SALMOS 67:7 - Biblia Guarani Tumpa Iñee

⁷ ¡CheRu Tumpa, ndeporerekua oreré! ¡Ndegüi toipoɨu opaete ɨvɨ pegua reta!

SALMOS 67:7 ပူးပေါင်းရင်းမြစ်များ

SALMOS 22:27

Imaendúa retata jare yogüeruta yandeYa kotɨ, opaete ɨvɨ pegua reta, opaete tëtara ñavo tëtaguasu reta pegua; ¡ombaemboete retata!

SALMOS 29:11

YandeYa omeeta mbaepuere imbae vae reta pe; yandeYa omeeta mbɨakatu pegua mborerekua imbae vae reta pe.

SALMOS 33:8

Toipoɨu yandeYa güi opaete ɨvɨ pegua, toipoɨu chugüi opaete ɨvɨ pegua reta.

SALMOS 65:5

Mbae tuichagüe rupi remboyevɨta oreve jupi vae, cheRu Tumpa orereroasayepe vae, opaete ɨvɨ pegua reta oyerovia jese vae, mombɨrɨ ɨguasu jembeɨ rupi ñogüɨnoi vae reta vi.

SALMOS 72:17

¡Mburuvicha guasu jee toiko avei! ¡Tijërakua avei jee toiko, kuaraɨ oime ramboeve! ¡Jese toyekou opaete tëtaguasu reta! ¡Jese timiari kavi opaete tëtaguasu reta!

SALMOS 98:3

imaendúa iporoparareko re jare iñee re Israel iñemuña reta kotɨ vae re. ¡Opaete ɨvɨ pegua reta oecha iporogüɨroasayepe!

ISAÍAS 30:23

Jayave yandeYa omongɨta peremitɨ reta re iara pe kavi, oime pemaetɨ yave, jare ɨvɨ omoñemuñata jeta mbaembae. Jókuae ara rupi perɨmba reta jembíu katuta.

ISAÍAS 43:6

Ɨvɨtuguasu kotɨgua reta pe jaeta: ‘Opa ye embou’, jare arayevɨ kotɨgua reta pe jaeta: ‘Agüɨye emombɨta. Eru mombɨrɨ ɨvɨ iyapɨ kotɨ güi cheraɨ reta jare cherayɨ reta,

ISAÍAS 45:22

Opaete ɨvɨ pegua reta, perovia cheré peasayepe vaerä, echa che ko Tumpa, mbaetɨ yé ko ïru.

ISAÍAS 52:10

YandeYa omboyekuaa imbaepuere, opaete tëtaguasu reta jesa róvai, jare opaete ɨvɨ iyapɨ rupi ave oendu ñaneTumpa iporogüɨroasayepe re vae.

LEVÍTICO 26:4

che ambouta peve ama iara pe kavi, jare ɨvɨ omee kavita mbaagüɨye, jare ɨvɨra reta kaa rupigua ia kavita;

MIQUEAS 5:4

Jae oïta jare oyangarekota yandeYa imbaepuere rupi, yandeYa Tumpa jee tuicha yae vae rupi; jare yogüɨreko kavita, echa yandeYa oyembotuichaukata opaetei ɨvɨ iyapɨ rupi.

ZACARÍAS 8:12

Echa mbɨakatu oimeta chupe reta: Uva iata, jare ɨvɨ omeeta mbaagüɨye, ara güi oata ɨsápɨi; kuae tëta güi jembɨregüe pe ayapota güɨnoi vaerä opaete kuae.

ZACARÍAS 9:10

Jae amboaita Efraín ikäretou reta, jare kavayu reta Jerusalén pegua, jare güɨrapa reta ñeraro pegua opata omopë; jare imiarita mbɨakatu re opaete tëtaguasu reta pe, jare opaete oyeokuaita chupe, ɨguasu jembeɨ güive ïru ɨguasu jembeɨ kotɨ, jare ɨ̈aka Éufrates güive ojoita ɨvɨ iyapɨ re oya.

MALAQUÍAS 1:11

Opaete tëtaguasu ñavo rupi chemboete, jare oipota rupi kuae ɨvɨ pe oapɨ reta ikäti kavi vae incienso cheree re jare omee reta mbota ikavi vae cheve, echa cheree jërakua opaete tëtaguasu reta rupi.

MALAQUÍAS 4:2

Ërei pe reta peipoɨu chegüi vae, oëta peve Jupi yae vae, kuaraɨ oë rami, jare jembipe güeruta peve tekove katu jare pe reta peëta pechäguariko guaka raɨ jókai güi oë rami.

Hechos 13:26

Tëtara reta, Abraham iñemuña reta jare pe kuaeɨgua peipoɨu Tumpa güi vae reta. Tumpa ombou peve kuae ñee peyemboasauka vaerä.

Hechos 13:47

Echa yandeYa oreokuai körai: “Poñono tembipe rami judiombae vae reta pe, peraja vaerä yemboasa opaete ɨvɨ pegua reta pe.”

Hechos 2:28

Reikuaauka cheve tape tekove pegua, jare ayerovia yaeta nde reï che ndive vae rupi.’

Gálatas 3:14

Abraham pe Tumpa güɨrökuavee vae oupitɨ vaerä Cristo Jesús rupi judiombae reta, jare yande ñanoi vaerä Espíritu mborogüɨrovia rupi.

Gálatas 3:9

Jáeramo, Tumpa iporerekua oporogüɨrovia vae reta re, Abraham re iporerekua rami.

Apocalipsis 15:4

¡Opaete vae okɨɨyeta ndegüi, oreYa! ¡Opaete vae omboeteta nderee! Echa ndeño ko jae iyoambae vae. Jáeramo opaete tëtaguasu reta yogüeruta jare ndemboete retata, echa oyekuaa ma neporojäa reta.”