Santiago 1:17 - Biblia Guarani Tumpa Iñee

¹⁷ Opaete mbaembae ikavi yae oñemee yandeve vae ara güi ko ou, yandeRu tembipe reta iyapoa güi, jae ko mbaetɨi oyepoepɨ vae.

Nuevo Testamento Guaraní Pe

¹⁷ Tumpa omee mbaembae ñandeve ipɨacavi rambue, jare opaete omee ñandeve vae icavi yae co. Jae oyapo tembipe jare mbaeti etei oyepoepɨ. Jecuaeño ipɨacavi ñandeve.

Santiago 1:17 ပူးပေါင်းရင်းမြစ်များ

GÉNESIS 41:16

Jayave José jei Faraón pe: —Che aeño mbaetɨ ko anoi mbae cheyé; Tumpa etei ko oikuaauka kavita Faraón pe.

1 CRÓNICAS 22:12

YandeYa tomee ndeve ndepɨarakuaa yae vaerä, reporookuai ma yave Israel re reyapo vaerä yandeYa Tumpa iporookuai reta.

1 CRÓNICAS 29:19

Emee vi cheraɨ Salomón pe ipɨa isɨmbi vaerä, jökorai oyapo vaerä opaete ndeporookuai reta, jare remombeu opaete oyeapo vaerä vae, jare ipuere vaerä omopüa tupao, echa che añono kavi ma omopüa vaerä ndeve.’ ”

SALMOS 102:27

Ërei ngatu nde ko oyepoepɨmbaei vae, neaño reta opambae vae ko.

SALMOS 122:6

Peyerure, oime vaerä mbɨakatu Jerusalén pe, ¡toyogüɨreko kavi nderaɨu vae reta!

SALMOS 136:7

Tembipe reta tuichagüe iyapoa, echa iporoparareko jekuae avei vae ko.

SALMOS 84:11

Echa yandeYa Tumpa ko omboesape jare oporoepɨ vae; jae omeeta mboroaɨu jare mboromboete, ngaraa opɨ̈ro mbae ikavi vae, ipɨa jupi rupi oguata vae güi.

SALMOS 85:12

YandeYa Tumpa ombouta ama, jare yandeɨvɨ pe oimeta mbaagüɨye.

PROVERBIOS 2:6

Echa yandeYa ko omee arakuaa katu; mbae yaikuaa vae jare arakuaa katu chugüiño ko ou.

ISAÍAS 28:26

Echa Tumpa ko omboe kavi kërai oyapo vaerä.

ISAÍAS 45:7

Che ko ayapo tembipe jare pɨtumimbi, che ayapo mbɨakatu jare tembiporara. Che, opaete iYa ko ayapo opaete kuae mbaembae.”

ISAÍAS 46:10

Che amoërakua mbaembae oasata vae, iyɨpɨ güive voi ma, jare arakae güive voi ma amoërakua mbaembae oasata vae. Che ayemongeta vae, oyeapota ko, ayemongeta ayapo vaerä vae, ayapota ko.

ISAÍAS 60:19

Ngaraa ma reipota kuaraɨ omboesape vaerä ndeve ara pe, ani yasɨ ave omboesape vaerä ndeve pɨ̈tu yave, echa, che ndeYa jae ko tembipe opambae; che, neTumpa, jae ko ndemboesape vae.

MALAQUÍAS 3:6

“Echa, che peYa ayepoepɨmbae ko. Jáeramo ko, pe Jacob iñemuña reta mbaetɨ opa pekañɨtei.

NÚMEROS 11:17

Jare che agüeyɨta chemiari nde ndive joko pe, jare aekɨta espíritu oï nderé vae güi, jare añonota jese reta; jare güɨroata reta vaerä vi nde ndive kuae tëta iyemoambeko. Jökorai mbaetɨta reroata nde aeño pe.

NÚMEROS 11:25

Jayave yandeYa ogüeyɨ amapɨtu re, jare omomiari; jare oekɨ espíritu oï jese vae güi, jare oñono jókuae setenta kuimbae tenondegua reta re; jare espíritu ogüeyɨ iárambo reta yave omboɨpɨ omombeu reta Tumpa iñee jókuae ara osondombae etei, ërei jókuae güire mbaetɨ ye.

NÚMEROS 23:19

Tumpa, kuimbaeä ko iyapu vaerä; jare kuimbae taɨä ko oipoepɨ vaerä iyemongeta. Jae mbae jei yave, oyapo. Mbae güɨrökuavee yave ombopo iñee.

San Mateo 7:11

Yepe tëi pe reta ipɨapochɨ vae reta, ërei pemee mbae ikavi vae pemichia reta pe. Vɨtei pa peRu ara pe oï vae, omeeta ko mbaembae ikavi vae oyerure chupe jese vae reta pe.

San Lucas 11:13

Yepe tëi pe reta perekopochɨ, ërei pemee mbaembae ikavi vae pemichia reta pe. Vɨtei pa peRu ara pe oï vae omeeta Espíritu Santo, oyerure chupe jese vae reta pe.

San Juan 1:9

Jókuae tembipe añetete pegua vae, omboesape opaete vae reta re vae ou kuae ɨvɨ pe.

San Juan 3:27

Jayave Juan jei chupe reta: —Tumpa omee yandeve vaeño yandepuere ñanoi.

San Juan 3:3

Jesús jei Nicodemo pe: —Añetete che jae ndeve, mbaetɨ kia oa pɨau ye vae, ngaraa ipuere oecha Tumpa iporookuaía.

San Juan 8:12

Kuae jaɨkue rupi Jesús jei jeta vae reta pe: —Che ko tembipe ɨvɨ peguarä. Oiko che ndive vae ngaraa oguata pɨtumimbi pe. Echa güɨnoita tembipe tekove pegua.

Hechos 11:18

Jayave Pedro jei chupe reta vae oendu yave, mbaetɨ mbae jei reta, jare omboete reta Tumpa, jei reta: —¡Tumpa omee vi yepe judiombae vae reta pe oeya vaerä iyemongeta ikavimbae vae ipɨa pe oï vae, güɨnoi vaerä tekove opambae vae!

Hechos 5:31

Ërei kuae Jesús, Tumpa imbaepuere rupi oñono Tenondeguarä jare Oporomboasa vaerä, Israel pegua reta oeya vaerä iyemongeta ikavimbae vae ipɨa pe güɨnoi vae, jare Tumpa iñɨ̈ro vaerä chupe reta iyoa reta re.

Romanos 6:23

Echa mbaeyoa jekovia ko mano. Ërei Tumpa omee mbota yandeve vae ko tekove opambae vae yandeYa Cristo Jesús re.

1 Corintios 4:7

Echa ¿kia pa ndembotuicha yae ïru güi? ¿Mbae pa renoi Tumpa omeeä ndeve reve? Tumpa ko omee ndeve opaete renoi vae. Jáeramo ¿maera pa reyemboete, ndeyeugüi aeño renoi rami?

2 Corintios 4:6

Echa Tumpa ko jei oime vaerä pɨtumimbi pe tembipe. Jae etei ko omoembipe orepɨa pe, roikuaa vaerä Tumpa iyemboetea oyekuaa Jesucristo rupi.

Efesios 1:18

Tumpa toesape pearakuaa, peikuaa kavi vaerä mbaerä ra pereenɨi vae jare kërai penoi vi ko mborerekua tuichagüe oporogüɨrovia vae reta ndive vae,

Efesios 2:8

Echa Tumpa ipɨakavi rupi ko pemboasa, peporogüɨrovia rupi; kuae mbaetɨ ko peyeugüi aeño, mbota ko Tumpa güi;

DEUTERONOMIO 4:19

Ani pemae yave ara kotɨ jare peecha kuaraɨ, yasɨ jare yasɨtata, jare opaete ara ipo reta jare petindɨ pemboete ani peyeokuai chupe; echa yandeYa Tumpa ko oyapo kuae mbaembae, opaete vae reta peguarä.

Filipenses 1:29

Echa Tumpa ko omee peve Cristo re, mbaetɨ perovia jese vaeräño, peiporara vaerä vi jese,

1 Timoteo 6:16

jaeño ete ko omanombae vae, oiko tembipe yaya rapembae jese vae pe, mbaetɨ kia ave oecha vae, jare ngaraai oecha vae. Chupe toñemee mbaemboete jare mbaepuere. ¡Amén!

Hebreos 13:8

Jesucristo ko oyepoepɨmbae etei iyɨpɨ güive, añave jare jekuae avei pegua.

Santiago 1:5

Oime yave pegüi reta pe oata arakuaa vae, toiporu Tumpa pe. Jae omeeta opaete pe jeta rupi jare iñeengetambae reve.

Santiago 3:15

Echa jókuae arakuaa mbaetɨ ko ou Tumpa güi. Ɨvɨ peguaño ko, kuimbae reta iyarakuaaño ko, aña pegua ko.

Santiago 3:17

Ërei arakuaa Tumpa güi ou vae, ikɨambae ko, ipɨakatuta ko, iporoaɨu ko, ipɨakavi ko, iporoparareko ko jare oyapo ikavigüe. Oporombotavɨmbae jare mbaetɨ jova mókoi.

1 Juan 1:5

Romombeu peve ñee Jesucristo omombeu oreve vae. Jae ko kuae: Tumpa ko tembipe, mbaetɨ etei jese kërai ave pɨtumimbi.

1 Juan 4:10

Kuae re oï mboroaɨu: Mbaetɨ ko yande yaaɨu Tumpa ramo, jaeño jae yanderaɨu jare ombou Taɨ rupi iñɨ̈ro vaerä yandeyoa reta re.

Apocalipsis 21:23

Jare jókuae tëta guasu mbaetɨ oeka kuaraɨ ani yasɨ omoembipe vaerä. Echa Tumpa jare Vecha kuimbae taɨrusu vae etei omoembipe.

Apocalipsis 22:5

Jare ngaraa ye ma oime pɨ̈tu joko pe. Ngaraa oeka mechero jare kuaraɨ jembipe, echa yandeYa Tumpa etei omoembipeta. Jare oporookuai retata jekuaekuae avei rupi.

1 SAMUEL 15:29

Jare Tumpa Israel iyemboetea ngaraa iyapu jare ngaraa vi oipoepɨ iyemongeta, echa jae mbaetɨ ko kuimbae rami oipoepɨ vaerä iyemongeta.