Santiago 1:22 - Biblia Guarani Tumpa Iñee

²² Ërei peyapo ñee peendu vae. Agüɨye peenduiño. Echa peenduiño yave peyembotavɨta ko pe aeño.

Nuevo Testamento Guaraní Pe

²² Erei peyapo ñee peyeapɨsaca jese vae. Agüɨye peyeapɨsacaiño jese. Echa peyeapɨsacaiño yave ñee re, peñembotavɨiño co pei.

Santiago 1:22 ပူးပေါင်းရင်းမြစ်များ

ISAÍAS 44:20

Tanimbuño jou vae rami ko jókuae reta. Ipɨa pe oyembotavɨuka reta. Jókuae nunga ngaraa ipuere oasayepe, echa mbaetɨ oparandu reta iyeupe: “¿Kuae anoi chepo pe vae añetete ra ko?”

JEREMÍAS 11:6

Jayave yandeYa jei cheve: “Emoërakua opaete kuae ñee tëta guasu reta Judá pegua pe jare kaye Jerusalén pegua rupi, körai: ‘Peyeapɨsaka morogüɨrökuavee päve pegua ñee reta jei vae re jare peyapo.

ABDÍAS 1:3

Pepɨapochɨ pe peyembotavɨuka. Peiko ɨ̈vavira ipäu rupi, jare peiko ɨvate yae vae pe, jáeramo peyererovia katu yae mbaetɨ kia ipuere pemoamɨri.

San Mateo 12:50

Echa opaete cheRu ara pe oï vae jeigüe oyapo vae reta ko jae cherɨvɨ, chereindɨ jare chesɨ.

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

San Lucas 11:28

Ërei Jesús jei: —Oyerovia ko opaete oyeapɨsaka Tumpa iñee re vae reta, jare oyapo jae jei vae reta.

San Juan 13:17

Kuae peikuaa jare peyapo yave, peyeroviata yaeta ko.

Romanos 2:13

echa Tumpa jóvai mbaetɨ ko jupi mborookuai oenduiño vae reta, mborookuai jei vae oyapo vae reta ko Tumpa ombojupita.

1 Corintios 15:33

Agüɨye peyavɨ. Jeko kavimbae reta ndive ñañemoïru yave, güɨrokomegua yandereko kavi.

1 Corintios 3:18

Agüɨye kia ave toyembotavɨ. Oime yave kia oyemongeta iyarakuaa katu ko arakuaa ɨvɨ pegua pe vae, toyeapo yarakuaambae rami, jökorai iyarakuaa katu yae vaerä.

1 Corintios 6:9

¿Mbaetɨ pa peikuaa jupimbae vae reta ngaraa yogüɨreko Tumpa iporookuaía pe vae? Agüɨye peyavɨ. Aguasa oyapo vae reta, itumpa-raanga pota vae reta, menda re oyuvanga vae reta, kuimbae kuña jeko omomora vae reta, kuimbae oyoupii oyogüɨreko vae reta,

Gálatas 6:3

Ërei oime yave kia oyembotuicha vae mbaeä reve, oyembotavɨ ko.

Gálatas 6:7

Agüɨye peyembotavɨ. Tumpa oyeyóyai yoyaiukambae ko. Echa metei ñavo oyapogüe, jókuae ko oarɨvota.

Filipenses 4:8

Jare añave cherɨvɨ reta, peyemongeta opaete mbae añetete vae re, opaete mbae jaekavi vae re, opaete mbae jupi vae re, opaete mbae ikɨambae vae re, opaete mbae ikavi vae re, jare opaete mbae yandepuere ñanemiari kavi jese vae re. Peyemongeta opaete ikavi vae jare mbaemboete pegua re.

Colosenses 3:17

Opaete mbaembae peyapo vae ani pere vae, peyapo opaete yandeYa Jesús jee re, pemee reve yasoropai yandeRu Tumpa pe yandeYa Jesús rupi.

2 Timoteo 3:13

ërei ikavimbae vae iyapoa reta jare oporombotavɨ vae reta, jeieteta ikavimbae oyapo. Jae reta oporombotavɨta jare oyembotavɨukata vi.

Tito 3:3

Echa tenonde yave yandearakuaambaese yepi, yandepɨapochɨ, yanderopa, yaikose yanderete jemimbota reta reño, yaiko ikavimbae rupi, yandepɨakatúä,

Santiago 1:26

Kia nunga vae iporogüɨrovia ikavi yae omae iyé vae, ërei jei rai rai voi mbae yave, oyembotavɨ ko, iporogüɨrovia mbaeä etei ko.

Santiago 4:11

Cherɨvɨ reta, agüɨye peñeenguru oyokotɨ. Kia iñeenguru jare ojäa jëtara vae, iñeenguru jare ojäa ko mborookuai. Ërei nde rejäa mborookuai yave, jaeä ko nde mborookuai jei vae iyapoa, jaeño ojäa vae.

Santiago 4:17

Jáeramo peikuaa tëi mbae ikavi vae peyapo reve peyapoä yave, peyoa ko.

2 Pedro 2:13

Jare kuae jekoviata chupe reta jupimbae vae oyapo vae re, echa ara ñavo ikaviecha chupe reta oyapo vaerä, jókuae reta ko pɨ̈chɨi yae vae, pembotavɨ jare opuka peré okaru ramboeve pe ndive.

1 Juan 1:8

Yae yave mbaetɨ ko yandeyoa, yayembotavɨ ko yande aeño. Mbaetɨ etei ko oï yanderé añete vae.

1 Juan 2:3

Tumpa iporookuai reta yayapo yave, jókuae rupi ko oyekuaa yaikuaa kavi ko Tumpa vae.

1 Juan 3:7

Cheraɨ aaɨu vae reta, agüɨye kia tapembotavɨ. Jupi vae oyapo vae, jupi ko, Jesucristo jupi rami.

3 Juan 1:11

Cherɨvɨ aaɨu vae, agüɨye emomoe ikavimbae vae, emomoe ikavi vaeño. Ikavi vae oyapo vae Tumpa taɨ ko. Ërei ikavimbae vae oyapo vae mbaetɨ ko oikuaa Tumpa.

Apocalipsis 12:9

Jare oyemombouka jókuae mbaeporou guasu, mboi ñɨma vae, aña guasu Satanás jee vae, jae ko ombotavɨ opaete ɨvɨ pegua reta vae; oyemombouka ara güi opaete iaraɨgua reta ndive.

Apocalipsis 22:7

YandeYa jei: “¡Mase, ko ayu yeta ɨmambae! ¡Oyerovia ko oyapo ñee kuae tupapire pe oñemoërakua vae!”