SALMOS 99:3 - Biblia Guarani Tumpa Iñee

³ Toyemboete jee, kɨɨyea yae vae jare tuicha yae vae. ¡Tumpa ko Iyoambae!

SALMOS 99:3 ပူးပေါင်းရင်းမြစ်များ

NEHEMÍAS 1:5

Jae körai: “Romoñera cheYa Tumpa ara pe reï vae, imbaepuere yae vae, tuicha yae ete vae jare kɨɨyea yae vae, omboete avei morogüɨrökuavee päve oyapogüe vae, jare reiparareko avei opaete nderaɨu vae reta, jare ndeporookuai reta oyapo vae;

NEHEMÍAS 4:14

Jare aecha okɨɨye reta ramo, apüa jare jae imboetea vae reta pe, sundaro ruvicha reta pe jare opaete vae reta pe: “Agüɨye pekɨɨye chugüi reta, pemaendúa yandeYa re, tuicha jare kɨɨyea yae vae ko, jare peñeraro perëtara reta re, peraɨ reta re, perayɨ reta re, jare perembireko reta re jare pero reta re.”

NEHEMÍAS 9:32

Jáeramo, oreTumpa, Tumpa tuicha yae vae, imbaepuere yae vae, kɨɨyea yae vae, iporoparareko avei vae, jare ombopo iñee oñererökuavee mbae oyapo vaerä yave vae, agüɨye emaeiño oreruvicha guasu reta, oreruvicha reta, oresacerdote reta, neñeemombeúa reta, oreñemuñagüe reta jare opaete vae oiporara vae re, arakae mburuvicha guasu Asiria pegua reta yogüɨreko güive añave regua.

NEHEMÍAS 9:5

jare levita reta Jesúa, Cadmiel, Bani, Hasabnías, Serebías, Hodías, Sebanías jare Petaías, jei reta: “Pepüa pemboete peYa Tumpa jekuae avei rupi. ¡Toyemboete avei, nderee tuicha yae vae jare imboetea yae vae!”

SALMOS 100:4

Peike jöke reta rupi yasoropai pemee reve, peike joka pe tairari mbaemboete pegua ndive. ¡Pemee yasoropai chupe, pemboete jee!

SALMOS 103:1

Tamboete cheYa, opaete chepɨa ndive; tamboete opaete chepɨa ndive cheYa jee ikɨambae.

SALMOS 111:9

Oepɨ imbae vae reta, oñono iporogüɨrökuavee päve jekuae avei pegua. Jee ikɨambae jare ikɨɨyea ko.

SALMOS 145:17

Jupi ko yandeYa opaete oyapogüe rupi, iporoparareko opaete oyapogüe rupi.

SALMOS 66:3

Pere Tumpa pe: “Oporomopɨakañɨ yae nderembiapo reta. Ndembaepuere tuicha yae vae rupi nderovaicho reta yogüɨrekota nde rerea re;

SALMOS 76:1

Tumpa regua, Judá pegua reta oikuaa kavi yae; Israel pe jërakua yae ko jee.

SALMOS 76:12

Jae oekɨ mburuvicha reta jekove, kɨɨyea yae ko jae, mburuvicha guasu reta ɨvɨ pegua pe.

ISAÍAS 6:3

Jare osapúkai päve jei oyoupe reta: “Iyoambae, Iyoambae, Iyoambae ko yandeYa Imbaepuere yae ete vae; opaete ɨvɨ tɨnɨe oï iyemboetea pe.”

JEREMÍAS 20:11

Ërei ngatu nde cheYa, oime reï che ndive, metei ñeraro regua imbaepuere yae vae rami; jáeramo, oeka teko cheré vae reta, ngaraa ipuere chemoamɨri; ipuereä jeko pegua imara yaeta opɨta jekuae avei rupi, jare ngaraa iñakañɨ reta chugüi vae.

San Juan 17:11

Jare mbaetɨta ma aï kuae ɨvɨ pe. Ërei jae reta opɨtañota kuae ɨvɨ pe. Che ajata ma ndépɨri. CheRu Tumpa iyoambae, kuae remee cheve vae reta, eñovatu nderee re; yogüɨreko vaerä metei ramiño, yande metei ramiño yaiko rami.

DEUTERONOMIO 28:58

Mbaetɨ yave peyapo opaete mborookuai oyekuatía oï kuae tembikuatía pe vae, mbaetɨ yave peipoɨu kuae tee mbaemboetea jare kɨɨyea güi, jae ko: YandeYa Tumpa.

DEUTERONOMIO 7:21

Agüɨye peyembopɨtu jae reta jóvai, echa yandeYa Tumpa oï pepɨte pe, jae ko Tumpa tuichagüe jare kɨɨyea.

JOSUÉ 24:19

Ërei Josué jei chupe reta: —Ngaraa pepuere peyeokuai yandeYa pe, echa jae ko Tumpa Iyoambae jare jägüɨro jembiparavo re vae; ngaraa güɨropɨa pepɨapochɨ reta jare peyoa reta.

Apocalipsis 4:8

Jare metei ñavo jókuae irundɨ oikove vae reta, güɨnoi ova ipepo, jare ipepo iárambo jare igüɨ rupi güɨnoi jeta jesa. Jare ikueraiä jei reta ara rupi jare pɨ̈tu rupi: “¡Iyoambae, iyoambae, iyoambae ko yandeYa Tumpa Imbaepuere yae ete vae, jae ko iyɨpɨ güive, añave jare outa vae!”

1 SAMUEL 2:2

¡Mbaetɨ kia iyoambae nde rami cheYa! ¡Echa mbaetɨ yé kia nde rami! ¡Jare mbaetɨ kia oporoepɨ nde oreTumpa rami!