SALMOS 51:9 - Biblia Guarani Tumpa Iñee

⁹ Eñomi nderova cheyoa reta güi, jare emboai opaete ikavimbae oï cheré vae.

SALMOS 51:9 ပူးပေါင်းရင်းမြစ်များ

JOB 9:30

Yepe tëi ayau ɨ jësaka yae vae jare javo pe, jare ayepoe javo legía pe.

SALMOS 51:1

CheRu Tumpa, nde ndeporoparareko jeko pegua cheparareko, emboai chepɨapochɨ, ndepɨakavi jare ndeporoaɨu yae jeko pegua.

ISAÍAS 1:18

YandeYa jei: “Peyu yayoaka. Yepe tëi peyoa reta pɨ̈taasɨ yae, ërei amotïasɨta iroɨ rami; ani temimonderä vae pɨ̈taasɨ vae rami yave, vecharaa tïi vae rami amotïasɨta;

ISAÍAS 38:17

Chepɨagüive kavi aiko pe ou cheve mbɨatɨtɨ tuichagüe vae, ërei nde reyemoambeko cherenoe vaerä mano güi, echa neɨ̈ro cheve opaete cheyoa reta re.

JEREMÍAS 16:17

Echa opaete jeko reta aecha; mbaetɨ etei oñemi chegüi vae, iyoa reta ave mbaetɨ ipuere oñemi chegüi.

EZEQUIEL 36:25

Poyoeta ɨ ikɨambae vae yetɨo pegua pe rami, jare ikɨambae pepɨtata cheróvai opaete peyemongɨa pɨpe vae güi; potɨota opaete petumpa-raanga reta güi.

NÚMEROS 19:18

Javoi kuimbae ikɨambae oï vae toipɨɨ ñana hisopo, jare tomopöe jókuae ɨ pe, jare toñapiramo o guakapi pegua re, jare opaete mbaembae pɨpegua re, jare opaete joko pe ñogüɨnoi vae reta re, jare kia ikägüegüe oyavɨkɨ vae re, ani tëogüe ñana pe oï vae, kɨsepuku pe omano vae, ani omanoi vae, ani tɨvɨa re vae.

Colosenses 2:14

Tumpa omboai ma mborookuai oyekuatía oï yandekotɨ vae, oyovaicho yepi yanderé vae, ërei Tumpa oekɨ güɨraja oikutu kurusu re,