SALMOS 9:9 - Biblia Guarani Tumpa Iñee

⁹ YandeYa oyangarekota paravete vae re, jese oñepɨ̈rota paravete vae mbɨatɨtɨ iara pe.

SALMOS 9:9 ပူးပေါင်းရင်းမြစ်များ

1 CRÓNICAS 16:33

¡Tijɨapu ɨvɨra reta kaa pegua oyerovia güi yandeYa jóvai, echa jae ipo pe ma ko oï opaete ɨvɨ!

SALMOS 108:12

Oremborɨ orerovaicho reta re, echa kuimbae iporomborɨ mbaeä etei ko.

SALMOS 142:4

Emae cheakatu kotɨ, mbaetɨ kia chemborɨ vaerä. ¡Mbaetɨ anoi kia chereepɨ vaerä! ¡Mbaetɨ kia oyemoambeko cheré!

SALMOS 18:2

CheYa, ita guasu cheñepɨ̈roa, cheñepɨ̈roka, chereroasayepe vae; cheTumpa, chepɨ̈rata nderé vae, ndereño ayeko vae, cheyeopiaka, mbaepuere chereroasayepe vae, cheñemía ɨvate yae vae.

SALMOS 20:1

YandeYa toyeapɨsaka nderé mbɨatɨtɨ pe reï yave; Jacob iTumpa etei tandereepɨ.

SALMOS 32:7

Nde ko jae cheñepɨ̈roa; cheövatuta mbɨatɨtɨ güi; cheövata tairari yereroasayepe pegua pe.

SALMOS 37:39

Ërei jupi vae reta iyereroasayepe ou yandeYa güi, jae ko iñepɨ̈roa mbɨatɨtɨ iara pe.

SALMOS 46:1

Tumpa ko ñepɨ̈roa jare yeepɨka, mbɨatɨtɨ iara pe yandemborɨ jarembae voi vae.

SALMOS 46:7

¡YandeYa Imbaepuere yae ete vae oime yande ndive! ¡Jacob iTumpa jae ko ñaneñepɨ̈roa!

SALMOS 48:3

Tumpa oï o mburuvicha jo Jerusalén pegua pe; jae oyekuaauka metei ñepɨ̈roa ikavi yae vae rami.

SALMOS 50:15

Jare eyerure cheve ndepɨatɨtɨ yave; che roepɨta jare nde chemboeteta.”

SALMOS 62:8

¡Cherëtaɨgua reta! Jeseño peyeko; pemee pepɨa chupe, Tumpa jae ko yandeveguarä ñaneñemía.

SALMOS 67:5

CheRu Tumpa, opaete vae reta tandemboete; ¡opaete vae tëta reta tandemboete!

SALMOS 7:9

¡Topa mo añave jeko kavimbae reta jembiapo, ërei emomɨ̈rata, jupi yogüɨreko vae reta! Echa nde, Tumpa jupi vae ko, reikuaa yemongeta kia iyɨvɨte pe güɨnoi vae.

SALMOS 96:10

Pere tëtaguasu reta rupi: “¡YandeYa ko jae mburuvicha guasu!” Jae oñono jenda pe kavi kuae ɨvɨ, agüɨye vaerä omɨi; jae ko güɨroata kuae tëta reta jupi rupi.

SALMOS 98:9

jókuae yandeYa ou oï vae pe. ¡Echa, jae ou oï vaerä mburuvicha guasurä kuae ɨvɨ pe, güɨroata vaerä jupi rupi jare isɨmbi rupi tëta reta kuae ɨvɨ pegua!

PROVERBIOS 18:10

Ñepɨ̈roka jëguambae rami ko yandeYa jee, jupi vae reta yogüɨraja oñepɨ̈ro jese.

ISAÍAS 32:2

Jókuae mburuvicha guasu oïta ɨvɨtuai güi ñañemi jese vae rami, ani okɨrai vae güi ñañemi pɨpe vae rami, ani ɨvɨ otinía pe oime ɨ̈aka raɨ rupi ɨ vae rami, ani ɨ̈vavira iküaraɨa araku yaea pe oï vae rami.

ISAÍAS 8:14

Jae toï peve mbaemboetea; ërei Israel iñemuña reta oyemboyao mókoi tëtaguasu ñogüɨnoi vae peguarä oïta ita rami, ipɨ̈sa-yeyuka oyepɨaka reta jese vaerä; ñuai ramita, Jerusalén pegua reta oa pɨpe vaerä.

NAHUM 1:7

YandeYa ipɨakavi ko; jae ko ñepɨ̈roka, mbɨatɨtɨ oime yave: Oepɨ oñepɨ̈ro jese vae reta.

San Lucas 13:34

¡Jerusalén! ¡Jerusalén!, reyuka ñeemombeúa reta. Reyapi reyuka ita pe Tumpa ombou ndekotɨ vae reta. Jeta vese chekɨ̈reɨ tëi amboatɨ ndeipo reta, uru omboatɨ imembɨ reta ipepo igüɨ pe rami, ërei nde mbaetɨ reipota.

DEUTERONOMIO 33:27

Tumpa oikove avei vae ko jae peñepɨ̈roka, imbaepuere opambae ko peñepɨ̈roa; jae ko ombotekuarai perenonde güi tovaicho reta, jare peokuai pemboai vaerä.

Hebreos 6:18

Mókoi reve, Tumpa oñererökuavee vae jare jei jee re aeño oyepoepɨmbae re, Tumpa ngaraa etei iyapu, ñanoi mbɨakatu tuichagüe yande yaeka Tumpa iporomborɨ vae jare ñaäro yayerovia reve ñanoi vaerä Tumpa güɨrökuavee yandeve vae.