SALMOS 8:3 - Biblia Guarani Tumpa Iñee

³ Aecha yave ara, ndepo pe reyapogüe, yasɨ jare yasɨtata reta reñono jese vae,

SALMOS 8:3 ပူးပေါင်းရင်းမြစ်များ

GÉNESIS 1:1

Iyɨpɨ ete pe Tumpa oyapo ara jare ɨvɨ.

JOB 22:12

Tumpa oï ɨvate yae ara pe; yasɨtata reta ɨvate yae ñogüɨnoi vae opɨta jae ipɨ igüɨ pe.

JOB 25:3

Yandepuere rapembae yaipapa iaraɨgua reta. Jae oesape opaete re.

JOB 25:5

Tumpa pe yasɨ ave mbaetɨ jembipe, yasɨtata reta jaeramiño vi.

JOB 36:24

Opaete vae omboete iparavɨkɨ rupi, nemaendúa vi nde remboete vaerä.

SALMOS 104:19

Reyapo yasɨ, oyepapa vaerä ara reta; kuaraɨ oikuaa kërai yave oiketa ojo vae.

SALMOS 111:2

YandeYa jembiapo reta tuichagüe ko, oaɨu vae reta jókuae oeka.

SALMOS 148:3

¡Kuaraɨ jare yasɨ, pemboete yandeYa! ¡Opaete yasɨtata jembipeasɨ vae reta, pemboete yandeYa!

SALMOS 19:1

Ara oikuaauka Tumpa iyemboetea, ara ipo reta oikuaauka Tumpa jembiapo.

SALMOS 33:6

YandeYa oyapo ara reta iñee peño, ipɨ̈túe peño oyapo opaete ara ipo reta.

SALMOS 89:11

Ndembae ko ara jare ɨvɨ; nde ko reyapo ɨvɨ jare opaete mbaembae oï pɨpe vae.

ÉXODO 31:18

Opa ma Tumpa imiari Moisés ndive ɨvɨtɨ Sinaí re yave, omee chupe mókoi ita yemomaendúa pegua, jókuae mókoi ita ipe vae, Tumpa ipoäka pe etei mborookuai reta oikuatía jese vae.

ÉXODO 8:19

Jayave imbaekuaa vae reta jei Faraón pe: —¡Tumpa imbaepuere ko kuae! Ërei Faraón ipɨa oñemotäta, mbaetɨ oipota oyeapɨsaka jae reta iñee re, yandeYa jei rami.

San Lucas 11:20

Ërei che ambosɨrɨ aña reta oya jese vae reta güi Tumpa imbaepuere rupi. Jökorai pepuere peikuaa ou ma ko oväe peve Tumpa iporookuaía.

Romanos 1:20

Echa jae oyekuaambae vae jare imbaepuere opambae vae, jare jae ko Tumpa vae, oyekuaa kavi yae ɨvɨ oyeapo güive. Ɨvɨ pegua reta oikuaa opaete mbaembae Tumpa oyapo vae rupi. Jáeramo mbaetɨ metei ave ipuere jei: “Mbaetɨ ko aikuaa.”

DEUTERONOMIO 4:19

Ani pemae yave ara kotɨ jare peecha kuaraɨ, yasɨ jare yasɨtata, jare opaete ara ipo reta jare petindɨ pemboete ani peyeokuai chupe; echa yandeYa Tumpa ko oyapo kuae mbaembae, opaete vae reta peguarä.