SALMOS 72:1 - Biblia Guarani Tumpa Iñee

¹ CheRu Tumpa, emee mburuvicha guasu pe neporojäa jupi vae jare sɨmbi vae,

SALMOS 72:1 ပူးပေါင်းရင်းမြစ်များ

2 SAMUEL 23:3

Israel iTumpa jei, Israel iyangarekoa jei cheve: ‘Mburuvicha güɨroata yave jupi rupi jëta pegua reta, Tumpa güi oipoɨu reve kavi güɨroata vae,

1 REYES 1:39

Joko pe sacerdote Sadoc, oipɨɨ tupao guakapi pegua güi guakaräti asaite ndive jare opɨyere jese oñono tee Salomón mburuvicha guasurä. Jaɨkue rupi omoñee reta mimbɨguasu, jare opaete vae reta osapúkai jare oyepopete mburuvicha guasu Salomón re.

1 REYES 3:9

Emee che nderembiokuai pe chepɨarakuaa katu yae vaerä, aikatu vaerä ajäa ndembae vae reta, jare aikuaa vaerä ikavi vae ikavimbae güi; echa, ¿kia pa ipuereta oporookuai kuae tëta tuicha yae vae re?”

1 CRÓNICAS 18:14

David oiko mburuvicharä opaete Israel re, oyapo reve jupi vae jare sɨmbi vae opaete vae reta pe.

1 CRÓNICAS 22:9

Ërei renoita kuri nderaɨ mbɨakatu jee vae, echa che ameeta chupe opaete jovaicho ketɨ rupigua ipɨakatu vaerä. Jáeramo jeeta Salomón. Jae iara pe omeeta mbɨakatu jare yogüɨreko pɨagüive vaerä Israel.

1 CRÓNICAS 29:19

Emee vi cheraɨ Salomón pe ipɨa isɨmbi vaerä, jökorai oyapo vaerä opaete ndeporookuai reta, jare remombeu opaete oyeapo vaerä vae, jare ipuere vaerä omopüa tupao, echa che añono kavi ma omopüa vaerä ndeve.’ ”

2 CRÓNICAS 1:10

Añave emee cheve arakuaa katu, kërai aroguata kavi vaerä kuae tëta; echa, ¿kia pa ipuereta güɨroata kuae tëta ndembae vae, jeta yae vae?”

SALMOS 127:1

YandeYa iporomborɨ mbaetɨ yave, oparavɨkɨiño ma ko tupao imopüaa reta. YandeYa mbaetɨ yave oyangareko tëta guasu re, oyangarekoiño ma ko tëta guasu iyangarekoa reta.

ISAÍAS 11:2

Jese oïta yandeYa iEspíritu; espíritu pɨaarakuaa katu pegua jare arakuaa katu, espíritu yemboarakuaa pegua jare mbaepuere pegua, espíritu oikuaa yae mbae vae, jare oipoɨu yandeYa güi vae.

San Juan 3:34

Jókuae Tumpa ombou vae imiari Tumpa iñee, echa Tumpa omee chupe iEspíritu.