SALMOS 74:9 - Biblia Guarani Tumpa Iñee

⁹ Mbaetɨ ma roecha romokañɨmaa oreyeupe vae; mbaetɨ ma ñeemombeúa ave, mbaetɨ vi kia orepɨte pe oikuaa kuae kërai yave regua ra oikota vae.

SALMOS 74:9 ပူးပေါင်းရင်းမြစ်များ

ÉXODO 12:13

Jare tugüɨ toï ikañɨmaa vaerä opaete o reta peïta pɨpe vae rupi; tugüɨ aecha yave che aasata pegüi, jare mbaetɨta peiporara kuae mbaesusere Egipto re aitɨ aï yave.

LAMENTACIONES 2:9

Jöke reta jare iyokendaka reta opa oyemboai, ¡jare opa oyeitɨ ɨvɨ rupi! Juvicha guasu jare mburuvicha reta ñogüɨnoi, tëtaguasu reta mbaetɨ güɨnoi Tumpa iporookuai vae ipɨte rupi. ¡Ñeemombeúa reta ave mbaetɨ ma oecha mbae yandeYa güi!

EZEQUIEL 20:12

Aikuaauka vi chupe reta cheara mbutuu pegua, jókuae rupi ikañɨmaa vaerä tëi jae reta cheve, jare metei yemomaendúa che ko añono tee reta cheyeupeguarä vae.

EZEQUIEL 7:26

Oyoaɨkue yoaɨkueta ou mbaesusere; mbae ikavimbae jërakua vae jaeramiño vi. Oeka reta tëita ñeemombeúa omombeu kavi vaerä chupe reta, sacerdote reta mbaetɨta oporomboe ani tenondegua vae reta mbaetɨta vi oporomboarakuaa.

AMÓS 8:11

YandeYa Tumpa jei: Mase, ambouta yɨmbɨaɨ iara kuae ɨvɨ pe; ërei mbaetɨta yɨmbɨaɨ tembíu regua, ani ɨuve ɨ regua, ¡yandeYa iñee re ko!

MIQUEAS 3:6

“Jáeramo, ñeemombeúa reta pe pɨ̈tu ramita, pɨtumimbi ramita mbae re oikuaa vae reta pe.” Ñeemombeúa reta pe oiketa kuaraɨ; ara oyembopɨtumimbita chupe reta.

MIQUEAS 3:7

Jókuae ñeemombeúa reta imarata opɨta, maratuta vae imombeúa reta jopata; jare opaete kuae reta kïriita opɨta, echa Tumpa mbaetɨ omboyevɨ ñee chupe reta.

Hebreos 2:4

Tumpa etei omoañete jae reta omombeu yandeve vae, mɨakañɨ reta, jare Espíritu Santo rupi mbaepuere reta oñemee vae rupi.

JUECES 6:17

Jayave Gedeón jei chupe: —Ndepɨakatu ko chekotɨ yave, eechauka cheve nde ko nemiari che ndive vae.

1 SAMUEL 3:1

Kunumi Samuel oyeokuai yandeYa pe Elí jóvai. Jókuae ara rupi yandeYa iñee mbaetɨ oyeendu, echa mbaetɨ oyeechauka avei.