SALMOS 66:7 - Biblia Guarani Tumpa Iñee

⁷ Jae oporookuai jekuae avei pegua imbaepuere pe; omae oï tëtaguasu reta re, ipɨapochɨ vae reta agüɨye vaerä oñemopüa ikotɨ.

SALMOS 66:7 ပူးပေါင်းရင်းမြစ်များ

2 CRÓNICAS 16:9

Echa yandeYa omae opaete ɨvɨ re, jae omborɨ ipɨa jupi rupi oiko chupe vae. ¡Kuae reyapo iyarakuaambae rami! Echa kuae güi tenonde kotɨ oimeta ndekotɨ jeta ñeraro.”

JOB 9:4

Jae iyarakuaa katu yae vae ko, jare imbaepuere yae vae ko, ¿kia pa omotäta ipɨa Tumpa kotɨ yave, oë kavi?

SALMOS 11:4

CheYa oï jëta ikɨambaea pe. CheYa iguapɨa güɨnoi ara pe, jae oecha opaete vae, omae kavi yae opaete kuimbae reta re.

SALMOS 140:8

CheYa Tumpa, agüɨye emee iyoa vae pe ipɨa jemimbota; agüɨye emaeño toë kavi chupe iyemongeta reta, agüɨye vaerä oyembotuicha.

SALMOS 145:13

Ndeporookuaía opambae ko, ndembaepuere jekuaekuae avei vae ko.

SALMOS 33:13

YandeYa omae ara güi, jae oecha opaete vae reta.

SALMOS 62:11

Mbovɨ ye aendu Tumpa jei, jae imbae ko mbaepuere vae.

SALMOS 75:6

Echa yemborɨ mbaetɨ ko ou kuaraɨ oëa kotɨ güi ani kuaraɨ oikea kotɨ güi ani ñuu kotɨ güi.

ÉXODO 18:11

añave aikuaa yandeYa tuicha yae ete ko opaete ïru tumpa reta güi vae; echa ipɨayemboete pekotɨ vae reta re oechauka imbaepuere.

DANIEL 4:34

“Ërei ara reta oyepapa oï vae iyapɨ ma yave, che Nabucodonosor amae ara kotɨ, jare ou akuera ye vaerä; jayave amboete Tuichagüe yae ete vae, jare ambotuicha oikove avei vae körai: ‘Imbaepuere jare iporookuaía opambae vae.

DANIEL 4:35

Opaete ɨvɨ pegua reta mbaeä etei ko. Jae oyapo jemimbota ara pe jare ɨvɨ pegua reta pe. Mbaetɨ kia ipuere oyopia imbaepuere jare jei chupe: ¿Mbae pa reyapo?’

San Mateo 28:18

Jare Jesús oya katu jese reta jare jei chupe reta: —Opaete mbaepuere oñemee ma cheve ara pe jare ɨvɨ pe.

San Mateo 6:13

Jare agüɨye emaeño roipota oreyoa vaerä. Orereepɨ ikavimbae güi. Echa ndembae ko jekuae avei pegua mborookuaía, mbaepuere jare yemboetea. Amén.’