SALMOS 41:1 - Biblia Guarani Tumpa Iñee

¹ Toyerovia jókuae oyemongeta paravete vae re vae, yandeYa oepɨta tembiporara iara pe.

SALMOS 41:1 ပူးပေါင်းရင်းမြစ်များ

SALMOS 112:9

Omboyao mbae, paravete vae reta pe; ipɨakavi avei; imbaepuere oyembotuichata jare imboetea yaeta.

SALMOS 34:19

Jupi vae, jeta yae ko iyemoambeko reta, ërei ngatu opaete kuae reta güi yandeYa oepɨ.

SALMOS 37:19

Ngaraa oñemomaraiuka oime yave mbae oata, karuai yave jae reta güɨnoita tembíu.

SALMOS 37:26

Ara ñavo iporoparareko jare oiporuka mbae, iñemuña reta yogüɨreko iporerekua vaerä.

PROVERBIOS 14:21

Japicha güɨröɨro vae, iyoa ko; ërei paravete vae reta oiparareko vae, oyerovia ko.

PROVERBIOS 16:14

Mburuvicha guasu iyarasɨ yave, oime mano, ërei kuimbae yarakuaa vae, omoröɨsa.

PROVERBIOS 19:17

YandeYa pe ko oiporuka, paravete vae ombopota yave; ikavi vae oyapo vae oyemboekoviata ko chupe.

ECLESIASTÉS 12:1

Nemaendúa ndeApoa re, ndetaɨrusu ramboeve, ndei ara reta yavai yae vae oväe ndeve mbove, ndei rere mbove: “Mbaetɨ chemboyerovia aikogüe vae.”

JEREMÍAS 39:17

Ërei che jókuae ara rogüɨroasayepeta, ngaraa rea jókuae rekɨɨye chugüi vae reta ipo pe. Che ndeYa ko jae kuae.

San Marcos 14:7

Echa iparavete vae reta oime aveita ko pepɨte rupi, jare peipota yave, pepuereta pemborɨ. Ërei che ngaraa aiko avei pe reta ndive.

Hechos 20:35

Pomboe kavi ma kërai ikavi ko jökorai yaparavɨkɨ yamborɨ vaerä mbae oata chupe vae reta. Yandemaendúa reve yandeYa Jesús iñee re, echa jei: ‘Mbae ñamee vae ko ikavi, mbae oñemee yandeve vae güi.’ ”

Gálatas 2:10

Jaeño jei reta oreve oremaendúa vaerä iparavete vae reta re. Jókuae che ayapoño mai chekɨ̈reɨ reve vae.

1 Tesalonicenses 5:14

Cherɨvɨ reta, pomoñera vi pemboeta vaerä iyakɨ vae reta pe, jare pemoäta ngatu oyembopɨtu vae jare pemborɨ ipɨ̈ratambae reta, jare pepɨaguasu opaete vae pe.

Hebreos 6:10

Echa Tumpa jupi vae ko, ngaraa iñakañɨ peyapo vae güi, jare peporoaɨu peechauka ikotɨ vae güi, echa peyeokuai oporogüɨrovia vae reta pe añave regua.

Santiago 2:13

Echa kia mbaetɨ oiparareko japicha vae, Tumpa ojäata oipararekombae reve; ërei oporoparareko vae mbaetɨta oñejäa.

Apocalipsis 3:10

Reyapo che jae ndeve reyapo vaerä vae ndepɨaguasu reve ramo, che roepɨta opaete ɨvɨ pe yogüɨreko vae reta oiporarata oñejäa yave vae güi.

RUT 2:19

Jare imesɨgüe oparandu chupe: —¿Kia pe pa reyevɨka añave? ¿Kia pe pa jeta mbatee reyevɨka? ¡Toiko kavi jókuae ndeparareko vae! Jare Rut imiari imesɨgüe pe, kia iko pe ko oparavɨkɨ vae; jare jei chupe: —Jókuae kuimbae iko pe kuae ara aparavɨkɨ vae jee Booz.