SALMOS 74:2 - Biblia Guarani Tumpa Iñee

² Nemaendúa tëta ndembae vae re, arakae güive reiparavo ndeyeupe vae, reyora reta reyapo vaerä ndembaerä vae; nemaendúa kuae ɨvɨtɨ guasu Sión re, nde reiko pɨpe vae.

SALMOS 74:2 ပူးပေါင်းရင်းမြစ်များ

SALMOS 106:40

Jáeramo, yandeYa iyarasɨ imbae vae reta kotɨ, jare güɨröɨro imbae vae reta;

SALMOS 135:4

Echa jae oiparavo iyeupe tëta Israel, Jacob iñemuña reta.

SALMOS 33:12

Oyerovia ko tëtaguasu, iTumpa jae ko yandeYa vae, jae oiparavo imbaerä vae.

SALMOS 68:16

Pe, ɨvɨtɨ guasu ɨvate yae vae reta, ¿maera pa pemotareɨ pemae jókuae ɨvɨtɨ Tumpa oiparavo oiko vaerä pɨpe vae re? ¡YandeYa oikota ko pɨpe jekuae avei pegua!

SALMOS 77:15

Ndembaepuere rupi reepɨ ndembae vae reta, Jacob jare José iñemuña reta.

SALMOS 9:11

Sión pegua reta, petairari yandeYa pe; pemoërakua tëta reta pe jembiapo re.

SALMOS 9:12

Echa Tumpa mbaetɨ iñakañɨ oporoyuka vae reta güi, mbaetɨ iñakañɨ oiporara vae reta isapúkai güi.

SALMOS 94:14

YandeYa ngaraa oeya imbae vae reta, ngaraa oeya iyangarekoambae imbae vae reta.

ÉXODO 15:13

Ndeporoparareko rupi reroata kuae tëta reyora vae; reraja ndembaepuere rupi nerëta oñeñono tee vae pe.

ÉXODO 15:16

¡Toa jese reta ñeiämondo jare kɨɨye! ¡Ndeyɨva imbaepuere jeko pegua topɨta reta kïrii ita rami, opa regua oasa ndembae vae reta, cheYa, opa regua oasa ndembae vae reta reyora vae!

ISAÍAS 51:11

Añetete, yandeYa oyoragüe reta oyerova yeta, otairari reve oyerova reta yeta Sión kotɨ; jova, oyerovia katu avei retata; ovɨa jare oyerovia katu retata, mbaeporara jare yaeo opata okañɨ.

ISAÍAS 62:12

Israel iñemuña reta pe jei retata: “Tëta oñeñono tee vae.” “IYa Tumpa oepɨgüe.” Nde ndembojee retata: “Tëta guasu ipotaa yae vae.” “Tëta guasu mbaetɨ oyeeya vae.”

ISAÍAS 62:6

Jerusalén, nekësea reta re añono omae vae, ara pe jare pɨ̈tu yave ngaraa etei kïrii, jei retata: “Agüɨye tikïrii yandeYa omboete vae.

ISAÍAS 63:17

OreYa Tumpa, ¿maera pa, reyavɨuka oreve nderemimbota, jare orembopɨa täta agüɨye vaerä romboete? Eyerova ye nderembiokuai reta reaɨu jeko pegua, ñemuña reta ndembae ae vae kotɨ.

ISAÍAS 63:9

opaete mbɨatɨtɨ rupi yogüɨreko vae güi. Jae etei ko ou güɨroasayepe reta; jae ko oepɨ reta iporoaɨu rupi jare iporoparareko rupi, jare güeru reta jare omopüa reta jekuae avei pegua.

JEREMÍAS 10:16

Ërei ¡ambuaeyee ko chugüi reta Jacob iTumpa, opaete mbaembae iYapoa! Jae oiparavo imbaerä Israel. YandeYa Imbaepuere yae ete vae; jókuae jae ko jee.

JEREMÍAS 51:19

Ërei, ¡ambuaeyee ko chugüi reta Jacob iTumpa, opaete mbaembae iYapoa! Jae oiparavo imbaerä Israel. YandeYa Imbaepuere yae ete vae; jókuae jae ko jee.

Hechos 20:28

Jáeramo peyeandu jare peyangareko opaete oporogüɨrovia vae reta re, Espíritu Santo peparavo peyangareko jese vaerä vae reta re. Jókuae yandeYa oiparavo vae reta re, jae ogua jugüɨ ae pe vae.

DEUTERONOMIO 32:9

echa imbae ko kuae tëta, jae ko Jacob iñemuña reta.

DEUTERONOMIO 4:20

Ërei ngatu yandeYa perenoe jókuae horno omondɨkui jiero vae güi, jae ko Egipto, peapo vaerä jae imbaerä, añave rami.

DEUTERONOMIO 9:26

jare ayerure yandeYa pe, jae reve: ‘CheYa Tumpa, agüɨye emboai ndembae vae reta, nde reepɨ ndembaepuere tuicha yae vae rupi, Egipto güi renoe ndembaepuere yae pe.

DEUTERONOMIO 9:29

Ndembae reta ko kuae tëta, nde ko renoe Egipto güi ndembaepuere tuicha yae vae rupi, jare reyapo etei vae rupi.’

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

Apocalipsis 5:9

jare jae reta otairari metei tairari ipɨau vae, jei reve: “Jupi ko nde reipɨɨ vaerä tembikuatía, jare reyora vaerä imboyaa, echa reyeyukauka, jare nderugüɨ pe oreyora Tumpa peguarä, opaete ñemuña, ñee, tëta jare tëtaguasu,