SALMOS 69:12 - Biblia Guarani Tumpa Iñee

¹² imiari ari reta chekotɨño tëta guasu öke pe oguapɨ vae reta, jare okau vae reta itairari rupi cheangao.

SALMOS 69:12 ပူးပေါင်းရင်းမြစ်များ

GÉNESIS 19:1

Kaaruasɨ ma yave araɨgua reta yogüɨraja oväe Sodoma pe; jare Lot oguapɨ oï tëta Sodoma jöke pe; jare Lot oecha yave opüa oövaiti vaerä, jare oyetavatɨka itindɨasɨ ɨvɨ re.

SALMOS 35:13

ërei jae reta imbaerasɨ yave, che ayemonde temimonde mbɨatɨtɨ pegua pe, chepɨatɨtɨ jese reta güi ayekuaku tembíu güi, chepɨa rupi ayerure avei jese reta.

JEREMÍAS 20:7

CheYa Tumpa, nde ko chembotavɨ, jare che chetavɨ; nepɨ̈rata yae chegüi jare chemoamɨri. Ara ñavo cheyóyai yóyai reta vae; opaete vae opuka cheré.

DANIEL 5:23

ërei cheYa ara pe oï vae kotɨ reyembopɨapochɨ, jare reruruka nderóvai vaso reta Tumpa jo pegua, nde jare ndeɨvɨrigua mburuvicha reta, nderembireko reta jare kuña rerekoiño vae reta ndive rekau pɨpe; jare kuae güire, remboete tumpa reta korepoti pegua, oro pegua, jiero iyu vae pegua, jiero pegua, ɨvɨra pegua jare ita pegua; jókuae omaembae reta, oendumbae reta, yarakuaambae reta; jare Tumpa jae ipo pe nderekove oï vae jare opaete reyapogüe reta jese oiko vae mbaetɨ remboete.

San Mateo 27:20

Ërei sacerdote reta itenondegua reta jare tëta pegua reta itenondegua reta omboemboe yatɨ vae reta jei vaerä Pilato pe oyorauka vaerä Barrabás jare oyukauka vaerä Jesús.

San Lucas 23:2

Jare omboɨpɨ reta omboeko Jesús, jei reve: —Kuae kuimbae re roväe, güɨrokomegua tëta guasu pegua reta ipɨa, oyopia agüɨye vaerä oyemboepɨ César okovara vae, jare jei jae ko mburuvicha guasu Cristo jee vae.

DEUTERONOMIO 16:18

Peñono mburuvicha oporojäa vae reta jare imborɨka reta perëta guasu ñavo rupi, yandeYa Tumpa omee ñemuña reta ñavo pe vae, jae reta toporojäa jupi rupi.