Santiago 1:1 - Biblia Guarani Tumpa Iñee

¹ Che ko Santiago, Tumpa jare yandeYa Jesucristo jembiokuai. Amondo tamaraeme doce ñemuña Israel pegua reta oñemoai ñogüɨnoi vae pe.

Nuevo Testamento Guaraní Pe

¹ Che co jae Santiago. Che co jae Tumpa jare ñandeYa Jesucristo jembiócuai. Aicuatía ai cuae tupapire doce atɨ Israel pegua oñemoai ñogüɨnoi vae reta pe. Tumpa ndiveño pei.

Santiago 1:1 ပူးပေါင်းရင်းမြစ်များ

1 REYES 18:31

Jare Elías oipɨɨ doce ita, Jacob taɨ reta iyavei, jókuae yandeYa jei chupe: “Ndereeta Israel” vae,

ESDRAS 6:17

Jare Tumpa jo oñeñono tee omboarete vae peguarä omee reta cien toro taɨrusu vae, dosciento vecha kuimbae jare cuatrociento vecha kuimbae taɨrusu vae; jare Israel iñemuña reta pe Tumpa iñɨ̈ro vaerä iyoa re, doce kavara kuimbae, Israel taɨ reta iñemuña ñavo re.

ESTER 3:8

Jare Amán jei mburuvicha guasu Asuero pe: —Oime metei tëtaɨgua reta oñemoai ñogüɨnoi opaete tëta reta ndembaepuere pe oï vae rupi, jare mborookuai jae reta güɨnoi vae ambuaeyee ko opaete vae güi, jare mbaetɨ omboete reta ndeporookuai, mbaetɨ jaekavi remaeño vaerä oikove reta.

ÉXODO 24:4

Moisés oikuatía opaete yandeYa iñee reta, jare opüa pɨareve ndeimbove yave, jare omopüa metei mɨmba oyeyuka oyeapɨ jese vae ɨvɨtɨ igüɨ pe, jare oñono doce ita, Israel doce taɨ iñemuña peguarä ñavo.

ÉXODO 28:21

jare opaete reve doce ita reta, echa doce ko Israel taɨ reta; ita ñavo re toyekuatía jee reta, doce ñemuña vae reta jee ñavo.

ÉXODO 39:14

jare opaete reve doce ita reta, echa doce ko Israel taɨ reta, ita ñavo re oyekuatía jee reta, doce ñemuña vae reta jee ñavo.

EZEQUIEL 12:15

Jare chekuaa retata che ko jae iYa, opa yave amoai moai reta ïru tëtaguasu reta rupi.

LEVÍTICO 26:33

Jare opata pomoai kerupi ïru tëtaguasu reta rupi, ñeraro rupi opata pomoai, peɨvɨ oikota ipombae jare perëta guasu reta tëtagüerä.

San Mateo 10:3

Felipe, Bartolomé, Tomás, Mateo mburuvicha peguarä okovara vae, Alfeo taɨ Jacobo jee vae, Lebeo (Tadeo jee vae),

San Mateo 13:55

Jae ko ɨvɨra pegua mbaravɨkɨ iyapoa taɨ. Ichɨ jae ko María. Jare Jacobo, José, Simón jare Judas jae ko tɨvɨ reta.

San Mateo 19:28

Jayave Jesús jei jemimboe reta pe: —Añete che jae peve, che Kuimbaerä ayeapo vae aguapɨ yave cheyemboetea, mborookuaía pegua pe, pe reta peyu cherupíe vae peguapɨta vi doce guapɨa pe, pejäa vaerä doce ñemuña Israel pegua reta.

San Marcos 3:18

Jare Andrés, Felipe, Bartolomé, Mateo, Tomás, Jacobo Alfeo taɨ, Tadeo, Simón cananita,

San Lucas 22:30

Pekaru vaerä chemesa pe cheporookuaía pe. Jaeramiño vi penoita mbaepuere pejäa vaerä jókuae doce ñemuña Israel pegua reta.”

San Lucas 6:15

Mateo, Tomás, Jacobo, Alfeo taɨ, Simón, Zelote pe oero vae,

San Juan 12:26

Oyeokuai cheve vae tojo cherupíe. Cherembiokuai oïta che aïtaa pe. Jare cheRu ombotuichaukata oyeokuai cheve vae.

San Juan 7:35

Jayave judío reta jei oyoupe: —¿Ketɨ ra ojota kuae kuimbae mbaetɨ vaerä ñaväe chupe? ¿Ojota ra judío reta tëta ambuae rupi ñogüɨnoia pe? ¿Ojota ra omboe judiombae vae reta?

Hechos 1:13

Yogüeru oväe yave, oike reta jare oyeupi oɨvate jae reta yogüɨrekoa pe. Jae ko Pedro, Jacobo, Juan, Andrés, Felipe, Tomás, Bartolomé, Mateo, Alfeo taɨ Jacobo jee vae, Simón Zelote jare Jacobo tɨvɨ Judas jee vae.

Hechos 12:17

Ërei Pedro omopüa ipo omokïrii reta vaerä, jare imiari chupe reta kërai yandeYa güɨnoe tembipɨɨrɨru güi vae, jei: —Peikuaauka kuae, Jacobo jare ïru oporogüɨrovia vae reta pe. Jayave oë joko güi ojo ïkotɨa.

Hechos 15:13

Jare jae reta opa imiari yave, Jacobo jei: —Tëtara reta, peyeapɨsaka cheré.

Hechos 15:21

Echa arakae güive yogüɨreko tëta guasu ñavo rupi Moisés iporookuai omombeu vae reta judío reta itupao reta rupi. Ara mbutuu ñavo jae reta omongeta joko pe.

Hechos 15:23

Jare jae reta oikuatía omondo jae reta ndive. Kuae tupapire pe jei körai: “Ore temimondo reta, jare opaete oporogüɨrovia vae reta jare itenondegua reta, romondo tamaraeme opaete pe reta judiombae pe oporogüɨrovia Antioquía, Siria jare Cilicia pe peï vae pe.

Hechos 2:5

Jare jókuae ara reta pe ñogüɨnoi Jerusalén pe jeta judío jupi vae reta, opaete ketɨ ketɨ tëtaguasu reta güi yogüeru vae reta.

Hechos 21:18

Jayave pɨareve pe Pablo ojo ore ndive opou Jacobo pɨri. Jare opaete oporogüɨrovia vae itenondegua reta oyemboatɨ joko pe.

Hechos 23:26

“Ɨvɨruvicha tuichagüe vae Félix. Che Claudio Lisias amondo tamaraeme ndeve.

Hechos 26:7

Jare jókuae doce oreñemuñagüe reta iñemuña reta vi güɨrovia Tumpa ombopota ko güɨrökuavee chupe reta vae. Jare oyeokuai reta Tumpa pe ikɨ̈reɨ reve ara rupi jare pɨ̈tu rupi. Mburuvicha guasu Agripa, kuae che vi arovia ramo, judío reta chemboeko.

Hechos 8:1

Jare Esteban imano jaekavi Saulo pe. Jare jókuae ara voi oporogüɨrovia vae Jerusalén pe ñogüɨnoi vae reta re oñemopüa tätagüe vae. Jare opaete oporogüɨrovia vae reta opa oñemoai ɨvɨ Judea jare Samaria rupi. Ërei temimondo reta opɨtaño Jerusalén pe.

Romanos 1:1

Che Pablo, Jesucristo jembiokuai. Jae cheparavo jemimondorä, jare cheñono tee amoërakua vaerä Tumpa iñee ikavi vae,

Gálatas 1:19

Ërei mbaetɨ aecha metei ave ïru temimondo reta, jaeño aecha Jacobo yandeYa tɨvɨ.

Gálatas 2:12

Echa amogüe judío reta Jacobo jemimbou reta ndei yogüeru mbove, Pedro okaruñoi judiombae vae reta ndive. Ërei yogüeru ma yave, Pedro mbaetɨ ma okaru judiombae vae reta ndive, jare oyembosɨrɨ chugüi reta, echa okɨɨye judío reta güi.

Gálatas 2:9

Jáeramo oporogüɨrovia vae reta itenondegua Jacobo, Cefas jare Juan oikuaa reta kërai Tumpa ko omee cheve kuae mbaravɨkɨ. Jare oechauka vaerä ore ko jae jae reta iñeïru vae, orepopɨɨ che jare Bernabé; rojo vaerä judiombae vae reta pɨri jare jae reta yogüɨraja vaerä judío reta pɨri.

DEUTERONOMIO 28:64

Jare yandeYa opata pemoai moai opaete tëtaguasu reta rupi, ɨvɨ iyɨpɨ kotɨ güive, ketɨ ɨvɨ iyapɨ kotɨ; joko pe peyeokuaita tumpa ambuae reta pe, pe mbaetɨ peikuaa vae reta, jare peñemuñagüe reta ave mbaetɨi oikuaa vae, ɨvɨra pegua jare ita pegua pe.

DEUTERONOMIO 30:3

jayave yandeYa pereroyerova yeta peyererajaukaa kotɨ güi, jare güɨnoita mboroparareko pekotɨ; pereru yeta opaete ketɨ ketɨ tëta reta kotɨ güi, yandeYa Tumpa opa pemoai moaia kotɨ güi.

DEUTERONOMIO 32:26

Ayemongeta ko mombɨrɨ rupi opa vaerä amoai moai, jare amboai ɨvɨ güi jee reta,

DEUTERONOMIO 4:27

YandeYa opata pemoai moai tëtaguasu reta rupi, mbovɨ yae peyekuaata jókuae yandeYa pererajata vae ipɨte pe.

Filipenses 1:1

Che Pablo jare Timoteo Jesucristo jembiokuai reta, roikuatía opaete peporogüɨrovia vae Cristo Jesús re jare petenondegua reta jare oporomborɨ vae reta Filipo pe peiko vae pe.

2 Timoteo 4:21

Eeka kërai reyu vaerä ndei iroɨ guasu iara oväe mbove. Eubulo, jare Pudente, jare Lino, jare Claudia, jare opaete ïru oporogüɨrovia vae reta omondo peve tamaraeme.

Tito 1:1

Che Pablo, Tumpa jembiokuai jare Jesucristo jemimondo. Jae chemondo Tumpa oiparavo vae reta pe güɨrovia vaerä jese, jare oikuaa vaerä añete vae, omboete vaerä Tumpa,

1 Pedro 1:1

Che Pedro, Jesucristo jemimondo. Aikuatía aï kuae tupapire opaete Israel pegua Ponto, Galacia, Capadocia, Asia jare Bitinia rupi mombɨrɨ perëtaguasu güi peñemoai peï vae reta pe;

2 Pedro 1:1

Che Simón Pedro, Jesucristo jembiokuai jare jemimondo, aikuatía peve pe peupitɨ mborogüɨrovia ikavigüe vae ñaneTumpa jare yandeYa Jesucristo jupi vae rupi, ore rami.

Judas 1:1

Che Judas, Jacobo tɨvɨ, Jesucristo jembiokuai, aikuatía yandeRu Tumpa oiparavo jare oñeñono tee vae reta pe. Jesucristo re oñeñovatu vae reta pe.

Apocalipsis 7:4

Jare aendu mbovɨ ko Tumpa jembiokuai reta araɨgua reta omokañɨmaa vae, jae ko: Ciento cuarenta y cuatro mil opaete Israel pegua ñemuña reta güi.