SALMOS 6:4 - Biblia Guarani Tumpa Iñee

⁴ Eyu cheYa Tumpa, ¡eroasayepe cherekove! ¡Chereroasayepe ndeporoparareko rupi!

SALMOS 6:4 ပူးပေါင်းရင်းမြစ်များ

SALMOS 116:4

Jayave, aenɨi cheYa, jae chupe: “CheYa, chereroasayepe.”

SALMOS 116:8

echa nde chereroasayepe mano güi, yaeo güi jare agüɨapita tëi vae güi.

SALMOS 120:2

CheYa Tumpa, chereepɨ iyapu vae reta iyuru güi, jare yuru oporomopɨ̈chɨi vae güi.

SALMOS 121:7

YandeYa ko neovatuta opaete ikavimbae güi, jae ko oñovatuta nderekove.

SALMOS 13:2

¿Kërai yave regua pa cheyemongeta rupi aiporara poita ara ñavo chepɨatɨtɨ vae? ¿Kërai yave regua pa cherovaicho reta jeia re aikota?

SALMOS 17:13

Epüa cheYa Tumpa, ¡eë eñoraro jae reta ndive, emoamɨri reta! Chereepɨ jeko kavimbae reta güi ndekɨsepuku pe,

SALMOS 22:20

Chereepɨ kɨsepuku güi, chereepɨ kuae yaɨmba reta imbaepuere güi.

SALMOS 25:7

Agüɨye nemaendúa chetaɨrusu yave cheyoa vae re, ayembopɨapochɨ ndekotɨ vae re; cheYa Tumpa, nemaendúa cheré, ndeporoaɨu jare ndepɨakavi renoi rupi.

SALMOS 69:13

CheRu Tumpa, añave ayerure ndeve ndepɨakavi re; cheRu Tumpa, ndeporoparareko tuicha yae vae re, ndeporogüɨroasayepe añete vae re, ¡eendu cheve!

SALMOS 74:10

CheRu Tumpa, ¿kërai yave regua pa tovaicho reta oiporaraukata oreve? ¿Jekuae ñotai ra ndeangao reta yogüɨreko?

SALMOS 79:5

CheRu Tumpa, ¿kërai yave regua pa ndearasɨta? ¿Ndearasɨ yae aveita pa nerägüɨro jeko pegua?

SALMOS 80:14

CheRu Tumpa Imbaepuere yae ete vae, eyapo ikavi vae, eyu ye; emae ara güi jare eyemongeta remborɨ vaerä kuae uva,

SALMOS 86:13

Echa ndeporoparareko tuicha yae ko chekotɨ, ¡reroasayepe cherekove omanogüe reta ñogüɨnoia pe aja vaerägüe!

SALMOS 90:13

OreYa, eyerova orekotɨ, ¿kërai yave pa reyerova yeta? ¡Oreparareko, ore nderembiokuai reta!

ISAÍAS 38:17

Chepɨagüive kavi aiko pe ou cheve mbɨatɨtɨ tuichagüe vae, ërei nde reyemoambeko cherenoe vaerä mano güi, echa neɨ̈ro cheve opaete cheyoa reta re.

DANIEL 9:18

OreYa Tumpa, emboɨke ndeapɨsa jare eendu; emae kavi opa royemboai roï vae re, jare tëta guasu nderee oñeenɨia opa oyemboai oï vae re. Mbaetɨ roeka ndeve yemborɨ jupi rupi roiko jeko pegua, jaeño ndeporoparareko tuicha yae jeko pegua ko.

MALAQUÍAS 3:7

Peñemuñagüe reta rami opa pesɨrɨ cheporookuai güi, jare mbaetɨ peñovatu. ¡Peyerova ye chekotɨ jare che ayerova yeta pekotɨ!” Jei yandeYa Imbaepuere yae ete vae. Ërei pere: “¿Mbae rupi pa royerova yeta?”

Efesios 1:6

ipɨakavi yae oyemboete vaerä, jókuae rupi yandeapo taɨrä, Taɨ oaɨu vae rupi;