SALMOS 66:2 - Biblia Guarani Tumpa Iñee

² Petairari jee imboetea yae re, pemboete petairari pe iyemboetea.

SALMOS 66:2 ပူးပေါင်းရင်းမြစ်များ

NEHEMÍAS 9:5

jare levita reta Jesúa, Cadmiel, Bani, Hasabnías, Serebías, Hodías, Sebanías jare Petaías, jei reta: “Pepüa pemboete peYa Tumpa jekuae avei rupi. ¡Toyemboete avei, nderee tuicha yae vae jare imboetea yae vae!”

SALMOS 106:2

¿Kia pa ipuere jei kavi yandeYa jembiapo reta tuichagüe regua? ¿Kia pa ipuere omboete jupi rupi kavi yandeYa?

SALMOS 107:15

Pemboete yandeYa iporoparareko re, ¡mbae ikavi vae oyapo kuimbae reta peguarä vae re!

SALMOS 107:22

Pemee mbaemboete Tumpa pe, pemoërakua yerovia rupi jembiapo reta regua.

SALMOS 68:33

¡Ɨvate ara rupi oguata vae, jae ko oiko ñomai vae! Mase, ko jae oendukata iñee tätagüe vae.

SALMOS 72:18

Toyemboete cheYa Tumpa, Israel iTumpa, jaeño ko mbaembae tuichagüe iyapoa.

SALMOS 79:9

CheRu Tumpa, orereroasayepe vae, nderee imboetea yae vae re oremborɨ; ¡orereepɨ jare neɨ̈ro oreve oreyoa re!

ISAÍAS 42:12

Tomee reta mbaemboete yandeYa pe, tomoërakua reta mbaemboete chupe oñemee vae, tëtaguasu reta ɨguasu jembeɨ rupigua rupi.

ISAÍAS 49:13

¡Ara ipo reta, petairari reyerovia güi! ¡Ɨvɨ ipo reta, peyerovia yae! ¡Ɨvɨtɨ reta, perɨapu peyerovia reve! Echa yandeYa ombopɨakatu tëta imbae vae, oiparareko oiporara yogüɨreko vae reta.

ISAÍAS 6:3

Jare osapúkai päve jei oyoupe reta: “Iyoambae, Iyoambae, Iyoambae ko yandeYa Imbaepuere yae ete vae; opaete ɨvɨ tɨnɨe oï iyemboetea pe.”

Apocalipsis 5:13

Jayave opaete ara pe, ɨvɨ pe, ɨvɨgüɨ pe jare ɨguasu pe ñogüɨnoi vae reta aendu jei: “Jókuae mburuvicha iguapɨa pe oguapɨ oï vae jare Vecha kuimbae taɨrusu vae, togüɨnoi mbaemboete, yemboete, yemboetea jare mbaepuere jekuaekuae avei rupi.”