SALMOS 74:7 - Biblia Guarani Tumpa Iñee

⁷ Oyatapɨ reta ndero mbaemboetea re; ¡omboeteä reta ndero nderee oï pɨpe vae, opa omboai reta oeya ɨvɨ rupi!

SALMOS 74:7 ပူးပေါင်းရင်းမြစ်များ

1 REYES 8:20

Jare yandeYa ombopo iñee jeigüe vae; echa che apüa cheru David jekovia pe, jare aguapɨ Israel pe mburuvicha guasu iguapɨa pe yandeYa jei rami, jare amopüa tupao yandeYa Israel iTumpa jee re.

2 REYES 25:9

jare oapɨ yandeYa jo, mburuvicha guasu jo, jare opaete o reta Jerusalén pegua; oapɨ opaete mburuvicha reta jo.

2 CRÓNICAS 36:19

Oapɨ reta vi Tumpa jo, ombosururu reta Jerusalén ikësea, oapɨ reta vi mburuvicha jo jare omboai opaete mbae jepɨ yae vae.

SALMOS 89:39

Repɨ̈ro chugüi morogüɨrökuavee päve reyapo nderembiokuai ndive vae; remombo chugüi ɨvɨ re iñäka-regua oro pegua.

ÉXODO 20:24

Peyapo cheve mɨmba oyeyuka oyeapɨ jese vae ɨvɨ pegua, jare pemee jese cheve mɨmba oyeyukagüe opaetei oyeapɨ vae jare mbota mbɨakatu pegua, pevecha reta jare peguaka reta, opaete oïa rupi, che aipota cheree oï avei jesea rupi, che ayuta pekotɨ, jare cheporerekuata peré.

ISAÍAS 64:11

Orembaemboetea ikavi yae vae, oreñemuñagüe reta pɨpe ndemboete yepi vae, opa oyemboai tata pe. ¡Opaete mbaembae roaɨu yae yepi vae, opa oyemboai!

JEREMÍAS 52:13

jare oapɨ yandeYa itupao, mburuvicha guasu jo jare opaete o reta Jerusalén pegua; opaete o tuichagüe reta;

LAMENTACIONES 2:2

YandeYa oporomboai, iñɨ̈rombae reve, iyarasɨ rupi omboai opaete Jacob iñemuña reta jo guakapi pegua, opa omboai ñepɨ̈roka reta Judá pegua. Opa omomichi mborookuaía reta jare mburuvicha reta.

LAMENTACIONES 2:6

Jo guakapi pegua omboai, küaraɨa ñairaka pegua oyemboai rami; yemboatɨa renda opa omboai. YandeYa opa omoakañɨ Sión pegua reta arete reta mbaemboete pegua güi jare ara reta mbutuu pegua güi. Iyarasɨ jeko pegua opa omombo mburuvicha guasu jare sacerdote.

EZEQUIEL 24:21

‘Ere Israel iñemuña reta pe. YandeYa Tumpa jei körai: Che aröɨro jare amboaita chero mbaemboetea, peyembotuicha jese vae, pe reta peipota yae pemae jese vae; peraɨ reta jare perayɨ reta peeya joko pe vae, opata oyeyukauka reta.

EZEQUIEL 7:24

Ambouta ipɨapochɨ yae vae reta ïru tëtaguasu reta güi, jae reta yogüɨrekota o reta tëta guasu pegua pe. Ipɨayemboete vae reta imbaepuere amboapɨta chugüi; jare jae reta imbaemboetea ikɨata cheróvai opɨta.

LEVÍTICO 26:31

amokañɨteita perëta guasu reta, jare pembaemboete renda, jare ngaraa ma aëtu mbae ikäti kavi vae pegüi.

San Mateo 22:7

Ërei mburuvicha guasu oikuaa yave kuae, iyarasɨ yae. Jáeramo omondo isundaro reta opa vaerä oyuka jókuae oporoyuka vae reta jare opa oapɨ jëta guasu.

DEUTERONOMIO 12:5

Jae oiparavota ɨvɨ opaete ñemuña reta ipɨte güi joko pe jee oï vaerä, joko peño peota pemboete.