SALMOS 67:4 - Biblia Guarani Tumpa Iñee

⁴ Tëtaguasu reta toyerovia jare tipɨakatu; echa nde reporookuaita tëta reta re, jare reyangarekota tëtaguasu reta.

SALMOS 67:4 ပူးပေါင်းရင်းမြစ်များ

GÉNESIS 18:25

¿Reyukata pa jupi vae, jeko vae ndive, jare jupi vae remboyovakeñota pa jeko vae ndive? Nde reporojäa opaete ɨvɨ re vae, ¿ngaraa pa reyapo jupi vae?

SALMOS 2:8

Eiporu cheve tëtaguasu reta ndembaerä, jare che tamee ndeve; jare toiko ndembaerä opaete ɨvɨ iyapɨ rupi.

SALMOS 82:6

Che jae: Pe reta ko jae tumpa reta, opaete pe reta, Tuichagüe yae ete vae taɨ reta.

SALMOS 9:8

Jae oporojäata ɨvɨ re jupi rupi, jare tëta reta re isɨmbi rupi.

SALMOS 96:10

Pere tëtaguasu reta rupi: “¡YandeYa ko jae mburuvicha guasu!” Jae oñono jenda pe kavi kuae ɨvɨ, agüɨye vaerä omɨi; jae ko güɨroata kuae tëta reta jupi rupi.

SALMOS 98:9

jókuae yandeYa ou oï vae pe. ¡Echa, jae ou oï vaerä mburuvicha guasurä kuae ɨvɨ pe, güɨroata vaerä jupi rupi jare isɨmbi rupi tëta reta kuae ɨvɨ pegua!

ISAÍAS 54:1

Imembɨmbae vae, eyerovia; nde mbaetɨi nemembɨ vae, etairari, reyerovia güi, echa yandeYa jei: “Kuña oyeeyagüe, jetata imembɨ, kuña ime ndive oï vae güi.”

ISAÍAS 55:4

Mase, che ko añono imiari vaerä tëta reta pe, oiko vaerä mburuvicha guasurä jare tëtaguasu reta imboearä.

ISAÍAS 60:6

Jetagüe camello omboatɨ retata nderé, Madián jare Efa güi yogüerugüe reta; opaete Sabá pegua yogüerugüe reta, güeruta oro jare ikäti kavi vae incienso, omoërakua retata yandeYa iyemboetea.

Hechos 17:31

Echa jae oiparavo ma metei ara ojäauka vaerä jupi rupi ɨvɨ pegua reta, jókuae kuimbae jae oiparavo vae rupi. Jare jókuae oechauka opaete ɨvɨ pegua reta pe, jae omoingove ye yave omanogüe reta ipɨte güi.”

Romanos 2:5

Ërei ndepɨatäta jare mbaetɨ reeya ikavimbae vae ndepɨa pe oï vae rupi, remboatɨ ndeyeupe aeño Tumpa iyarasɨ, jae iporojäa jupi rupi vae iara oyekuaa yave.

Gálatas 4:27

Echa Tumpa Iñee oyekuatía oï körai: “Imembɨmbae vae, eyerovia, nde mbaetɨi nemembɨ vae; esapúkai, eyerovia güi, nde mbaetɨ membɨrasɨ reiporara vae; echa kuña oyeeyagüe, jeta yaeta ko imembɨ, kuña ime ndive oï vae güi.”

DEUTERONOMIO 32:43

‘¡Tëtaguasu reta, pemboete Tumpa imbae vae reta! ¡Jae oiporaraukata jembiokuai reta imano re, oiporaraukata jovaicho reta pe, jare iñɨ̈rota kuae tëtaguasu pe jare imbae vae reta pe!’ ”