SALMOS 85:9 - Biblia Guarani Tumpa Iñee

⁹ Añetete, köiño yae oï Tumpa iporogüɨroasayepe, oipoɨu chugüi vae reta peguarä, iyemboetea oiko vaerä yandeɨvɨ pe.

SALMOS 85:9 ပူးပေါင်းရင်းမြစ်များ

SALMOS 119:155

Matɨ ko oï ndeporogüɨroasayepe iyoa vae reta güi, echa mbaetɨ oeka reta ndeporookuai reta.

SALMOS 50:23

mbaemboete omee cheve vae, chemboete ko. Jupi rupi kavi oiko vae pe, aechaukata cheporogüɨroasayepe.”

ISAÍAS 4:5

jare yandeYa oyapota amapɨtu pɨtumimbi vae ara pe, tembipe jare tata jendɨ vae pɨ̈tu yave, opaete o ñavo re Sión pe, jare opaete oyomboatɨa re. Echa yandeYa iyemboetea oïta opaete mbaembae iárambo küaraɨa rami,

ISAÍAS 46:13

Che, aruta yereroasayepe; aruta ete ma, köi yae ma ou. Che ameeta yereroasayepe Sión pe, jare cheyemboete tëtaguasu Israel pe.

JEREMÍAS 23:35

Kia oparandu metei iñeïru pe, ani jëtara pe yave, ipuere jei: ‘¿Mbae jei pa yandeYa? ¿Mbae pa jei?’

JEREMÍAS 23:37

Jeremías, eparandu ñeemombeúa reta pe: ‘¿Mbae jei pa yandeYa? ¿Mbae pa jei?’

JEREMÍAS 29:11

Echa che aikuaa yemongeta reta anoi pekotɨ vae: Yemongeta mbɨakatu pegua, mbaetɨ ikavimbae pegua, amee vaerä peve peäro peiko vae.

EZEQUIEL 26:20

Ndererajata ɨ́vɨkotɨ arakae ma omanogüe vae reta ipɨte pe, ndererajata ɨvɨkotɨasɨ arakae ma oyemboai vae reta ipɨte pe, jare reikota omanogüe vae reta yogüɨrekoa pe, agüɨye ye vaerä ma reñemopüa ye ani oime ndeipo reta.

EZEQUIEL 3:10

Jei ye cheve: “Nde kuimbae, eyeapɨsaka kavi opaete jaeta ndeve vae re, jare eñovatu ndepɨa pe.

HABACUC 2:1

Amae ngatuta jare aïndaivita, omaeäro vae rami, aärota, mbae ra jaeta cheYa pe cheñeengeta chupe vae re.

ZACARÍAS 2:5

Ërei yandeYa jei: Che aïta chupe reta ikësearä tata rami, jare aïta ipɨte pe mbaemboetea peguarä.’ ”

ZACARÍAS 2:8

Echa yandeYa Imbaepuere yae ete vae chembou tëtaguasu reta pepogüɨrai pereeya vae pe kuae ñee ndive. “Echa opoko pere yave kia nunga vae, cheresäɨ kunumi re opoko rami ko.

San Lucas 2:32

Jae ko tembipe ramita judiombae vae reta pe. Jare ndembae vae Israel pegua reta iyemboetearä.”

San Juan 1:14

Jókuae Ñee oyeapo Kuimbaerä, jare ou oiko orepɨte rupi mbɨakatu ndive jare añetegüe rupi. Jare ore roecha iyemboetea, Tumpa Taɨ jae vaeño vae iyemboetea.

San Juan 7:17

Oipotagüe ikɨ̈reɨ oyapo Tumpa jemimbota vae, oikuaata cheporomboe Tumpa iporomboe ra ko, ani cheyeugüi aeño ra chemiari vae.

Hechos 13:16

Jayave Pablo opüa, jare omopüa ipo omokïrii reta vaerä. Jayave jei chupe reta: —Kuimbae Israel iñemuña reta jare opaete pe kuaeɨgua reta peipoɨu Tumpa güi vae, peyeapɨsaka cheré:

1 SAMUEL 3:9

jare jei Samuel pe: —Ekua eyapakua, jare nereenɨi yave, ere chupe: “Nemiari cheYa, echa ko che nderembiokuai oyeapɨsaka oï.” Jökorai Samuel ojo, jare oyapakua ye jupa pe.