekɨɨye reve peiko vaerä. Jókuae Espíritu Santo yandemborɨ yae vaerä: “CheRu.”

Romanos 8:2

Echa mborookuai tekove pegua Espíritu Santo omee Cristo Jesús rupi vae, cheyora ma mbaeyoa imbaepuere güi jare mano güi.

1 Corintios 15:58

Jáeramo, cherɨvɨ aaɨu vae reta, peñemoäta ngatu jare peñemomɨ̈rata, peparavɨkɨ avei yandeYa pe, echa peikuaa kërai mbaetɨ ko peparavɨkɨiño yandeYa pe.

2 Corintios 13:5

Jekuaeño pemae kavi peyé peikuaa vaerä añetete ra oporogüɨrovia vae. ¿Mbaetɨ pa peikuaa Jesucristo oiko pepɨa pe vae?, ani ¿mbaetɨ ra?

Gálatas 2:4

jare yepe tëi amogüe oporogüɨrovia raanga vae reta oike vɨari orepɨte pe, orepïaro vaerä kërai ra Cristo oreyora mborookuai güi vae rupi roiko vae, echa oipota roiko ye vaerä mborookuai re.

Gálatas 5:1

Peñemomɨ̈rata Cristo iporoyora re. Jare agüɨye mo peiko ye tembipɨɨrä.

Gálatas 6:2

Peyomborɨ mborɨ, pevoɨta ipoɨ vae re rami, jökorai pembopo Cristo iporookuai.

Colosenses 1:23

Jekuaeño peñemomɨ̈rata jare peñemoäta ngatu peporogüɨrovia re yave, jare pesɨrɨmbae reve peäro yave ñee ikavi vae peendu vae. Jókuae ñee ikavi vae oñemoërakua opaete ɨvɨ rupi, jare che Pablo, Tumpa cheapo jókuae amoërakua vaerä.

1 Timoteo 2:15

Kuña reta oyemboasa imembɨ yave. Ërei jekuaeño toporogüɨrovia jare toporoaɨu, toñeñono tee Tumpa peguarä. Jekuaeño toiko kavi.

1 Timoteo 4:16

Eyangareko ndeyé jare ndeporomboe re; nepɨ̈rata jese, echa jökorai reyapo yave, reasayepeta ikavimbae güi, jare oyeapɨsaka nderé vae reta.

Hebreos 12:15

Jare pemae kavi agüɨye vaerä kia pe ave oata Tumpa ipɨakavi; agüɨye pemboɨpɨ peñomotareɨ peyomboavai vaerä, jare jeta vae re ova jókuae;

Santiago 2:12

Pemiari kavi jare peiko kavi, echa Tumpa pejäata mborookuai oporoyora vae rupi.

1 Pedro 2:16

Agüɨye peiko oyepɨɨgüe rami, ërei yeyora pe peï agüɨye peiporu ikavimbae vae peyapo vaerä, jaeño Tumpa pe peyeokuai.

1 Juan 2:24

Iyɨpɨ güive peendu vae, peñovatu pepɨa pe. Echa jökorai yave, peiko aveita Tumpa Taɨ re jare yandeRu Tumpa re.

Apocalipsis 14:13

Jare aendu metei ñee ara güi jei cheve: “Eikuatía kuae: ‘Oyerovia ko añave güive yandeYa re güɨrovia güi omano vae reta.’ ” Jei Espíritu: “Oyerovia ko, echa oputuu retata iparavɨkɨ güi. Echa iparavɨkɨ ojo jae ndive.”

Apocalipsis 22:14

Oyerovia ko jemimonde oyoe vae reta, ipuere vaerä oya ɨvɨra tekove pegua re, jare oike vaerä tëta guasu pe jöke rupi.

1 SAMUEL 12:14

Añave, peipoɨu yandeYa güi yave, peyeokuai yave chupe jare peendu iñee jare peyapo katu yave jae iporookuai, pe reta peruvicha guasu, jayave peiko kavita.