Santiago 1:19 - Biblia Guarani Tumpa Iñee

¹⁹ Jáeramo, cherɨvɨ aaɨu vae reta, opaete toïndaivi oyeapɨsaka vaerä, agüɨye mbae tei rai voi, agüɨye tiyarasɨ rai voi,

Nuevo Testamento Guaraní Pe

¹⁹ Jae rambue, cherɨvɨ reta aaɨu vae, metei ñavo toipota yae toyeapɨsaca, agüɨye tiñee rai, agüɨye tipochɨ rai.

Santiago 1:19 ပူးပေါင်းရင်းမြစ်များ

NEHEMÍAS 8:18

Oyapo reta arete mbaemboete pegua chiu ara, jare Esdras omongeta Tumpa iporookuai reta tembikuatía pe oï vae ara ñavo, tenondegua ara güive chiu ara regua; jare juri araa pe oiko yemboatɨ guasu mbaemboete pegua, oyaposeñoi rami.

NEHEMÍAS 9:17

Mbaetɨ ikɨ̈reɨ reta oyeapɨsaka, ani imaendúa reta mɨakañɨ reta reechauka chupe reta vae re. Oyembopɨa täta reta, jare ipɨarai jeko pegua oyemongeta reta jare oiparavo reta iyeupe metei itenondeguarä, jae güɨraja ye vaerä yeokuaiasɨ katúa kotɨ, Egipto pe. Ërei nde ko Tumpa iñɨ̈ro katu vae, oyeaeä vae, ipɨaguasu vae, iporoparareko vae, mbaetɨ iyarasɨ raivi vae jare tuicha iporoaɨu vae, jare mbaetɨ reeya reta.

NEHEMÍAS 9:3

Jökorai oyemboɨ ñogüɨnoi ramboeve mboapɨ ora rupi oyemongeta chupe reta iYa Tumpa iporookuai, jare ïru mboapɨ ora rupi oyemombeu reta iyoa re jare omboete reta iYa Tumpa.

JOB 32:16

ërei agüɨye ere che chekïriita jae reta kïrii ramo, echa iñeembae opɨta reta.

PROVERBIOS 10:19

Jeta yae imiari vae iñee rupi oyavɨ katu, ërei oyeandu reve iñee omoë vae yarakuaa ko.

PROVERBIOS 13:3

Iñee mbaetɨ omoë vae, ikavi vae ko oyapo iyeupe; ërei iñee omoë voi vae, iyeupeguarä aeño ko oyapo ikavimbae.

PROVERBIOS 14:17

Iyarasɨ katu vae, oyapo rai voi mbae; kuimbae ipɨapochɨ vae, oñemotareɨukata ko.

PROVERBIOS 14:29

Mbaetɨ iyarasɨ raivi vae, yarakuaa yae ko; ërei iyarasɨ rai voi vae, mbaetɨ ko yarakuaa.

PROVERBIOS 15:18

Kuimbae iyarasɨ katu vae, oporomoñoraro katu; ërei mbaetɨ iyarasɨ raivi vae, omoröɨsa arasɨ.

PROVERBIOS 15:2

Yarakuaa vae reta iñee, omopöra arakuaa; ërei yarakuaambae reta iñee, ikavimbae yae ko.

PROVERBIOS 16:32

Iyarasɨ raivimbae, ikavi yae ko jëia yae vae güi; jare oyembopɨaguasu vae, ikavi yae ko tëta guasu opɨ̈ro vae güi.

PROVERBIOS 17:14

Oporomoñorarouka vae, ɨ̈aka güi ɨ oyepɨyere rami ko; ndei ñañererokomegua pɨpe mbove, yayembosɨrɨ chugüi.

PROVERBIOS 17:27

Oyeandu reve iñee omoë vae, yarakuaa ko, kuimbae oyeandu reve vae, yarakuaa ko.

PROVERBIOS 18:13

Arakuaambae ko jare ñemomarai ko ndei mbae oendu kavi rupive iñee omoë voi vae.

PROVERBIOS 18:21

Ñee güɨnoi mbaepuere, mano peguarä jare tekove peguarä, iñee omoë vae, jókuae jekoviata chupe.

PROVERBIOS 19:11

Kuimbae oyeandu katu reve oiko vae, mbaetɨ iyarasɨiño, iyemboete jae ko, omboasɨä ñeeasɨ katu.

PROVERBIOS 19:19

Iyarasɨ yae vae, oiporara tai ko; mbaetɨ oiporara jeko re yave, jeieteñota.

PROVERBIOS 21:23

Oyeandu katu reve mbae jei vae, jekove ko oñovatu mbɨatɨtɨ güi.

PROVERBIOS 25:28

Tëta guasu opa oyemboai vae, mbaetɨ ikësea vae rami ko, kuimbae mbaetɨ oyembopɨaguasu vae.

PROVERBIOS 29:20

¿Reecha pa kuimbae jae räri räri voi iñee omoë vae? Chugüi, yarakuaa mbae re ikaviñota yayeko vaerä.

NÚMEROS 22:27

Jare mburika oecha yandeYa iaraɨgua yave oyapakua Balaam pe; jare Balaam iyarasɨ yae, jare ɨvɨra pe oinupa mburika.

San Mateo 5:22

Ërei che jae peve, oime yave kia pochɨ japicha pe vae, oñejäaukata ko. Jare oime yave kia jei japicha pe ‘osirivembae’, oñejäaukata judío reta iporojäa renda pe. Jare oime yave kia jei japicha pe ‘yaɨmba’, tata guasu pe oiporarata.

San Marcos 12:37

David etei “CheYa” jei chupe. ¿Kërai pa ipuere oiko David iñemuñarä? Jare jeta vae oyeapɨsaka ñogüɨnoi Jesús re ikɨ̈reɨ ngatu reve.

San Marcos 2:2

Jupivei jeta vae oyemboatɨ joko pe, tɨnɨe o jare öke rupi ave. Jare Jesús omombeu Tumpa iñee chupe reta.

San Lucas 15:1

Jayave oyemboatɨ Jesús oïa pe opaete mburuvicha peguarä okovara vae reta jare jeko ikavimbae vae reta.

San Lucas 19:48

Ërei mbaetɨ jëgua chupe reta oyuka vaerä. Echa opaete tëta guasu pegua reta oyeapɨsaka avei jese.

Hechos 1:15

Jare jókuae ara reta rupi Pedro imiari oporogüɨrovia vae reta ciento veinte rupi oyemboatɨ ñogüɨnoi vae pe, jei:

Hechos 10:33

Jáeramo jupiveiño amondo ndekotɨ, jare yasoropai reyu vae re. Añave ore ko roï opaete kuae pe Tumpa jóvai, roendu vaerä opaete jae ndeokuai vae.

Hechos 13:48

Jare judiombae vae reta oendu yave kuae ñee, oyerovia yae reta jare ombotuicha Tumpa iñee. Jare güɨrovia opaete jókuae Tumpa oiparavo tekove opambae vae güɨnoi vaerä vae reta.

Hechos 17:11

Jare joko pegua judío reta iyarakuaa yae Tesalónica pegua reta güi. Ikɨ̈reɨ ngatu reve oyeapɨsaka Tumpa iñee re, jare ara ñavo omongeta kavi Tumpaa Iñee, oikuaa vaerä añete ra Pablo jei vae.

Hechos 2:42

Jare jekuae oporogüɨrovia vae reta oyemboe avei temimondo reta iporomboe re, jare opaete metei ramiño ñogüɨnoi. Oyemboatɨ avei reta, omboyao tembíu oyoupe, jare oyerure Tumpa pe.

Efesios 4:26

Pearasɨ yave, agüɨye peyoa. Agüɨye kuaraɨ toike peve pearasɨ reve.

Efesios 4:31

Agüɨye peñovatu pepɨa pe, mbochɨ, arasɨ, yoaka, ñeeasɨ katu, jare opaete ikavimbae.

Colosenses 3:15

Jare Tumpa ipɨakatu toiko pepɨa pe, echa jaerä Tumpa peparavo peiko vaerä metei jeteño; pemee avei yasoropai Tumpa pe.

Colosenses 3:8

Ërei añave peeya opaete kuae ïru ikavimbae vae reta: Arasɨ, mbochɨ, ikavimbae, mboroangao Tumpa kotɨ vae, ñee ikavimbae vae.

1 Tesalonicenses 2:13

Jókuae re romee avei yasoropai Tumpa pe. Echa perovia Tumpa iñee romombeu peve vae yave, mbaetɨ pemboresive kuimbae iñee rami, pemboresive ko Tumpa iñee añetete vae. Jare kuae Tumpa iñee oparavɨkɨ pe peporogüɨrovia vae reta ipɨa pe.

Santiago 1:16

Cherɨvɨ aaɨu vae reta, agüɨye pembaeyavɨ.

Santiago 1:2

Cherɨvɨ reta, jeieteño peyerovia oime yave opaño mbae nunga mbaemboavai ou peve.

Santiago 1:26

Kia nunga vae iporogüɨrovia ikavi yae omae iyé vae, ërei jei rai rai voi mbae yave, oyembotavɨ ko, iporogüɨrovia mbaeä etei ko.

Santiago 2:1

Cherɨvɨ reta, perovia yandeYa Jesucristo re vae reta, agüɨye peyoparavoño pemae kavi oyoe.

Santiago 2:5

Cherɨvɨ aaɨu vae reta, peyeapɨsaka cheré. Tumpa oiparavo iparavete vae reta oikokatu vaerä iporogüɨrovia re jare güɨnoi vaerä imbaerä mborookuaía, jókuae Tumpa güɨrökuavee omee vaerä opaete güɨnoi mboroaɨu ikotɨ vae reta pe.

Santiago 3:10

Metei vae yandeyuru güiño oë mbaemboete jare yepopeyu. Cherɨvɨ reta, mbaetɨ jaekavi yayapo vaerä jökorai.

Santiago 4:11

Cherɨvɨ reta, agüɨye peñeenguru oyokotɨ. Kia iñeenguru jare ojäa jëtara vae, iñeenguru jare ojäa ko mborookuai. Ërei nde rejäa mborookuai yave, jaeä ko nde mborookuai jei vae iyapoa, jaeño ojäa vae.

Santiago 5:12

Ërei, cherɨvɨ reta, agüɨye pere ara jee re ani ɨvɨ jee re ani ïru jee re ave. Pere yave: “Ayapota”, peyapo. Ani pere yave: “Ngaraa ayapo”, agüɨye peyapo, agüɨye vaerä peñejäauka.

Santiago 5:19

Cherɨvɨ reta, oime yave pegüi reta kia opia añete vae güi, jare ïru vae omborɨ yave oyerova ye,

1 Juan 2:21

Mbaetɨ ko aikuatía peve añete vae mbaetɨ peikuaa ramo, aikuatía ko peve peikuaa ramo. Jare pe reta peikuaa ko añete vae güi ngaraa etei oë apu.