SALMOS 4:6 - Biblia Guarani Tumpa Iñee

⁶ Jeta vae jei: “¿Kia pa oechaukata yandeve ikavi vae?” ¡OreYa Tumpa, ndepɨakatu oreré!

SALMOS 4:6 ပူးပေါင်းရင်းမြစ်များ

SALMOS 119:135

Ndepɨakatu emae che nderembiokuai re, chemboe ndeporookuai reta re.

SALMOS 21:6

Echa ndeporerekua jese jekuae avei pegua, remboyerovia, echa reï jae ndive.

SALMOS 39:6

¡Añetete opaete kuimbae oasa küaraɨa ramiño! Añetete oyemoambekoiño ma, omboatɨ mbatee mbaeyekou vae, mbaetɨ oikuaa kia imbaerä ko vae.

SALMOS 42:5

¿Maera pa ayembopɨtuta? ¿Maera pa ayemoambekota? Cheporoäro anoi ko Tumpa kotɨño, jekuae ñotai amboete. ¡Jae ko cheRu Tumpa, chereroasayepe vae!

SALMOS 44:3

Echa mbaetɨ opɨ̈ro reta kuae ɨvɨ ikɨsepuku ae pe, mbaetɨ ko iyɨva pe ave oyeepɨ reta. ¡Jaeño ko ndeyɨva jare ndembaepuere rupi! ¡Jembipe reyekuaa vae rupi, echa nde reaɨu yae reta!

SALMOS 67:1

CheRu Tumpa, oreparareko jare ndeporerekua oreré, emae kavi oreré,

SALMOS 80:19

CheYa, Tumpa Imbaepuere yae ete vae, ¡oremopüa pɨau ye! ¡Emae oreré jare orereroasayepe!

SALMOS 80:7

CheRu Tumpa Imbaepuere yae ete vae, ¡oremopüa pɨau ye! ¡Emae oreré, jare orereroasayepe!

SALMOS 89:15

CheYa Tumpa, oyerovia ko tëta ndemboete oyerovia katu reve vae; nderemimbota rupi oguata vae,

ISAÍAS 55:2

¿Maera pa peiporu pekorepoti, tembiumbae re, jare peparavɨkɨ, mbae pemoangapɨɨmbae re? Peyeapɨsaka kavi cheré, jare peu tembíu kavi, peu tembíu jëe ngatu vae.

MALAQUÍAS 3:3

Jare oguapɨta ombokavi jare oitɨo korepoti, jökoraita oitɨo Leví iñemuña reta; ombokavita oro jare korepoti rami; jare güeru retata mbota yandeYa pe jupi rupi.

NÚMEROS 6:26

YandeYa tanderaɨu tomae nderé jare tomee mbɨakatu ndeve.’

San Lucas 12:19

Jayave che jaeta cheyeupe: ‘Jeta yae mbae renoi, oupitɨta ɨma año pegua. Eputuu, ekaru, ekau jare eyerovia.’

San Lucas 16:19

Oiko metei kuimbae oikokatu vae, oyemonde kavi avei temimonde ikavigüe pe jare ara ñavo oyapouka tembíu kavi.

DEUTERONOMIO 33:19

Ɨvɨtɨ guasu re omboatɨ retata tëta guasu reta, jare joko pe omee retata mɨmba oyeyukagüe jupi vae; oyekou retata mbaeyekou ɨguasu pegua re, jare mbaeyekou ɨvɨkuitï pe oñeotɨ oï vae re.”

Santiago 4:13

Peyeapɨsaka kuae re, pe: “Añave ani pɨareve yaja jókuae tëta guasu pe, jare yaiko joko pe metei año. Yagua mbaembae jare ñamee ñamongana vaerä korepoti”, pere vae reta.