SALMOS 5:7 - Biblia Guarani Tumpa Iñee

⁷ Ërei ngatu ndeporoparareko tuicha yae ete jeko pegua chepuere aike ndero pe. Romboete aipoɨu reve kavi amae ndetupao oñeñono tee vae kotɨ.

SALMOS 5:7 ပူးပေါင်းရင်းမြစ်များ

1 REYES 8:35

Ndembae vae reta iyoa ndekotɨ vae jeko pegua okɨä yave, ërei oyerure kuae tupao pe nemoñera reve jare oyembopɨambuae reve iyoa güi reiporarauka chupe vae re yave,

1 REYES 8:38

eendu opaete yerure reta kia ñavo oyerure yave, ani opaete ndembae vae Israel güi, oime yave susere; ërei oupi ipo oyerure kuae tupao kotɨ yave. Nde eendu ara pe, jókuae reikoa pe, jare neɨ̈ro chupe; jare emee metei ñavo pe kërai jeko oï rupi, echa ndeño reikuaa kuimbae reta ipɨa iyemongeta.

SALMOS 101:7

Iporombotavɨse vae ngaraa oiko chero pe; ¡metei ave iyapu vae ngaraa oiko cheróvai!

SALMOS 130:4

Ërei nde ko neɨ̈ro vae, reyemboeteuka vaerä.

SALMOS 132:7

¡Roiketa itupao guakapi pegua pe! ¡Royetavatɨkata jóvai!

SALMOS 138:2

Ayetavatɨkata ndetupao oñeñono tee vae kotɨ amae reve, ameeta yasoropai ndeporoparareko añete vae re, echa rembotuicha nderee jare neñee opaete mbaembae güi.

SALMOS 28:2

Eendu romoñera vae, asapúkai ndekotɨ yave, chepo aupi ndetupao oñeñono tee vae kotɨ yave.

SALMOS 34:17

Jupi vae reta osapúkai, jare yandeYa oendu; jare oepɨ opaete ipɨatɨtɨ güi.

SALMOS 51:1

CheRu Tumpa, nde ndeporoparareko jeko pegua cheparareko, emboai chepɨapochɨ, ndepɨakavi jare ndeporoaɨu yae jeko pegua.

SALMOS 52:8

Ërei che aï Tumpa jo pe olivo jokɨ katu rami, Tumpa iporoparareko re ayeko avei jekuae avei pegua.

SALMOS 55:16

Ërei che, ayerureta Tumpa pe; cheYa chereroasayepeta.

SALMOS 69:13

CheRu Tumpa, añave ayerure ndeve ndepɨakavi re; cheRu Tumpa, ndeporoparareko tuicha yae vae re, ndeporogüɨroasayepe añete vae re, ¡eendu cheve!

SALMOS 69:16

Eendu cheYa, echa ikavi yae ko ndeporoparareko; emae cheré ndeporoaɨu tuicha vae rupi.

PROVERBIOS 6:16

Oime ova mbaembae yandeYa güɨröɨro vae, jare chiúa pɨ̈chɨi yae ete jesa róvai; jae ko:

PROVERBIOS 6:17

Oyemboete yae iyé vae, apu omomora vae, jekombae oyukaiño vae,

ISAÍAS 55:7

Iyoa vae toyepoepɨ, jare kuimbae ipɨapochɨ yae vae toeya iyemongeta, jare toyerova ye yandeYa kotɨ, jare jae iporopararekota jese, jare ñaneTumpa kotɨ, echa jae ipɨakavi avei iñɨ̈ro vaerä.

ISAÍAS 64:11

Orembaemboetea ikavi yae vae, oreñemuñagüe reta pɨpe ndemboete yepi vae, opa oyemboai tata pe. ¡Opaete mbaembae roaɨu yae yepi vae, opa oyemboai!

DANIEL 6:10

Daniel oikuaa mburuvicha guasu oikuatía ko jee mborookuai re yave, oike jo pe jare oipea iventana Jerusalén kotɨ omae oï vae jare oyetavatɨka oyerure mboapɨ ye ara pe omee reve yasoropai Tumpa pe, oyapoñoi oiko rami.

OSEAS 3:5

Kuae jaɨkue rupi yogüeru retata Israel iñemuña reta jare oekata iYa Tumpa jare juvicha guasu David. Ara taɨkuegua pe, oipoɨu retata omboete reve iYa Tumpa güi iporerekua jese reta vae.

Hechos 9:31

Jayave opaete Judea rupi, Galilea rupi jare Samaria rupi, oporogüɨrovia vae reta yogüɨreko pɨagüive jare oñemomɨ̈rata reta oipoɨu kavi reve yandeYa güi, jare Espíritu Santo iporomborɨ rupi jekuaeño jeta oñemoïru.

Hebreos 4:16

Jáeramo, yayemboya yaipoɨumbae reve ipɨakavi yae vae iguapɨa re, jae yandeparareko vaerä jare ipɨakavi rupi yandemborɨ vaerä yaiporara yave.

JOSUÉ 24:15

Ërei mbaetɨ peipota peyeokuai yandeYa pe yave, peiparavo peyeupe kia pe peyeokuai vaerä; tumpa reta, peñemuñagüe reta oyeokuai ɨ̈aka Éufrates jembeɨ pe yogüɨreko yave vae pe, ani amorreo reta kuae ɨvɨ pe yogüɨreko vae reta itumpa pe. Ërei che jare chero pegua reta ndive royeokuaita yandeYa peño.