SALMOS 69:7 - Biblia Guarani Tumpa Iñee

⁷ Echa roaɨu ramo aiporara ñemotareɨ; aiporara ñemomarai.

SALMOS 69:7 ပူးပေါင်းရင်းမြစ်များ

SALMOS 44:15

Ara ñavo aiko ñemomarai rupi; cherova kërai cheapo,

SALMOS 44:22

Ërei nderé rogüɨrovia jeko pegua, yemomburu rupi roiko ara ñavo; oyemongeta reta oreré vecha oyeyukata mbaeyukaa pe vae re rami.

ISAÍAS 50:6

Amee chekupe, chenupa reta vaerä vae reta pe, jare amaeño cherendɨvaa mondoro reta. Cherova mbaetɨ arova iñeenguru jare ondɨvɨ cheré vae reta güi.

ISAÍAS 53:3

Oñereröɨro jare oyemombo kuimbae reta ipɨte güi, kuimbae oiporara vae, tembiporara oikuaa; jare yanderova ñañomi chugüi rami, ñaröɨro jare mbaetɨ yaaɨu.

JEREMÍAS 15:15

CheYa, nde reikuaa ko opaete mbaembae, ¡nemaendúa cheré jare eyu chemborɨ! ¡Eiporarauka chemotareɨ vae reta pe cheve! Agüɨye ndepɨaguasu chupe reta, agüɨye emaeño tamano; mase, roaɨu jeko pegua ko aiporara ñemotareɨ reta.

San Lucas 23:11

Jayave Herodes jare isundaro reta oyuvanga jare oyóyai reta Jesús. Jayave omondeuka chupe temimonde ipöra vae. Javoi güɨrajauka ye Pilato pe.

Hebreos 12:2

Jare ñamae avei Jesús re, mborogüɨrovia iyapoa jare jae vi ombokavi. Jae tuicha güɨropɨa omano vaerä kurusu re, oyandúä oiporarauka chupe vae reta pe. Jare oguapɨ oï Tumpa iyakatu kotɨ.