SALMOS 7:6 - Biblia Guarani Tumpa Iñee

⁶ ¡Epüa, cheYa Tumpa, ndearasɨ reve! ¡Eyemboɨ cherovaicho reta pochɨ vae pe! Nde ko remee morojäa jupi vae oyeapo vaerä. ¡Eñemoe cheré cheYa!

SALMOS 7:6 ပူးပေါင်းရင်းမြစ်များ

2 SAMUEL 17:14

Jayave Absalón jare opaete Israel iñemuña reta pe ikavi yae jókuae Husai jei vae, Ahitofel tenonde jei tëi vae güi. Echa yandeYa oyemongeta güɨrokomegua vaerä Ahitofel iporomboarakuaa, jupi rupi jei tëi vae, yandeYa güeru vaerä mbaesusere Absalón re.

SALMOS 103:6

YandeYa ko oporojäa jupi rupi, oyapo jupi rupi, oiporara vae reta peguarä.

SALMOS 12:5

YandeYa jei körai: “Paravete vae jare mbae re oata vae reta re peyuvanga. Jáeramo, añave apüata, aroasayepeta, oeka tëi oasayepe vaerä yogüɨreko vae.”

SALMOS 138:7

Aiko mbɨatɨtɨ rupi yave, nde remee tekove cheve; cherovaicho reta iyarasɨ chekotɨ vae güi, nde chereroasayepe ndembaepuere pe.

SALMOS 143:3

Cherovaicho reta oipota cheyuka, chemomichi yae reta; chemondo aiko pɨtumimbía rupi, ɨma ma omanogüe vae reta rami.

SALMOS 3:7

¡Epüa, cheYa! Chereroasayepe cheRu Tumpa. Echa nde reovapete opaete cherovaicho reta; ¡jeko pochɨ vae reta jäi remopë!

SALMOS 35:1

CheYa Tumpa, epüa oyovaicho chekotɨ vae reta re; eñeraro oñoraro che ndive vae reta ndive.

SALMOS 35:23

CheYa Tumpa, chereepɨ, ¡epa jare epüa eyapo cheve jupi vae!

SALMOS 44:23

¿Maera pa reke cheYa? ¡Epa! ¡Epa, agüɨye eyembosɨrɨ oregüi jekuae avei pegua!

SALMOS 44:26

¡Epüa oremborɨ, jare orereepɨ ndeporoparareko jeko pegua!

SALMOS 59:5

Nde, cheYa, Tumpa Imbaepuere yae ete vae, Israel iTumpa, epa reiporarauka vaerä opaete tëtaguasu reta pe; agüɨye eiparareko oyembopɨapochɨ ikavimbae rupi vae reta.

SALMOS 73:20

Ipaɨu güi opa vae rami, jökorai, nde cheYa, reporojäa yave, reröɨrota jókuae añete vae nunga oyekuaa vae.

SALMOS 74:3

Eyu emae oyemboai oï vae re; ¡o mbaemboetea tovaicho reta opa omboai vae re!

SALMOS 78:65

Jayave yandeYa opa, kia oke vae güi opa rami, jëia yae vae osapúkai vino omboakuvo vae rami.

ISAÍAS 3:13

YandeYa oporojäa vaerä ma oï, ojäata tëta imbae vae.

ISAÍAS 33:10

YandeYa jei: “Añave apüata; añave aechaukata chembaepuere tuicha yae vae.

ISAÍAS 37:20

Añave, oreYa Tumpa, orereepɨ jókuae mburuvicha ipo güi, opaete tëtaguasu reta oikuaa vaerä, ndeño ko jae oreYa Tumpa añetete vae.”

ISAÍAS 51:9

Epüa, epüa cheYa, eyemonde mbaepuere pe; epüa, arakae tenonde rupi repüa rami, arakae reyapo rami. Nde ko opa rembojaɨ jaɨ Rahab, mbaeporou ɨguasu rupigua;