SALMOS 8:2 - Biblia Guarani Tumpa Iñee

² Michia reta rupi jare okambu vɨteri vae reta rupi remboyekuaa ndembaepuere nderovaicho reta jeko pegua. Remokïrii vaerä nderovaicho reta jare iyepɨse vae reta.

SALMOS 8:2 ပူးပေါင်းရင်းမြစ်များ

SALMOS 148:13

¡Pemboete yandeYa jee, echa jae jeeño ko tuicha yae vae! ¡Iyemboetea tuicha yae, oyapɨraa opaete ara jare ɨvɨ!

SALMOS 4:4

¡Pekɨɨye jare agüɨye peyoa ye! Perupa pe peï yave, peñemokïrii, peyemongeta peyapogüe re.

SALMOS 44:16

cherovaicho jei jare oeka ikavimbae oyapo vaerä cheve vae jeko pegua, tovaicho jare iyepɨse vae jeko pegua.

SALMOS 46:10

“¡Peñemokïrii! ¡Peikuaa che ko jae Tumpa! ¡Che ko aï opaete tëtaguasu reta iárambo! ¡Chetuicha yaeta opaete ɨvɨ iárambo!”

SALMOS 57:6

Ñuai oñono reta cheraperä pe, chembopɨatɨtɨ yae reta; ɨvɨkua oyoo reta cheraperä pe, ërei jae reta yeño opa oa pɨpe.

ÉXODO 11:7

Ërei opaete Israel iñemuña reta güi, kuimbae reta jare mɨmba, ngaraa metei yaɨmba ave iñaro oyeendu; peikuaa vaerä ambuaeyee ko cheYa, pe Egiptoɨgua reta Israel iñemuña reta güi vae.

ÉXODO 15:16

¡Toa jese reta ñeiämondo jare kɨɨye! ¡Ndeyɨva imbaepuere jeko pegua topɨta reta kïrii ita rami, opa regua oasa ndembae vae reta, cheYa, opa regua oasa ndembae vae reta reyora vae!

ISAÍAS 40:31

ërei yandeYa reño oyeko vae reta ipɨ̈rata pɨau aveita; oveve retata güɨraké rami; osɨi retata jare ngaraa ikangɨ, oguata retata jare ngaraa ikangɨ reta.

ISAÍAS 6:3

Jare osapúkai päve jei oyoupe reta: “Iyoambae, Iyoambae, Iyoambae ko yandeYa Imbaepuere yae ete vae; opaete ɨvɨ tɨnɨe oï iyemboetea pe.”

HABACUC 2:20

Ërei yandeYa oï jo ikɨambaea pe: ¡Pekïrii jóvai opaete ɨvɨ pegua reta!

San Mateo 11:25

Jayave Jesús jei: “Romboete cheRu, nde ko jae ara pegua reta jare ɨvɨ pegua reta iYa. Echa reñomi mbaembae iyarakuaa vae reta güi, ërei reechauka oñemomichi vae reta pe.

San Mateo 21:16

Jayave jei reta Jesús pe: —¿Reendu pa kuae reta jei vae? Jesús jei chupe reta: —Aendu. ¿Mbaetɨ pa pemongeta kuae regua Tumpa Iñee pe oyekuatía oï vae? Echa jei: “Michia reta rupi jare okambu vɨteri vae reta rupi remboyekuaa ndembaepuere.”

San Lucas 10:21

Jókuae ora pe etei Jesús oyerovia jare jei: “Romboete cheRu, nde ko jae ara pegua reta jare ɨvɨ pegua reta iYa, echa reñomi mbaembae iyarakuaa vae reta güi, ërei reechauka oñemomichi vae reta pe. Ikavi ko cheRu. Echa jökorai ko jaekavi ndeve.”

1 Corintios 1:27

Echa Tumpa oiparavo ko mbaetɨ arakuaa ɨvɨ pegua güɨnoi vae reta, omomaraiuka vaerä iyarakuaa katu vae reta. Jaeramiño vi Tumpa oiparavo mbaetɨ mbaepuere güɨnoi vae reta, omomaraiuka vaerä mbaepuere güɨnoi vae reta.

1 SAMUEL 2:9

Jae oyangareko jupi rupi oiko chupe vae re, ërei iyoa vae reta omanota pɨtumimbi pe, echa mbaetɨ kia ave ipuere iyeugüi aeño.