SALMOS 66:3 - Biblia Guarani Tumpa Iñee

³ Pere Tumpa pe: “Oporomopɨakañɨ yae nderembiapo reta. Ndembaepuere tuicha yae vae rupi nderovaicho reta yogüɨrekota nde rerea re;

SALMOS 66:3 ပူးပေါင်းရင်းမြစ်များ

JOB 25:2

Tumpa imbaepuere yavaetegüe. Jae oñono vɨakatu ara pe.

SALMOS 18:44

Oendu reta yave cheregua, oyapo reta cheporookuai, ketɨgua reta vi chemboete.

SALMOS 18:45

Ketɨgua reta oyembopɨtu, opa ñogüɨnoe reta iñemika güi.

SALMOS 47:2

Echa yandeYa Tuichagüe yae ete vae, kɨɨyea ko; jae ko Mburuvicha guasu opaete ɨvɨ re.

SALMOS 65:5

Mbae tuichagüe rupi remboyevɨta oreve jupi vae, cheRu Tumpa orereroasayepe vae, opaete ɨvɨ pegua reta oyerovia jese vae, mombɨrɨ ɨguasu jembeɨ rupi ñogüɨnoi vae reta vi.

SALMOS 68:30

Emokïrii, tembiporu ñeraro pegua ndive oyemboatɨ vae reta, jókuae toro jare toro taɨrusu vae reta jetagüe rami vae, yogüɨreko regua rerea re opaete imbaembae korepoti pegua ndive, opa emoai moai iñorarose vae reta.

SALMOS 76:12

Jae oekɨ mburuvicha reta jekove, kɨɨyea yae ko jae, mburuvicha guasu reta ɨvɨ pegua pe.

SALMOS 81:15

YandeYa imotareɨa reta opata tëi ko iñamɨri, jökoraita tëi opɨta reta jekuae avei pegua.

ÉXODO 15:21

jare María jei chupe reta: “Petairari yandeYa pe, echa oyembotuicha yae ete, opa omopɨ̈tupa ɨguasu pe kavayu jare kavayu regua reta.”

ISAÍAS 2:19

YandeYa opüa jókuae ara oiporarauka vaerä kuae ɨvɨ pe yave, opaete vae oiketa ɨ̈vavira oyeka vae rupi ɨvɨkua rupi; yandeYa kɨɨyea yae güi, iyemboetea tuicha yae vae güi.

ISAÍAS 25:3

Jáeramo ko, tëta imbaepuere yae vae reta ndemboete, jare kuimbae reta jëia vae, oipoɨu ndegüi.

ISAÍAS 40:26

Perovaɨva pemae ara kotɨ: ¿Kia pa oyapo opaete jókuae mbaembae reta? Jae ko oipapa jare oñono jenda pe kavi kavi, ombojee metei ñavo, ngaraa metei ave oata. Jökorai ko imbaepuere yae jare ipɨ̈rata yae.

ISAÍAS 64:3

Reyapo yepi mbae tuichagüe, ore mbaetɨi royemongeta vae, regüeyɨ yave ɨvɨtɨ reta opa tɨkui nderóvai.

JEREMÍAS 10:10

Ërei yandeYa Tumpa jae ko añetete vae, jae ko Tumpa oikove vae jare Mburuvicha guasu opambae. Iyarasɨ yave, okana ɨvɨ; tëtaguasu reta mbaetɨ jösa chupe.